لو نشوف من حولنا فيه أشخاص فيهم عيوب في الشكل أو العقل نلقى المجتمع أنواع يعني لما تجيك بنوته دبدوبه شوي
يقولون لها بقره ولا فقمه وحتى أبوها إذا جاء يدلعها وين بقرتي الصغيرة مو بس السمان أي عيب مثل الحول أو فهمه بطئ شوي
يادلخ ياكمخه ياثور تعال ولا الي خشمه كبير يابو خشم
او الاصلع يقولون له فارش على راسك سيراميك أنصح كل أصلع يكتب حكمه على صلعته مثلا (لا للمخدرات)
لا يخليها فاضيه عشان ماحد يضحك على صلعته.
والاستهزاء مو بس من الشارع حتى من اقرب الناس لهم يجيهم استهزاء ويسمعها بشكل مستمر
من كل ألي حوله كأنه ألي فيه عيب واحد من كوكب ثاني مايحس ولا عنده إحساس مع إني متأكد أنهم أكثر إحساس منا
لو تروح لي دكتور نفسي تلقى أكثر الإمراض النفسيه سببها ( كلمه) أثرت على نفسية المريض خاصة وهو صغير
أنا مو ضد المزح بس لو بغيت تمزح مع احد مايكون فيه تجريح لشئ من خلقه الله.
تخيل لو جاك في المستقبل ولد أو بنت أو جاكي ولد أو بنت وفيه هالعيب وش راح تسوي؟
وتذكر أن كلنا فينا عيوب فالكمال من صفات الله سبحانه
اختم بقول الله سبحانه وتعالى( ولا تتنابزو باالالقاب بئس الاسم الفسوق بعد الايمان)
سامحني اذا بحقك اخطيت..
العرض العادي
