ياسحاب القصايد جاك حس رعدي=سايقه من سموم القيض حر الهجير
بارقه من حنيني مستشيط طردي=شق نوضه فتيل يستحث المسير
جاك ليل بكت بغداد في مرقدي=وانتثر من ضماها في هدبها سعير
امطري من ثلوجك زختين بردي=تبرد الجوف عقب مناورات الغتير
بين قلب المغني والسلا جرهدي=يوم شفت العناكب والسحالي تطير
والقلاعه تهاوت في دروب اجودي=يالله انك عليها ياكريم قدير
هز شوقي رجال ذكرها سرمدي=من شلاها ترجس شاربي والضمير
ناظرو لي بعين جفنها ارمدي=وش تصير القراده في خفوق البعير
يحتويه وانا الملتاع حرف ابجدي=يشرب الما زلال من ثنايا غدير
ليت فالي نهار العيد وجه ردٍي=ولا علوم تهاوت في صباح الاثير
يالله احفظ ملكنا والولد وبلدي=من شمال الجزيره لين واحة عسير
سيفنا اللي يحلق في سحاب الجدي=ماتهزه رياح الغرب اغرب حقير
زمجرن السحايب مير قلت اركدي=نوخي سيف عشقي في منايا الجفير
لي سطرت الحقايق ضللو مهتدي=واتركوني علي الهامش وبحري غزير
شمعة في ظلام دامس اسودي=من وهجها نفوها لاتقدي ضرير
العنا في وريدي والصبر سيدي=شيمتي من سحاها يهتويها العبير
لابتي صلب يام ونعتزي باسعدي=مانحب الضلاله ياكذوب اجير
نسقي اشبالنا الطوله بيمني ثدي=ونحفظ العهد ونصونه وصايا البشير
والختم ياصلاة الله علي احمدي=وسبح الله ياغافل بليلك كثير[/QUOTE]
[/poem]
العرض الشجري
