هذي الله يسلمكم قصه واقعيه
اييه من زود الهم اللي فيني مالي غيركم اقرق لكم همومي (كنكم صدقتو؟؟خابركم مخفات)انا الله يسلمكم ويحييكم يقولون اني ولد بين سته بنات ..طقتني الهموم وشيب ذ الرويس وانا توني في عز شبابي ..تجيكم قصتي :..
انا يا وليف الروح يا محاتسيكم تربيت بين كومة بنات جعلهم اللي منيب قايله ..لا اخوان ولاش..المهم بينما انا جالسن ذيك المره من المراريت اقشم حب ومادن ذا الرجل اللي كنها مشاالله سيخ شاورما تف لا اله الا الله) واذا باختي الكبيره طابتن علي ..قال بحاكيك في موضوع خطيير ..قلت الله واكبر يا اللي كنها بن لادن اللي يسمعك هات هاها وش عندتس..قالت شوف تراك يا وليف محسوبن علينا ولد فيذا العيله وانتي مو منا ..وانا اللي اسوي استداره بهلوانيه واقشم حبتين فصفص في وجهها واقول: افا ياذا العلم ..قالت اها عاد الى متى بشوفك جالسن تحت الجدار تحتري عيال الجيران يصطحون الكوره ثم تشقها وتنطلها في الشارع من زود النجاسه؟؟..الى متى وانتي نافشن ذا الكشه تقل قطوتن طابتن في غسال موتر؟؟ ..الى متى وذا الريحه المصصصصصنقه اللي ذبحت فيراننا وفيران الحاره؟؟....الى متى تراكض ورا الصوارير بكنادرنا وتقطع زبيرياتنا؟؟...الى متا وملافظك كنها ملافظ اكبر عربجي في الديره؟؟.
وترى منتب معرس كذا اهجد واركد تراك ضايعه وفضيحه ...قلت بس بس بس يكفي تجريح برجولتي يكفي (هو مير فيه رجوله من اساسه عشان تجرحني) ظفي وجهك منيب سامع شي ...ظفت خشيشتها الاخت وانقلعت خابر انه مافيني رجا ولا امل ...هي طلعت من هنا وانا اللي اقمز من هنا للسطح اكمل ممارسة هواياتي ..اجمع ذا الحصيان وانسدح على سطح الملحق افلق عيال الشارع والقطاوه(ليتهم ذابيني انتفض في فلسطين كان زدت حررتهم ..التفت!! وما اشوف الا ذاك اللي يطل من دريشة بيتهم يزاعق .......وبعد برهات دريت انه يحاكيني انا..قلت خير ظايعن لك في وجهي شي ؟؟ ظف وجججججهك..قال الا انتي اللي ظف وجهك..!!!!هاااااو وراه يحسبني بنت؟؟ انا اوريه ...قلت اها عاد بس لا يكثر لا اسفك بذا الحصاة ..لا ابوك لا ابو اللي جابوك تفو عليك ..قال امممممش تسفيني انا الا انا اللي اسنعك واسنع ابوك وابو اللي جابوك..قلت هه هه ان تسانك ولد ابوك قابلني في براحة المسجد خل اكففففخك(اسلوب رجولي بحت ......فجاه!!!!!.....اسمع شي يقول لا لا يا وليف الروح انت مو حق هالحركات ....وليف الروح مايصيير هذي ملافظك..وليف انتبه انتبه ..قل لاء لاء لاء خلااااااص ارحموني فلم هندي تحملو شوي)..مهوب ذنبي اني عايشن بين بنات من وين تبون اجيب لكم رجوله منه؟؟ هاه علموني وانا اللي ما عرفت من اخواتي غير لبس الفساتين وروحات للمشاغل ؟؟؟؟؟؟...وانا اللي اذب الحصى اللي معي واعظ طرف ثوبي واقمز من سطح الملحق( الله واكبر قرندايزر على غفله)..والتفت الا ذيك القطيوه تاكل ظبان جايبهم لي ولد عمي محيميد..واتقوم عندي النخوه والشهامه وانهار ..واركض لرشاش الوالد وافقع مصارينها بنت اللذينا اخسا عليها من قطوه تاكل اصدقائي اللي مالي الا الله ثم هم ..وهي اللي تطيح مغشين عليها من هول ما جرى لهاوترافس وترافس وتصايح مياااااو ميو ميو ..حومت تسبدي واقوم ارفسها ذيك الرفسه قلت اها عاد موتي وانتي ساكته لاتزعجينا ولا اسمع لك حس تفهمين والا لا؟؟؟........واناظرها بقوه ابيها تفهم ..قوية الوجه ما سكتت ..قلت طاااااايب دواك عندي..وامسكها مع ذنبها واقول بها واقول بها واصطحها عند الجيران ..وانفظ ايديني ثمن رحت اخمد (شغل صعايده مهوب شغل اوادم)...
