هالدنيا كثيرة أشيا تضيق صدر كل إنسان
ويتحمل لجل يقدر يعيـش بزحمـة أحزانـه
يناظر عن يمين وعن شمال بأي مكـان كـان
يلاقي الناس مشغولة وكل ٍ عايـش لشانـه
تعلم يقتل أفكاره..غدا يومه شقى واحـزان
وكل من ينشد اخباره يلاقي الهـم عنوانـه
واذا جا الليل يتوسد وبهمومه يتـم غرقـان
ويغرق زود بدموعـه إليمـن يقـرا قرآنـه
ويسأل مالك الملك العظيم الواحـد الرحمـن
ويترجى دعاءه يصيب/ يبكي بعمق وجدانـه
وانا مثلي مثل شيخه مثل حمده مثـل ايمـان
وربي احتاجها الضحكه تكون بروحي هيمانه
ألا يا حظي العاثر أبسأل ذا جزا الاحسـان؟؟
لأن الصدق هو دربي طلعت بدربي غلطانـه!!
تعلمت أجرح الكلمه وحزني جرتـه قيفـان
تعب يستصرخ جروحه تعب يستنزف اركانه
حملت جراحي بصدري من انسان عزيز الشان
تركني ولا سأل عني ولا ادري وينها اوطانه؟
غريبه كيف تتحول فصيله من البشر (غيلان)؟
غريبه؟ وليه استغرب؟! اذا هي الدنيا تلفانه!!
وانا مالي سوى دمع ٍترفـق بـي وهـلّ الآن
يجيني كل ما ضاقت عليّ وصـرت شفقانـه
وبعض اوراق تتناثر واجمّعها على الاحضـان
ألاقي فيها احساس وبقايـا انفـاس ولهانـه
رجيت بعبرة مخنوقة.. رجيتـك ربـي المنـان
تقدرني على الدنيا.. تـرد لعمـري ألوانـه
رجيتك تجبر احساسي وتعوض قلبي التعبـان
رجيتك تمحي أحزاني وترحـم روح إنسانـه
العرض العادي
