«®°·.¸.•°°·.¸.•° انا ونانسي ( حلم في عز القوايل )°·.¸.•°°·.¸.•°®»

[ان وفيت]

برب << من اولها ( قولو تيت يامال اللي )

سنخير كل ابوكم من اول شنب لآخر شنب ومن اول شباصة لآخر شباصة

وركز لي على الشبابيص (جمع تعفيط) ترا زهقنا من الشنبات في البيت والشارع والدوام << اطلع براا

المهم بقول لكم حلم حلمته امس وعاد تبون تصدقون صدقوا ماتبون بكيفكم


ياطويلين البقا والرخا والسلامة امس وانا جالس مع نفسي اهوجس وافكر في احوال الدنيا

كعادتي الكريمة كل ليلة مادريت الا والنوم يمسكني من كراعيني ويقول ارقد يامال الرقاااااد ،،

وانا اللي ابحلق عيوني الين نعست قلت انت النوم اللي أذيتنا بعيشتنا يخوي

حتى عليك اوقات مدري وش تبي .. ويلخني على جبهتي الين ماعاد صرت شوف الدرب

وانا اللي اغط في سباااات عمييييييق واقعد احلم احلم احلم ما بقى شي ما حلمت فيه

وبعدين الميزة أني مااشاخر (<< نصاب) الين وصلت لحلم ابن ستين *** ( << مشفر ) .....


رأيت فيما اني كنت بمدرسة ثانوية مدري وش هالمدرسة مع اني قاضي من الثانوي

من ايام كح يرحمك الله ... وادخل هذاك الفصل اللي ماهنا اوسع منه على قولة المصاريا يرمح فيه الخيل ..

عاد المدرس يدري ان وجهي مهوب لم دراسة ويقول اقعد برا الفصل جنب الباب ،،،

وانا اللي احقد عليه وعيوني صارت تكبس كنها لومينا تبي تساقط بخط سريع سيد واحد

وقدامها تريلة سبعة امتار عرض وماشية 30 ...


فـــــاصـــــل ونــــــــواصــــــل

طف نورك ..... نقولها لكل اللي ساهموا في سبكيم ومسوين زحمة
واخرتها بيع وبخسارة

طف نورك ..... نقولها لكل سحلية تسوي عملية نفخ براطم وتبييض ركب

طف نورك ..... نقولها لكل سعودي وسعودية مسوين متطورين ويتابعون ستار اكاديمي << وع

طف نورك ..... نقولها لكل اللي مايشربون شاهي في كاسات جبنة كرافت

طف نورك ..... نقولها لكل اللي ما لاحظوا اني صرت اكتب سطر ورا سطر زي حصة التعبير

عـــــــــــــدنـــــــــــــــا


المهم يوم جيت اطلع مع الباب وانا اللي التفت على يمناي والمح الزين والحلا كله

لمحت هذيك المزيونة اللي تقول للقمر تهبى ،، شمحوطة وطويلة سمحوق << يلعن ام الوصف اللي تعرفه

المهم انا طبعاً حياوي تعرفون مثل أي تمساح سعودي عيوننا بالارض دايم ياعمري علينا

بس اللقافة ما تبي تفكني المهم يوم اناظر لوجهها وانا انصدم ... معقولة؟؟

نانسي بنت عجرم شخصياً تدرس بمدارسنا وثانوي ،، لا ومع تماسيح بعد !! ياربي ربااااه ...

المهم بعد ما تمالكت نفسي من الصدمة والله وانا اللي اصكها بنظرة مدري وش تبي ،،

نظرة تطيح الدجاجة من السما ( ياغبي الدجاج مايطير << تشبيه ياثور افهم ) .....

المهم جت بنت عجرم تبي تحتك وعاد تعرفون ماصدقت خبر يعني أحد يحصل له يشوف نانسي ويقعد يتفرج

صح حلم بس المهم اني شفتها (قهر نسيت اتصور معها) والله البنت تهبل عن قرب (تراه حلم يبوو )

وانا اللي اسوي حركة الافلام اللي لا مدت البنت يدها بزعمها تسلم يمسكها الفارس ويشيلها على يدها ،،

بس شرايكم في الذوق


المهم وتخق البنت معي وخذ يا سواليف إلى قبل ما بقى سالفة ما حكينا فيها وان كاني مانيب واهم

اظننا عرفنا اللي قتل الحريري ،، عاد وبعد ما خذينا على بعض وصرت وجه مألوف عندها ،

طلعت هذيك النوتة الوردية (اغدي ملح على ذوق بنت عجرم) وهي تطلب اسمي ورقمي ،

ترقمني بنت عيال الذين ،، عشان تعرفون الذوق اللبناني بس

المهم انا في هاللحظة خقيت وضعت ( وش عنده الزبيراوي ) وكبيت ماهو العشا بس الا كبيت مواعين بيتنا كلها

وعطيتها اسمي وتسجله بالانجليزي بعد حركااااات ،، بس والله المنحوس منحوس حتى بالحلم

يوم جت تكتب الرقم ويخلص الحبر حق قلمها وش هالقرادة ياربي ،، بس منا ومنا يالله مشينا الموضوع

ونقشت اسمي ورقمي بالنوتة الوردية حقتها


المشكلة وانا غارق في هالحلم الفوشي ،، جت نانسي ورفستني الملعونة رفسة رجولية

ماهي لبنانية انا استغربت وش بلاها انقلبت النعومة لتمسحة ،، وتحول الحلم كله الى معركة وحروب

وبلاوي الله لا يوريكم قلت متى بس اصحى ،، المهم اني اكتشفت ان الرفسة كانت من اخوي

مهي من بنت عجرم وهي اللي حولت الحلم 360 درجة


بس خلاص << انا اللي بس خلاص

خلاص كل واحد على فصله ويا ويل اللي يقرا ولا يرد


فـــــــــــــــــــــاصـــــــــــــل



عـــــــــــدنــــــــــــــــــــا



يالله تصبحون على خير