الله حسيبك يادمعة هلت صباح العيد
من شخص غريب والغربه زادت همه
ساهر في ليله يرتقب يوم يظنه سعيد
وحيد في ديرة مابها لا خاله ولا عمه
ولابه رفيق على درب الاخوه سديد
ماغير غرفة هي الي تستره وتظمه
يناظرالساعه وكنها بالدقايق عليه تزيد
طال أنتضاره وشوقه طار لعالي القمه
كنه سجين له سنين مرمي بني الحديد
يشكي من قل الوصل والعسكري ذمه
وبان نور الصباح وأذن المنادي للمسيد
وأنفرج همه كنه السجين والعفو عمه
لبس ثيابه واتجه صوب مسجد العيد
يبي يصلي فرض كتبه ربي على الأمه
وصل للمسجد الي تجمعوبه العبيد
والكل يناظر ساعته وهو والله ماهمه
وفاح ريح عود يعلن وصول الفريد
شيخ زاهد وقوله دايم يبري الذمه
قامولربهم صلو بتكبيرات سبع عديد
ثم أنحنو للباري الواحد ركعتين متمه
وبعدها أعلنو التسليم لرب حميد
ثم أرتقى الشيخ سلم ااالمنبربهمه
وابتدى باسم الخالق الرازق المجيد
ثم سلم على الرسول الهاشمي دمه
وأبتدا خطبته في نصايح للعاقل تفيد
وانتهى وانا باقي ريح عوده اشمه
وكلن يصافح صاحبه وأنا أناظربنهيد
طلعت وكني قريص عذبه أنتشار سمه
مشيت واقول يازمن هل من مزيد
واسمع عجوز تقول جابر قلت هايمه
والتفت صوبها وانا أقول عمرك مديد
توك على البال يامجمعة شتاتي ياملمه
واثرها ماهي بصوبي تقصدالحفيد
انا ظرها وهي تحتظنه في العمه
هلت دمعتي ذكرتني بناس عنهم بعيد
ومسحت دمعتي بطرف اخر الكم
العرض الشجري
