جفله تتأفف طفشششش وعمشه تقصص اظافر رجلها
طنطن طنطن طنطن من على الباب لكم
بطاقه فكو الباب جفله وعمشه قامو يطمرن يمه يمه يمه
جتنا بطاقه عرس في افخم صاله
عمشه:اسمعي ترى فستان النوري بنت خالي محجوز وانتي كلمي على حصيص وخذي فستانه حق ملكتها فخم كله شك وجزمته بس مايدرى هي تعطيتس
اكسسواراتها قردنيها برندا و توكس كوده تعطيس
عاد تبدء جفله وعمشه يفردن شوشهن
ويبدن يزينونها تقل ابراج الفيصليه
صاله العرس
جفله و عمشه تحتت عيونهم من المناظر
جفله:حمدلله شوفي ذي وش لابسه تصدقين هذي خامس مره اشوفه بنفس الفستان هذي وابوه عندوه محل غسالات <<<<<<<<< اقصى الطموح اجل لوعنده محل فول وتميس وش لبست
عمشه:لاتكفين ناظري الى بالطاوله الى ورانا تخزنا يمه ياعيونه تزيني يمكن تخطبنا [IMG]h]
جفله : ايهم؟؟؟؟؟؟
عمشه: هذيك السمراء ام براطم سمراء ولابسه فوشي ياربي واثقه اخس يانعومي كامبل
جفله:لاناظري الدبه الى لحمها يترجرج تقل جلي العلالي يمشي
عمشه: تكفين شوفي ام العصاقيل لابسه عاري وعظامينه طالع لا ياكلوديا شيفر
دخلو الجنب
طوالي على المسرح تقل مازوجو ولدهم الا عشان يترززون بالمسرح والطقاقه تغني اغنيه سو ياسو حبيبي حبسوه
حبيبي عاوز ترتر ومنين اجيب لوه ترتر
جفله: لايفوتك ناظري اخت المعرس ترقص على ترتر بشعرها
تلفح تلفح تقل مغنين كل الحمايل كلهم لافرق الله شملهم
تجي صينية البقلاوه والبتفور والباتشي
عمشه:جعلها العله ذا الفلبينيه شركه خشم مافيه تشوفني وتصد عني ماتجي تباشرني والله لااقوم واجر منه الصينيه
وتروح عمشه وتخمش قشمه منها وتاكل ليمن
الزفه
طفو اللمبات وولعو الشمعات وافتحو الباب وجت الزفه يدخلون كمن سحيله الي بيضاء والى سمراء والي شينه والي زينه ويرحون الى المنصه
عاد جت العروس
تمشي تقل عروسه منتهيه بطاريتها تقل توه تتعلم تخطي
وماسكتن اوراق خضراء تقل جت يابس قلب وصار تبن
تغطو ياحريم دخل المعرس
يجي الاطخم
جفله: يشبه الخياط حقنا
عمشه : لامعصي يشبه الهندي الي يغسل سيارات الحاره
جفله: وعععععععع على وشو مااخذته
عمشه: تبي تعرس وبس مطفوقه جعله الطفقه
جفله: اقول عمشه خلنا نغير الطاوله شكل العشاء قرب عشان اول مايقولون تفضلو على العشاء نهجم ونحجز بلع
عمشه: ماهنا طاوله اجل اسمعي خلينا واقفين والله اسمع قرقعات الصحون بقاعه الاكل اصبري الحين والله يفتحونه
ويرتزن ساعه والا يدق عليهم اخوهم
الو وجع وراه ماتردون
عمشه: وين نسمع وذا الطيران مدهره
الاخ: يله اطلعو انا عند الباب
عمشه: نعم نعم؟؟؟؟؟ ماتعشينا يوم مسحت ثوبك ونقشت هالصفر تقول يالله
الاخ: اقول اطلعي لايكثر بس وبلى فجاعه
طررررررررررررررررررررررررخ السماعه
تمسك جفله الفلبينيه
انا والله مسكين
انا في اخو انا جاء برء
انا مافي اكل همهم <<<<<<<< ابوكي يالشحاده
انا بموت بموت بموت
رحمتهم الفلبينيه وترست لهم صحنين مشكل
دردبو الاكل وتوكلو على بيتهم
والى اللقاء في عرس قااااااااااادم:D :D :D :D
العرض العادي
