[[CENTER]center][left][right][center][left]وان جات للواجب وجا منك تقصير
مالك نعم ... لو سالم الزير جـدّك
غصب ٍ عليك
-
الوقـت والله مايحشـم المناعيـر
لاهو على كيفك ..ولاهـو بـودّك
-
تصيربه .. اشياء مـاودك تصيـر
والنفس عن شي ٍ يفيدك ... تلـدّك
-
احذر تهين النفس لجـل الدنانيـر
حتى لو ان الحال بالحيـل حـدّك
-
اصبر على دنياك ... لو مابها خير
لاتشتكي حتى لو الوقـت ضـدّك
-
وان حدتك سود اليالي على الغيـر
لاتطلـب الا واحـد ٍ مـايـردّك
-
عليك .. باللـي عالـم ٍ بالمقاديـر
اليا تعبـت وبيّـح الوقـت سـدّك
-
وان جات للواجب وجا منك تقصير
مالك نعم ... لو سالم الزير جـدّك
-
بعض المواقف ..ماوراها معاذيـر
اما بخـدّ العـذر ... والا بخـدّك
-
ومن قدّرك ... لابد تعطيه تقديـر
ولا تعدّه شي .... مـن لا يعـدّك
-
ولا تبرر للفشـل .... اي تبريـر
افهم .. وميّز بين ضحكك وجـدّك
-
للكل ند .... ولا يجي ندّك صغير
اعرف ترى مقياس حجمك بنـدّك
-
الفكر يطلب عقل والعقـل تفكيـر
والشعر بحر ٍ بين جزرك ومـدّك
-
والشعر عندي غير كل الشواعيـر
غصب ٍ عليك اليا قريتـه يشـدّك
-
-
وسلامتـكـم
اسير
العرض الشجري
