هبت العاصفة
واقتلعت كل شئ
وتوقفت الازمنة
على جدار الانتظار
وابحر بي اعصار الرحيل
الى جزره الخيالية
لتتناثر الأشياء حولي
ضجيج يخترق سكوني
يطمس ملامح صمتي
يهزني...يزلزلني
يبني على أمنياتي
ركاماً من المشاعر المتهالكة
لاشيء يصد اعصار الرحيل
كل الارض تشتعل تحت أقدامي
تحرقني...تترك في أعماقي رماداً
انطلق سهم الفراق وحلّ فيني
واستقرت بي من طعونه شظايا
-
وانتفض قلبي وشفته في يديني
من عقب ماذلّته عوج الحنايا
-
شفتها تدفن بقايا من سنيني
من سنينٍ عشتها رغم البقايا
-
شفتها نارٍ تلظّى في كنيني
مزقت قلبٍ ... عشقها بالخفايا
-
ياعزى كفٍّ تولّم في جبيني
تنكس اعلام الوفا من هالسوايا
-
هاك وعدٍ لو تفارق ياضنيني
طعنتك تبقى أثر ضمن العطايا
-
استلمني حُرّ شامخ ياحنيني
ماتبي سوّه وانا عدّه هدايا
-
اطعن ومزق .. خل جرحك يرتويني
خلها تبقى خدوشك فـ المرايا
-
يازمان الكذب قلّي وش تبيني
وش تبي ؟ كلّي عروقٍ به ضمايا
-
قلتها كلمه حبيبي ... لاتجيني
وش حبيبي ! لاحشى مانت بهوايا
-
انت خاين مالك بقلبي عريني
الفضا لك وانتثر في هالزوايا
-
انتبه ياخايني تكشف دفيني
وانتبه لاجارت بروحك نوايا
-
استند ذكراي وابرح في يميني
في يمين الحرّ والذكرى عزايا
-
وياعسى ليلٍ تشوفك فيه عيني
ينجلي من عقبها بشعل سمايا
-
أنتظر !!! ذكّرتني وش حلّ فيني
طعنةٍ تدفن عشق بين الشظايا
العرض العادي
