فيه بعض من شبابنا يسافرون ألي خارج المملكه مو سياحه ولا دراسه ولا للتجاره ...
لا بحثا عن الملذات الدنيويه لدرجه انه صار مربوط الخليجي بشي هذا وبصراحه ولا مره نزلت مطار خاصه في دول عربيه ألا وجاني أكثر من 30 واحد
تبي بنات تبي مادري ايش واذكر مره ركبت تكسي في مصر وقلت له ودني للمتحف استغرب قلت ليه قالي انا لي عشرين سنه سواق اول مره يركب معي واحد
خليجي شباب ويقول ودني للمتحف!
لأنه معروف مكانهم في المراقص والديسكوات..
لو قلنا للشباب ليش تسون كذا فيه بعضهم راح يقولون مافيه معنا فلوس نتزوج طيب لو فرضنا انك تسافر أربع مرات في السنه وتصرف 10 ألف ريال
لو جمعت فلوسك راح يصير معاك مبلغ حلو مافيه شي يجي بيوم وليله اعرف واحد يشتغل سنه في محل وكل ارباحه فيه السنه يضيعها بسفره في نص شهر
يعني تخيلو تعب سنه يروح في نص شهر عشان المتعه الوهميه وياليته على شي يستاهل
هذا بالنسبه للمال فيه شي اهم بكثير الصحه..
أنا بكلم الشباب ألي يسافرون بحثا عن البنات ماراح اكلمهم من ناحيه الدين لأنه الزنا معروف للكل انه من الكبائر
بكلمهم من ناحية العقل لو شفت مطعم من برى كشخه وديكورات شي ويوم دخلت للمطبخ حقهم لقيت الذباب متجمع على الأكل والأكل واضح انه مو نظيف قل الصراحه
تبي تأكل من المطعم أكيد تبي تقول والله بطني موب زباله أكل منهم
البنات ألي أنت رايح تدورهم برى كذا من برى كشخه وشكل حلو ومن جوى الله يكرمكم زباله
لأنها تسوي الشي هذا معك ومع غيرك وعندها استعداد تسوي مع خمسين واحد غيرك في اليوم عشان الفلوس يعني (تحبك إلي اخر ريال في جيبك)
بالله هالاشكال من البنات تتوقع مافيها أمراض جنسيه أنا أتوقع إن 90 بالميه منهم فيهم أمراض
يبي يجونك بعض الشباب الملكعين يقولون فيه اختراع اسمه الواقي تدري إن الواقي هذا مايحمي من الأمراض الجنسيه بنسبه 100%
رساله الدكتور السعودي عبدالمحسن الأحمد في الماجستير عن فيروس الايدز يقول فيه انه مليون فيروس ايدز يوقفون على رأس أبره
تخيل هالكميه الكبير من الفيروسات توقف على المكان الصغير هذا ماتقدر تخترق أقوى واقي؟؟؟؟
يعني تخرب حياتك كلها عشان لذة دقايق!!!
قال صلى الله عليه وسلم ( (يا معشر الشباب من استطاع منكم الباءة فليتزوج فإنه أغض للبصر وأحصن للفرج ومن لم يستطع فعليه بالصوم فانه له وجاء)
وفسرت الباءة بالجماع أي من استطاع منكم الجماع لقدرته على مؤنة فليتزوج ومن لم يستطع الجماع لعجزه عن مؤنه فعليه بالصوم ليدفع شهوته ويقطع شر منيه كما يقطعه الوجاء
والي يسون كذا يخسرون في ثلاث أشياء الدين والصحه والمال
الباحثين عن الحريه
العرض العادي
