أدب جــاهـــلـــي

[ღوليـ الروح ـفღ]

بسم الله الرحمن الرحيم..
الســـلام عليكم ورحمه الله وبركاته ..
تم حجب المقدمه من قبل مدينة الملك عبدالعزيز

..
حسب طلب الاخ الريس الكبير كنت اتبطح انا وثلاثة ً من الاصدقاء في ارجاء الملحق ..
وكنا نلعب البلوت والغميمه مع خادمة جدتي .. والعاب كثيره . وفي لحظة كان الفراغ
هو السائد بها كنا نتنقل بين القنوات .. واذا بنا نقف على برنامج الراوي .. وبعد نهاية
البرنامج خمني الهياط بان احكي على اصدقائي قصه .

والجدير بالذكر ان احد اصدقائي الموجودون .. لا اقدر ان اقول انه ماصل ..
بل اقول انه كنايه عن المصاله اي انهم يقولون اسمه اول ما يطري عليهم المصاله ..

هيا بنا جميعا ً الى الملحق لكي تسمعون بالقصه معنا ..

اكـــــشـن

جلست جلسة القرفصاء وتوجهت الاعيون الي لانهم دروا ان وراي علم ..
تكلمت وقلت اسمعوا يا شباب انا عندي قصه ابي اقولها لكم .. قالوا : جب الي عندك ..

قلت : هذي القصه صارت في العصر الجاهلي وانا قريتها في كتاب الحيوان للجاحظ
(( اتمنى من القراء ان لا يفهموا كلامي غلط .. فانا ما اقصد ان البطل حيوان لا
والله بس في ذلك العصر بطل قصتنا لم يتم تصنيف جنسه فهم احتاروا منه زي

ما احتاروا من الخفاش .. فهم ما يدرون هو فيل ولا (( شفاط النمل )) ولا انسان ))

..
بطل قصتنا يا شباب كان غريب هذا البطل كان صاحب خشم طويل جدا ً جدا ً ..
لدرجه انه في ذلك العصر عندما يتصعلك الشباب يزبون في خشمه ..
كان خشمه مثل جبل احد وياما من معارك دارت في وجهه حول هذا الجبل

..

قاطع كلامي خوينا الماصل بضحكها قويه جداً واردفها وقائلا ً :
يلعن ام الفله يدخل ابوه عليه ويقول وش ذا الي يطلع منه هوا لا يكون مرتي والده مكيف
و يروح ابوه ويجيب عمال ويحفرون في الجدار ويركبونه مكيف ..
اجل ورع يتكون من خشم وشوي جسم .. والله لو بيتبرعون في ذا الولد لعياده
الانف والاذن والحنجره اصرف لهم .. كان يجيبون له سريرين بدال سرير ..
سرير لجسمه وسرير لخشمه

.. اجل من صغر افمه يشرون ثومه لابره (( حقت المستشفيات ))
ويرضعونه فيها .. يكبر الولد ويصير عمره 9سنوات وهو طريح السريرين ..
ما يمشي فيودونه للمستشفى ويقول لهم الدكتور ولدكم مستصح ولا فيه الا العافيه
بس يمكن ما يمشي الا بعمر 15 او 20 سنه متى ما صار جسمه اكبر من خشمه مشا

..
ويحولون في الدكتور ويقول لهم الدكتور فيه احد من حليين يا اما انك تروح لم محل
سياكل وتشتر له الكفرات الصغار الي يركبونها في سياكل البزران ونزرعها على
اطراف خشمه

وبعدها يمشي ولا انك تسفره للخارج يزرعون له اططراف
اصطناعيه في خشمه .. ويروح الابو لمحل سياكل ويشري لولده كفرات
ويركبها له الدكتور ويسووي له
علاج طبيعي وصار يعرف يمشي .. لا ولا راح لبيت جده في الجراديه الولد كل
شوي مرسل لابوه تعال طلعني مغرز

.. ولو ان الورع ذا موولد في البحرين كان شغلوه قدو ..
تصدقون يا شباب انه مشروع شركة مقاولات الورع ذا كنه راس تريله ..

وفجأه انسدح هالماصل لان احد اصدقائي جاوبه بالدله على جبهته
وترك على وجه شعار شركه السيف

..
المهم زي ما قلت لكم بطلنا كان صاحب خشم عظيم وكان ضعيفا ً يذبون عليه كثيرا ً
وكان طيب القلب وبكل سرعه ينضحك عليه وكان اسمه اسامه ...

فقاطعني الماصل مره ثانيه وقال اجل القصه صايره في بلاد الشام .؟
(( اجل محتارين انه ادمي ولا لا ويسونه اسامه .. اجل لو انهم يربون قطاوه
في ذاك العصر كان يجي عند ابو جهل قطو اسمه الاحنف ))

..
ويوجد في القصه ستبنت بطل وهو حنفي (( عنادا ً في خوينا الماصل ))
وكان حنفي هذا محنك خطير طليق اللسان وكان الجميع يعرفون انه كاذب
ولكن لم يمسكون عليه باي زله لقوة حنكته .. وكان من عائله اسمها (( ابو شنب ))
لان العائله كلها عرفت بان اشنابهم طويله جدا ً .. وان هذا البطل ملقب نفسه
بالشجره ما ادري ليه .؟ يمكن انه من كبر شنبه صاير كنه شجره

ولا انه من قوة ثبات كذبته يقول اني شجره كل ما احد جا يطرحني ما قدر ..
ما درا انه عارضه قول في براحه بوز وينطرح قاطعني الماصل مره اخرى ..


يتبــع.....