الحجــــة والبرهـــآن على عدم الدراسة في رمضان << لحد يصدق

[فيـ][الخبر][ـصل]

بسم اللـــه الرحمن الرحيم

قبل ما ابدأ أحب اقول الله يكون بعون طلاب وطالبات الجامعات ذا الفصل والله يستر عليهم من الحرمان

لأن هالفصل طويــــــل ومقداره 18 اسبوع ومنها 4 اسابيع في شهر رمضان

يعني وش فيها لو حذفوا 4 اسابيع اتوقع ان 14 اسبوع كافيه للتوزيع وتكميل المنهج

هالايام يكثر الحتسي في وسائل الإعلام المقروء ووالمسموع والمشيوف عن الدراسة في رمضان

وان رمضان تراه مثله مثل غيره من باقي اشهر السنة.. وانتم ياللي تصايحون وتقولون :وش بلاكم علينا يوم تدرسونا

في رضان ؟؟ ترى ماعندكم سالفة !! ووراكم جوارين ولانتمب ناطحين من التعب والعنى ولا طول( ذيي ) ولا انتمب

تعرفون شي !!..ولا هذي الغزواااات والفتوحااات الإسلامية اكثرها كانت في شهر رمضان هذي غزوة بدر ..وفتح

مكة .. وعين جالوت و....الخ >>> يعني اني عارف غزوات اكثر من ذولي بس اختصار للوقت قلت الخ

هذه شبهتهم في الدراسة في نهار رمضان

وحنا نقول سمعناكم فاسمعوا لنا ..

انتم كلامكم فيه شي من الصحة بس ماندري انتم نسيتوا او تناسيتوا ان الغزوات اللي قلتوها كان الجند اللي حاضرينها

كانوا مفطرين والدليل على أن ماندعيه صحيح ان عمرو بن الحمام في غزوة بدر كانت في يديته تميرات

وكان ياكل فيهن ثم قال قولته المشهوره اللي معناها: ( بخن بخن ..لا والله اللا ياطول هاليوم طولاه

ان قعدت احتري الين يقضن هالتمر اللي في يدي ) ثم ذبهن واقبل على المشركين يقاتلهم ببساله

وابشركم انه نال في ذيك الغزوه




ثم يضربون لنا مثل بالسلف ويقولون ان السلف كانوا مايفرقون بين شهر رمضان والأشهر الأخر فكلهم عندهم سوى

نقول لهم وين جبتوا ذا الحتسي منه ..بالعكس هذا الدليل يحجكم انتم ولا يحجنا لأن اللي قاري عن السلف الصالح

انهم اي السلف اذا دخل شهر رمضان الفضيل معد يدرسون لا تفسير ولا فقه ولا حديث ولاحتى علومه ..

مع ان الملائكة تضع اجنحتها لطالب العلم ..والحيتان وهي في بحرها تستغفر لطالب العلم .. بل انهم مايتفرقون

من متسانهم الا ويقال لهم : ( قوموا مغفورا لكم ).. ومع هذا وذاك الا إن مدارسهم كانت تسكر اذا دخل شهر رمضان

وحنا ماشاء الله علينا افضل منهم مدارسنا في رمضان مفتوحة

طبعا الله من واحدن يبي يجي كانس يمشي مليون ويقول ان السلف الصالح كانوا يوقفون تدريسهم علشان يتفرغون

لقراءة القرآن الكريم فهو شهر القرآن ..

اقول لكم صحيح بس انتم يوم خليتونا ندرس معد صرنا نفضى نفتش المصحف



لا.. ويقولون: وش فيها اذا درستوا في رمضان ؟؟ ووش فايدة الصوم اذا صار مافيه تعب ولامشقه؟؟

نقول لهم يعني اذا ماتعب الواحد في صومه.. ولا عطش.. ولا طقته النفاظه من الجوع ..اجل صيامه مهوب صحيح!!!

