اوسخ حركه ... ولكم حريه الرأي ((من مواضيعي))

[ماااجد]

	اعتذر عن اسم العنوان ولكن اترك لكم حريه التعليق على هالحركه او على هالموقف بالاصح وانتم احكموا ولكم كامل الحريه في التعليق ............ هالسالفه صارت لي شخصيا قبل اربع سنوات والله اني ماانساها ماحيت لاني بكيت في نصف الشارع لا شعورينا وقعدت اصيح لمده ثلاث ايام الين ............... راح اقول القصه من اولها كنت مصادق شخص وكنت انا وياه مثل النفس لدرجه اني كنت انام في بيتهم واكل مع اخوانه كلهم وقت الغداء كاني بين اخواني وفي بيتي وفي يوم من الايام كنا في الصيف كنت انا في الخبر وصديقي هذا كان في الجنوب وكنت انا مع اخوي وواحد من اخوياي وكانت الساعه 8 ليلا كنا في كورنيش الخبر ع العموم جاء اخوي اتصال من من ماادري بس شفت اخوي سكت وطفى المسجل سالته وش السالفه وش فيه مارد علي بشيء اللين مسكته وقلت والله ان فلان اللي هو صديقي الروح بالروح صاير فيه شيء قال اخوي ايه قلت وش اللي صاير قال عطاك عمرة ((توفى)) فمامسكت نفسي بكيت وقمت اساله من المتصل قال ماادري بس واحد من اخوياك (كنا نعرف حدود عشرة من جماعه واحده اعيال عم) قال واحد منهم بس والله مااعرف من هو المشكله ان صديقي مامعه جوال وهو في الجنوب مع ابوه فقلت الخبر صحيح وصلنا البيت وماقدرت ادخل قعدت ابكي عليه في نصف الشارع لا شعوريا والسيارات طايرة من جنبي وماهمني لمده ثلاث ايام وانا لا ليلي ليل ولا نهاري نهار خلااااااااااااااص احس ان الدنيا ملها داعي وبعد ثلاث ايام دقيت على اخو صديقي موظف في ارامكو وسالته فلان اخوك وش اخبارة قال الحمد لله قلت كم صارلك منه (اتصال) قال حدود اسبوع وبعدها مااعرف عنه شيء الى يومنا هذا فبكيت لان كلامه هذا يثبت لي انه مات صدق فسالني وقال وش فيك قلت اخوك توفى قبل ثلاث ايام فقال وش تقول وقام يصايح ويبكي ويقول ماجد انت من جدك وانا ابكي قلت هذا اللي وصلني قبل ثلاث ايام وانا الحين مثلك الله يعلم بحالي ع العموم قال مع السلامه وانا راح اتاكد دق على ناس في الجنوب يصيرون له وسالهم عن اخوه فقالوا حي يرزق مامات فقال ماني مصدقكم الين مااسمع صوته وبالفعل راوحو له للبيت وخلوه يكلم اخوه فاتصل علي(اخو صديقي) وطمني بس حلف بالله انه لو يعرف من اللي طلع هالكذبه انه مايبقى حي ع العموم حاولنا انا واخو صديقي نطلع من المتصل ماقدرنا نعرف رقم من الكبينه . دارت الايام صديقي عرف بالسالفه وعرف من اللي سواها بعد بس رفض يعلمني من هو ورفض بعد يعلم اخوة من هو من شان مانجيب فيه العيد صار للسالفه هذه ست سنوات ومازلت انظر لها بانه اوسخ حركه مرت علي والحين وش رايكم ؟؟!!

[،؛بنت السحاب؛،]

انا اشوف ان هذا الأنسان اما مريض عقليا نسال الله السلامه او انسان غير مسؤال{مستهتر}
لايبالي بمشاعر الناس في سبيل اسعاد نفسه {الله يشفيه}.........................
وامثاله كثير الله المستعان..............
اختك كشكوشة

[مثقف زماني]

ياااالله والله حرررركه قوووية وانا شخصيا والله تأثرت مع القصه ولكن الحمد لله على سلامة صحبك وانشاء الله ربنا يطول فعمروا وعمرك . وتسلم اخوووي عالموضوع .