يوم اصبحنا والبس ثوبي واطلع مع الباب ...الا وش اشوف؟؟!!........... عمشه ونوره طالعين من باب البيت اللي قدامنا .. وما احس الا ذا القلب قام يردح دردب ..دردب ..دردب..والعرقان تصببببببصب .........واتلفلف زين بثوبي ..واقمز اركب في غمارة ددسنا المصون واروح للجامعه(راعي تعلوم مهوب سهل )..وكل ما طلعت الصبحيه اشوف بنات جيراننا ولاهي يم احد شايله كتبها وطاقه ذا النظارات اللي يارب لك الحمد تقل بلكه وماشي في طريقه ..بنات مؤدبات ماشا الله عليهم...لكن انا سرت افكر..لحد متى انا بستمر كذا؟؟؟..وارجع البيت واركض واركض واركض ..وادخل غرفتي واصبخ الباب واحط راسي عليه واصيح.......لا لا يا وليف الروح لازم تتغير لازم لازم..مستحيل تستمر كذا على ذا الوضع..اصحي اصحي..لاء لاء لاء ..لازم اصير انسان ثانيه يعترف فيها من وزارة حمولتي اني رجل ...اللي كبري اللي خاطب واللي معرس ..وانا مغير ادربي ذا الدمجه وادابك ورا قطاوه وصوارير........وانا اللي امسح دمعتي باقرب شرابن منطول على الارض وادق على محيميد رفيقي ..قلت محيميد انا قررت اعتزل الفن واسير رجال صدقي...شلون بس علمني؟؟؟.....قال ذي ولله الساعت المباركه اجل لا تشيل هم ياوليف ...واطير انا ومحيميد للسوق ونشتري ذا الجزم والنعال الله يكرمكم واشتري شماغ العقل والطاقيه المنخله وسروال سنه ..ونروح للحلاق و ارتب شوشتي وتصلح ..وارجع لبيتنا واجلس في صالتنا متكتفه وحاطن رجل على رجل...(يااااااي مرررره ياااااااي حبيت نفسي كذا) ...المهم ويدخل وحدتن من اخواتي ثم فجاه ترجع وتقول لاخواتي تغطوو...قلت تعالي تعالي هذا انا وليف الروح ....قالت مشا الله وليف الروح صارت ولووفه مره وتخر اختي ساجده وتقول يارب لك الحمد اللي استجبت دعوتي في توالي الليول والله وصار لنا ا رجال مشا الله ..عاد انا استحيت ورحت ..وكالعاده كل يوم اظف عفشي واروح للجامعه في الددسن الفتاك المتعفط..لكن الغريب ان بنت جيراننا الاحظها بدت تقزقز مدري وشعندها ذي المختزيه ..وش تناظرين نعم نعم خير ...وذات يوم (ما استحمل ذا اللغه الفصحى انا ووجهي)..جاني اختي قالت يا ابو ولووفي بنت جيراننا جاتني تطلبك مني وهي والله بنتن سنافيه وسنعه هاه وشقلتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!! !!!!!!!!!!
عاد انا قامت الخديدات تلون ازرق واخظر واصفر الين استقرت على الاحمر ومغير اكل ذا الظفور..قلت اللي تشوفينه يااختي(واحد ما صدق على الله)..واركض واركض من زود الحيا وانا اللي ازلق ذيك الزلقه واتكرفس لكن يهون في سبيل العرس ومن الفرحه قمت نفظت عمري ورحت غرفتي..قلت اخييييييرا ...واصبح الحلم واقع..وتزوجت بنت جيراننا ..ونسيت الماضي الاليم وحياة الانوثه..وبديت حياه جديده وعشنا في تبات ونبات وخلفنا انا وياه صبيان وبنات ...وتوته توته خلصت الحتوته .............
هذي عيينات بس مايخالف بس والله الموضوع يستاهل القرايه اقروه
طبعا القصة حقيقة من خيالي المصفوق على جبهته...
اخوكم
وليف الروح
لايفوووتكم نص عمركم (قصة حياتي )
العرض الشجري
