حصه وهيله ومنيره

[نســ ليل ــايم]

	مراحب على احلى اعضاء جايبه لكم قصة بنات مصرقعات بشكل لا يصدق وسافروا وفلووووووووها اخليكم مع القصه لانها بجد رووووووووووووووعه وما تحتاج مقدمات 7 7 7 حصه وهيله ومنيره ثلاثي بنوتي في بيت واحد هذول بنات ساكنين في بيت ابوهم بعد ماتوفى ومالهم في الدنيا غير هالبيت وراتب ابوهم التقاعدي ومقطوعين من شجره (( حصه )) الاخت الكبيره يلقبونها بوزارة الداخليه موظفه في احد البنوك اللي راتبه على قد وظيفته عمرها في حدود الاربعين تعتبر اعقلهم .. سنعه .. وشخيتها قويه (( هيله )) الاخت الوسطى >>>> الوسطى ولا الشرقيه <<<<< بدا التميلح خخخخخخخ متخرجه من معهد كمبيوتر وجالسه بالبيت تلقب بأم لسانين عربجيه بقووووووووه تكره التنانير وتموت على سراويل السنه وفنايل العلاقي عادي تستهبل مع جيرانهم وتنسم كفرات سياراتهم كانت تلبس مريولها وتلبس تحته ترنق ابو خطين على جنب هذا غير الزبيريه(وانتم بكرامه) تموت على شي اسمه مقالب ماتصدق تلقى خنفسان او صوارير الا وتاخذهم وتحطهم بدرج اختها بأختصار كانت ولد الا حبتين (( منيره )) الخت الصغرى تدرس الثانوي شايفه روحها على خواتها لانها اصغر وحده تلقب نفسها بــ((ميمي)) منيره وحصه وهيله جالسين بالصاله عند التلفزيون يشربون شاهي مع كراث وفصفص والجلسه عسل وسواليف على كيف كيفكم حصه: مناير وش فيك ياقلبي؟ وراك تقل ضايقن صدرك اليوم منيره: الحين ورانا حنا كذا كل زميلاتي يسافرون بالصيف برا وينبسطون وانا ماعمري تعديت حدود بيتنا ودي اسافر مثلهم لا تحسسوني بالنقص >>> تستعطف خواتها حصه: وين تبينا نروح طيب؟ ومع مين؟ ومن بيسنعنا؟ ومن وين لنا مصروف يكفي؟ انتي تحسبين المسأله سهله هيله: هع هع هع جيبي مدرس رياضيات يحل لك المسأله منيره: بدل ماتستخفين دمك دوري لنا حل الله يخليكم ودي اسافر حصه..هيله.. متى بتطورون الناس وصلوا المريخ وحنا سوريا ما وصلناها حصه: حنا ماعلينا من غيرنا السفر ماعو سهل هيله: اذا على الفلوس راتب ابوي مع راتبك يكفون واذا على المحرم ماعليك ارقدي وامني انا عن الف محرم دززززز ليش حارمين انفسنا مادام نقدر منيره: ايه خلاص ياحبي لك خلينا نروح حصه: طيب وين بنروح هيله: كوه لألمانيا تكفووووووون عشان اتابع كاس العالم منيره: اقووووول اووص انتي انا اقول كوه لبنان عشان مانتعب انفسنا انجليزي ولا شي اخواننا عرب ومنه نروح نلعب بأشكالنا شوي انا اصير زي اليسا وحصه زي باسكال وانتي مثل ناننسي هيله: وووووع مالقيتي الا ذولي من زينهم انا ازين منهم حصه: اقول اهجدي انتي وياها فرضنا بنروح لبنان من بيحجز لنا ومن بيستقبلنا ووش عرفنا بالاماكن والسكنو و و و منيره: خلوا كل شي علي انا بسأل زميلاتي بس انتم قرروا حصه: والله اني خايفه خلوني افكر منيره: ياحبي لك الحصي تكفييييييييييييييييين ودي ولو مره استانس بحياتي (وكان لهالكلمه وقع شديد في نفس الحصي) بعد اسبوع نزلت الحصي على البنات بالصاله حصه ومعها ورقه تقرا منها: بسم الله الرحمن الرحيم وبعد... بعد مناوشات ونقاشات وتكتيكات وتفكيرات متلازمه قررنا نحن حصه العلي: السفر للخارج ولكن بشروط 1- الميزانيه تكون بيدي وسوق لاتفكرون تروحون 2- مسألة الكشف شيلوها من راسكم لوتعضين الارض ماخليتك تطلعين خشتك لاحد 3- السفر لمدة اسبوع فقط 4- الاقتصاد بالاكل والشرب 5- ان هيله تترك عنها اللقافه وطولة اللسان 6- وكلمتي هي اللي تمشي واي قرار اتخذه هناك ينفذ بلا نقاش هذا ولو تم تجديد بالشروط فيلزم الاطراف التقيد بها والا اقعدوا هنا وانثبروا هيله ومنيره بصوت واحد: لا لا لا خلاص اللي تبينه بيصير وبدأت هيله ومنيره