[ماااجد]

كشكوشه ومثقف زماني

كشكوشه يعطيك العااااااااافيه على مرووورك

ورب البيت اني الى الان مااعرف من هو الشخص وعلى فكرة رفضوا يعلموني من هو

لاني مااعرف وش راح اسوي لعرفت خاصه وقتهااااا

لكن اتوقع انه مستهتر وغير مبالي وعلى باله مزح

مشكوووووووووووووره اختي الله لا يحرمنا منك
مثقف زماني عفوااااااا زمانه و زماني ((يالله طخطخ من قدك ,,, يعني استانس ))

مشكور على مروورك على موضوعي

الموضوع اثر على ناس كثير خاصه اللي سمعوني وانا اقوله تعرف كيف تاثيرها علي

لما اتذكرهاااااااا

وتاثيرك بالقصه يدل على رقه مشاعرك ((طخطخ ثاني مرة ههههههههههههههههه))

الف شكرررررررر والله لايحرمني منك

[ذوق وراسي فوق]

ياثقل دمممممممممه وربي انا انقهرت منه وهو ماسوى لي شي كيف انت وخويك

حسبي الله عليه

[ماااجد]

مشكورررررررر اخووووووووي ذووووووووق على مرررررررروررررررررك

وش تبيني اقوووووول غير خلهاااااااا على الله وانااااااااا اخوووووووك

يعطيك العاااااااااافيه

[المحتار-]

هلاا الملقووووف ماجد
هي السالفة لها جانبين
ان اللي قال الخبر علي باله قاعد يمزح وهذا اخف شوي لان نيته مزاح مع ان الامور هذي مافيها مزاح
والثانية انه واحد حقير علي قولتهم معتهوه وعديم الاحساس
لان لو عنده ذره احساس متلاعب بمشاعر الاخرين
بس انا ابي اكون متفائل
واقول هالحركة لها ايجايبيات
ان صديقك عرف قيمتك عنده
والا وش رايك
علي العموم انا ابي احط لموضوعك اسم
( اذا اتاكم فاسقا بنباأ فتبيونا )
الظاهر مافيه انسب من الاية الكريمة لقصتك
ويسلمواااا
بشرنا خويك هو متزوج الحين ؟

[غنج الرياض]

يالله بالمررررررررررررررررره سخيف

تيب لو لاقدر الله سار لك شي لما سمعت الخبر ولا اخوه اللي يمكن يتوقف قلبه من قوة

المصيبه

وربي بالمره انقهرت منه هذا اكيد واحد متخلف بس الحمد لله على سلامة صديقك

والله يديم هالمحبه بينكم .

[ماااجد]

المحتار وغنج

المحتار الله يعطليك العااااااااافيه بصراحه كلامك صحيح واذا فيه شيء اكثر من الصح فهو ذلك اما بالنسبه لزواج صديقي لا والله لسى يمكن مالقى بنت الحلال صح الله كريم مع ان البنات كثير بس البنت الانسب وين ؟؟؟ الله يوفق الجميع

غنج الرياض <<<<< كفايه غنج من دون غنج هههههههههههههههههه امزح
بصراحه شاكر لك مرورك خصوصا هذا المرور الاول لك على مواضيعي اشكرك
الحمد لله ان قلبي انا ماتوقف قبل اخوووووه ههههههههه كلامك صحيح بس الغبي هذاك
ليش مافكر كذااااااااااااا ع العموم ترى رفضوا يعلموني من هو الى اليوم ؟ لاني مااعرف وشر راح اسوي لو عرف من هوووووو ؟ من جد سخيف

الف شكر على مررررررررررروررررررررررركم

[raeq_7eal]

اخي الكريم (( ماجد ))

تحيه طيبه واسعد الله ايامك وايام كل الاخوان والاخوات بالين والخير والبركه ..

حقيقه موضوعك مؤثر جدا وهذا شيء يعاني منه المجتمع من فئه نحسبها قليله بان الله

تحاول تعكر سوف الناس وتلعب في مشاعرهم .. ونسال الله ان يغفر لنا ولهم ..

ولكن لو حصل يوم وعرفت هالشخص هل تقابل السئيه بالسيئه لابس ان يكون هناك احسان منا والعفو عند المقدره ومن فعل هذه الاشياء سيجد حسابه لا محاله عن الله سبحانه وتعالى

فلابد ان نعفوا ونصفح لعل بهذا العفو نساعد انسان كان به هذا المرض فيرجع عن ماهو عليه

وبالختام تقبل خاص تحياتي

اخوك

رايق