بداية أنا مادري الموضوع سبق نقاشه ولا لا
إذا كان مكرر راح ينحذف نو بربلم
على الأقل أكون فضفضت عشان أرتاح شوي..
ضاهرة الشفاحة واللقافة والتطفل والفضولية
ومليونين علامة إستفهام (ليش ضاهرة منتشره وبقوة في مجتمعنا!؟)
في كل مكان ومع كل الناس!!
في المدرسة والعمل والشارع والدوائر والمستشفيات والأسواق
تشوف هالملاقيف شوي وتطلع عيونهم وهم يبحلقون فيك
خير؟ إنسان أنا زيك ترى مهب مخلوق فضائي!!
وإذا كنت تسوي أي شي يبي يعرف وش تسوي
وش معك ومن هذا اللي معك وين رايحين وش تقولون
وأحياناً أحس إنها لقافه مالها أي معنى خصوصاً اللي يطيرون عيونهم
عند الإشارات وفي الشوارع والأسواق وكل مكان
وإذا كنت في مطعم ما تقدر تاكل منهم ومن عيونهم
وإذا تبون نكون أكثر دقة
الظاهره هذي منتشرة أكثر في (نجد)
بحكم إني من أهل نجد وعشت مع الشي هذا
وعموماً الناس المصابين بالمرض هذا متفاوتين
فيه بعضهم ما يستحي خير شر
يعني تحط عينك بعينه ولا يهمه عمت عينه 
وهذا هو أقوى نوع إلى أن نصل إلى
الملقوف اللي ما يبـيك تحس بلقافته
وهذا يكون ملقوف مبتديء
هل هذه الضاهرة تولد مع الشخص أم هي مكتسبة من المجتمع أو البيت
ما هي الأسباب التي ولدت هذه الضاهرة؟
أنت هل تستطيع تحمل هؤلاء؟ وكيف تتعامل معهم؟
هل العلاج ممكن لأحد هؤلاء الأشخاص؟ (في رأيي مستحيل لأنهم رايحين فيها.. وما وصل لها الحال إلا لأن مخه مقفل.. وشخص إهتماماته تافهه وتفكيره سطحي.. ولو كان شخص حضاري وخلوق وله أهداف في حياته.. ما نزل تعايشه مع الناس إلى الدرجه هذي من التصرفات التافهه واللي هو ماأدري وش يستفيد منها؟؟!!!)
وشرايكم ..
العرض الشجري