بعدين لو كانت المشقه في الصوم مطلوبه تسان الشارع مارخص للمسافر ان يفطر في نهار رمضان

وتسان بعد مانهى الشارع عن صيام يوم عرفه بالنسبه للحاج ..بس نهي عن صيامه لاجل ان يتفرغ للدعاء

والظن ان الدعاء اهون من مصالى الطلاب بالنسبه للمدرسين ..واهون على الطلاب من مقابل المدرسين



ايضا دايم يطالب الطالب انه مايجي للمدرسة الا وهو لابدها بفطور .. والا تراه مهوب مستوعب.. والله يستر لايدوخ

ثم يصفر في المدرسة (يصفر = يغمى عليه ) وهها عاد الى اصفر الطالب في المدرسه

من اللي فيه وحده ينقله للمستشفى ؟؟

لا ..وكلنا نعرف ان الواحد لصار على لحم بطنه فعز الله ان نفسه في تصير في طرف خشمه >> يقولون ان نسبة

الجليكوز اللي في السكر تدحدر الى صام الواحد

وبعدين الدراسه تعتمد على التركيز والاستيعاب ..وماضنتي لا المدرس يبي ينتج.. ولا الطالب يبي يركز..

فضلا من انه يستوعب



لا والمشكله يقولون ان مهنا فرق بين رمضان وغيره ..وهم مفرقين في وقت الدوام

يعني ليش ماصار الدوام مثل العاده >>> لاحنب اللي نمنا ولاحنب اللي قمنا (عسى مهيب عقوبه)

لا ..ومشاورك لحاله يخليك تعاف الدنيا ومن فيها تطلع مع موظفين الحكومة وموظفين القطاع الخاص

والاشارات تولع وتطفي عشر طعش مره وانت في متسانك ماتحركت .. لا عاد من زين سواقة ربعنا>> تكفى ياراعي

الطاره

ربيعنا في هالشوارع الواحد منهم تسن محدن مستعجل ولا وراه دوام الا هو .. هذا يخطم عليك ..

وهذاك يحدك .. والا خر واقفن عند الاشاره مع جهة اليمين ولا عبر اللي وراه اللي مايقصرون

بتعليق البواري >>مدزدين فيه وياحلالات من يقشعه بصدام الموتر الين يعرف ان الشارع مهوب ملك امه >>> خربت

الاخلاق

فبالله عليكم عقب هالمشوار وين تبي تجيك نفس انك تشرح او انك تسمع للشرح ؟؟




لا.. والمشكلة بعد إن الدوام الين تاريخ 24.. يعني يمكن تصير ليلة القدر في ليلة 21 او ليلة 23

والله يستر لاتجي سنة مانعطل الا اذا قيل ترى باتسر عيد

ما اقول الا ياجماعة الخير رمضان فيه ليلة القدرخلونا تكفون نصوم رمضان بدون دراسه

.. (دزيم) ان (احن )نوافدز هالليله اللي هي افضل من الف شهر

منقــــول <<

[سيـ ـ ـ ـ ـاف]

مشكووور اخوي فيصل الخبر

تحيــــــــــ سيـ ـ ـ ـ ـافـــ ــــــــــــــاتي

[جفسه]

والله ابوي يقول انه الصيف الجااي بيخلون رمضان اجازه والله ونااااااسه
ههههههههههههههههههههههههههههههههههههههههه
12" class="inlineimg" /> 12" class="inlineimg" />

[اوتــار الحــب]

فيصــــــــــــــــــــل يعطيك العافيـــــــــــــــــة

اي والله الدراسة في رمضاان مررة تعب والدكااترة ماايرجمون ابدا منزلين غيــــاب

وحرماان كماان ..

يالله بس اللي يقووينااا ..

[فيـ][الخبر][ـصل]

شكرٍا حبايبي على مروركمـ الفعال ويعطيكمـ العافية على تفاعلكم الملحوظ

[~ ¦ هًـمـْسٌ]

حسبي الله على اللي ماعطانا اجازه برمضان ولا زين اذا ندخل البيت الساعه 3 ونص من دواماتنا؟؟؟

ثانكيو فيصل,,’

[.. توته ..]

يسلمووووووووو صدقت ياخوي بس وين اللي يسمع
الله يعين
لا واحنا يالي عندنا تطبيق اللله يعين تحضير ودوخه والمدرسات يعتمدون علينا بكل شي وشغل ودرجات وخوف وربكه والله يعييييييييين