علشان تخلي البنت ترقمك ادخل؟؟؟؟
علشان تخلي البنت هي الي ترقمك ......ادخل وتعلم
1/لاتطلع من البيت ألا وأنت لابس صروال سنه قطن وثوب خفيف عشان تنبان الفخوذ
2/ثقل صوتك
3/رز صدرك حبذا لو كنت في الحديد
4/لا تضحك كثير بيقولون عنك مخفه
5/في المجمعات لا تلتفت لا يمين ولا يسار عشان مايقولون صعفق
6/أعتني بالمظهر الخارجي يعني (ثوب نظيف أما بالنسبه لأطراف الثوب من تحت عادي مو
مشكله تكون سوداء بعذرك أصلاً الشوارع كلها سوداء , قلم تاخذه من أي مكتبه يجي
بخمسه ريال وشكله رزه وغالي , الأفضل تكون الأكمام ساده عشان ماتضطر تشتري كبك)
7/إذا كان معك واحد من اخواياك وقال كلمه تضحك أبتسم يعني إنك عطيت خويك وجه ولا
عطيت أحد غيره وجه عشان لو فيه بنت تطالعك بتشوفك منتب حول أحد ..تدوخ
8/المشيه لاتخليها عسكريه ولا تخلي حدبه بظهرك يعني لا تخلي راسك تحت في الأرض خلك
مشيه ملكيه
9/حاول قد ماتقدر تدخل محل كل شوي تسأل عن الأسعار عشان البنات يلقون فرصه ويحشرونك
داخل
10/إذا جت ترقمك البنت مهوب تآخذ الرقم على طول يعني لا تصير مخفه .. طالع فيها
وقلها نعم بتقول لك ممكن تآخذ الرقم قلها أحترمي نفسك أنتي ماعندك اخوان اقهرها بذا
الكلمه مثل مايقهرونا.. وإذا طلعت من المحل عطها نظره هاديه خلها تحتار وتقول يبي
الرقم ولالا وتلاحقك مره ثانيه خطط أبو دزه ولا فيه زيها في التعليق
11/خل معك كيسه صغيره بيدك على إنك شريت شي من السوق أشتر أي شي بكيفك نصيحه عشان
ماتتكلف يعني تروح لمحل عطورات وتآخذ منهم كيسه وتعبيها من العطورات حقت التجربه
تجيك زي التوله عرفتها؟ المهم وتطلع ولا تدفع حتى ريال واحد..الكيسه عشان يقولون جاي
يشتري ماجاء يلعب
12/لو لقيت وحده بطرانه وتبي ترقمك لا تخليها ترقمك قدام البنات حاول تبعد وإذا
قربت منك قلها مو قدام الناس بصوت خفيف هي بتتأخر وتراقبك وين بتروح.. وتجيك على طول
13/لو كنت بالسياره ولقيت وحده تلاحقك بسواقها شوف السياره إذا هي زينه ولا تفشل
(السياره) بعدها ناظر بالبنت وإذا هي زينه أفتح الدريشه شوي بس ولا تطالع فيها هي
بتقرب وترمي الرقم اما إذا كانت شينه ناظر فيها نظره قويه وسكر الدريشه ولا عاد
تطالع مره <----- بس من وين تعرف شينه ولالا برقع وبس المهم أنت وحضك
هذي الأشياء لازم تخليها ببالك دايم
وبالتوفيق وانا انتظر ردكم على احر من الجمر
العرض الشجري