والحصي بتجهيز اغراض السفر هيله: اقول مناير وش رايك اخذ لبس كشخه ولا كله ترنقات وقمصان منيره(بغت تجيها سكته قلبيه): وش قمصانه انتي ووش ترنقاته تبينهم ينزلونا من الطياره الله يفشل العدو خذي احسن لبس نبي نروح نكشخ هناك حنا موب اقل من غيرنا هيله: ادري انا اقول محد يعرفنا يعني احس اني باخذ راحتي هناك حصه: وش دعوه عاد انتي مقصره هنا اقول ترى انا شارطه عليكم ولا ترى بهوون هيله: لا لا خلاص وه بس وانتي حبحر محد يقولك شي كنت امزح معك ياختي حصه: خلي مزحك ذا بوقت ثاني وخلصي ترى بكره الساعه8 لازم نكون بالمطار منيره: اقول هلوو عطيني الكاميرا حقتك ودي اخذها معي هيله: اقول طسي في ذاك مابقى الا هي ماعندي الا هي من ريحة المرحوم منيره: من زينها الحين ابيض واسود لا وبعد مابقى بها سنتيمتر واحدالا وملصق بشطرطون هيله: ماعليك يكفي انها من ابوي حصه: وبعدين انتي وياها يالله خلصوا واخمدوا بفرشكم بروح اكمل المطبخ الساعه 2 بالليل هيله: يمااااااااااااااااااااااه منيره: بسم اللخ الرحمن الرحيم وش فيك وجع هبلتيني هيله: ما ادري يمااااااه حلمت حلم يخووووف منيره: خير اللهم اجعله خير وشو هيله: حلمت ان معانا بالطياره انترتيكر واني تهاوشت معه وجدعني من الطياره حصه: يوووووووووووووووووه وانتم ماتخلون احد ينام براحه منيره: هيله ياشين الشهابه من كثر ماتهوجسين بالطياره تحلمين بها خخخخخخ وهذا اللي يشوف مصارعه قبل ماينام هيله: وه بس توبه ورجع الهدوء يعم المكان الساعه8 الصباح حصه جايه من المطبخ وبيدها مغرفه: وقسم بالله ان ماقمتوا اني لأهون عن السفر انتم كفوكم تروحون لخرخير وترجعون بنفس اليوم بعد قوموا انتي وياها يالله تقوم هلووو وميمي بشين نفس ويتسحبون للحمام وبعد اقل من نص ساعه الكل كان واقف على باب البيت منيره: الحين بنروح للبنان وتبيني اروح المطار بليموزين انا مناير اخر عمري اركب ليموزين هيله: أي والله صادقه مناير مفروض استأجرنا دينا2006عشن تودينا منيره: تطنزين انتي ووجهك اصلا هذا مستواكم حدكم بيجو82 حصه: اقول رجعوا الشناط خلاص سفر ومانيب مسافره هيله ومنيره : خلاص خلاص والله نسكت ركبوا الليموزين وراحوا للمطار عند البوابه الهندي: هذا كمسين ريال اطي حصه: وش خمسينه اكثير نزل شوي الله يعافيك هيله: لا حبي راسه بعدي ابعدي خليني افتح بوجهه خط سريع واحط به نخل بعد حصه: اقول لايكثر طسي داخل وخليني اتفاهم معه هيله ومنيره في صالة الاننتظار منيره: يااااااااي شوفي الاشكال الصح واااو وااااو شوفي شنطة هذي اللي قدامنا هذي افندي هيله: منهو الافندي منيره: وش افنديه انتي بعد اقول اسكتي تكفين لا تحومين تسبدي وهيله ومنيره استلموا الناس ضحك وتطنز حصه خلصت التذاكر وحملت الشناط وضبطت كل شي حصه: يالله خلاص خلونا نركب نادى علينا منيره: شلون نادى ماسمعت اسمي هيله: ههههههههههههههههههههههههههههههههههههههههههه ياربي يالمتطوره تبينه يقول يالله يالله ياميمي تعالي اركبي حصه ميته من اضحك ومناير تمشي قدامهم من الفشيله وعند البوابه وقبل مايركبون نادى المنادي: الرجاء من الاخت حصه العلي التوجهه لادارة المطار للضروره وشكرا حصه: يماااااه وش السالفه هيله: اقول اعترفي وش انتي مسويه منيره: ياربيييييه فشلتووووووووووني روحوا لاتوقفون جنبي ما اعرفكم هيله: اقول انطمي حنا وين وانتي وين حصه: الله يستر مدير الامن: من فيكم حصه؟ هيله: اختار انت وش رايك من فينا تصلح تصير حصه المدير: تستهبلين انتي ولا مانتي صاحيه هيله: الا اصحى من امك بعد حصه وبعد قبصه محترمه لهيله حصه: لا انا حصه سم اخوي وش السالفه المدير: ممكن اعرف ميولك السياسيه حصه بعد ما طاحت خشتها من هول الصدمه: وشو؟؟؟؟ وشلون يعني هيله: يعني وش تشجعين.......هلاليه ياضرة الزابط المدير: انتي ترى لو ماسكتي عيونك ماراح تشوف النور هيله: ههههههههه احسب مير عندك سالفه منيره تسحب هيله برى الغرفه بأمر من حصه حصه: والله اخوي مدري شتقول والله مافهمت قصدك المدير: ممكن تفهميني عن سبب وجود مختلف انواع السكاكين حاطتها بشنطتك حصه: هااااااااو وش فيها يعني انا خفت ناخذ شقه مافيها مواعين قلت اخذ احتياطاتي من هنا المدير: شايفتني بالروضه تلعبين علي اعترفي وش وراك حصه: والله العظيم هذا السبب حتى شف الاغراض ماخليت شي بالمطبخ ماجبته وبعد تمطيع حلوف وايمان المدير: شوفي سكاكينك بتتصادر وبتوقعين على تعهد والله يسلعدكم ولا تعودين لهالحركه مره ثانيه حصه: سم ابشر طال عمرك حصه وهيله ركبوا الطياره المضيفه: مرحبا اهلين وسهلين شرفتوا ممكن تعطيني تزكرتك بليز ايه خيتو هون الكرسي تبعك تفضلي حصه ومنيره صاروا جنب بعض اما هيله طلع مكانها جنب رجال هيله: وش تبين انتي والله ما اقعد هنا لو اتعلق بالجناح الرجال: هههههههههههههههههه هيله: وش تضحك عليه انت ووجه استح على دمك وجع الرجال: انا اسف هيله: اقول اووص بس >>> اسلوب صح خخخخخخخخخخخخخ المضيفه: ماعليه اختي هيدا محلك مو بإيدي انتي عدي هون بعد ماياخدو الركاب اماكنهوون فيكي تغيريه هيله: اقول لو يجي ابوي اللي بقبره ويقول اقعدي ماقعدت اعلي دبري عمرك الرجال: هههههههههههههههههههههههههه هيله: ضحكت من سرك بلا ير خيييييييير وش تناظر بيني اسوي بوجهك عزيمه الرجال طاح من الكرسي من الضحك هيله: وتبيني اقعد بعد اقول والله لو اركب مكان الطيار ماركبت هنا ولرجال مازال مستمرا في الضحك المتواصل حصه ومنيره لاهين بتقليب القنوات سمع المضيف صوت هيله الرنان وجاء يشوف وش المشكله المضيف: خلاص اختي تفضلي اجلسي هناك فيه بالدرجه الاولى مقعد فاضي هيله(تقل تبي تستحي): شكرا الله يعافيك وجلس كل واحد بمكانه بأنتظار اقلاع الطياره الى بيروت بدأت الطياره بالاقلاع واستقر كل من حصه ومنيره بأماكنهن اما هيله فقد اخذت لها مقعدا في الدرجه الاولى وبدأت هيله تتحدث مع السيده التي كانت قابعه بالقرب منها هيله: مرحبا يا ام الشباب هي: اهلين وسهلين هيله: وش اسمك انتي هي: نا السيده كارول هيله: كارول سماحه خخخخخخخخ كارول: لأشو كارول سماحه انا وحده تانيه هيله: ايه ادري انتي لبنانيه كارول: أي لبنانيه اصل وفصل هيله: فصل ولا مقصف خخخخخخخخ كارول: باردون هيله: لا حرون هههههههااااي كارول: عفرا ماعم بفهم عليكي هيله: لا ولاشي المهم انتي موظفه ولا مثلي حاطزه بالدار كارول: شو يعني حاطزه؟؟لأ انا سيده اعمال هيله(تبتسم ماتدري وش السالفه): وش تشتغلين تبيعين غنم ودبش وحركاااااااااااااات >>>>>> هذا حدها المسكينه كارول: والله ماعم بفهم عليكي شو أصدك نا بشتغل بالاسهم وهيك بشوف شغلي بالحافظات ويعني هيك شي هيله: حافظات؟؟؟؟؟؟؟؟؟؟؟؟ يييييييييييييييييييييييييييييييييييييييه يعني تطبخين وتبيعين كارول: إطبخ شوووو احبيبتي انا عم بشتغل بالاسهم هيله: يعني وشو انا مااعرف كارول: انا بفهمك لكن شو اسمك هيله: انا اسمي هيله وتقدرين تناديني الهلي >>>>>> ام العربجه كارول: لأمابدي إلك الهلي بدي ناديك هلووو ممكن هيله: ايه ان بغيتي ناديني صحيله ام الخلاقين كارول: اممممم حلو نادين ايه حلو خلاص اسمك نادين هيله: لاااااااااااااااااااااااااااااااا والله انك تـنكه كارول: شو تـنكه؟؟؟ هيله: انا اعلمك بس انتي علميني وشو شغلك حصه ومنيره لاهين مع الشاشه اللي قدامهم وكل وحده حاطه السماعه بأذنها ومطوله الصوت على الاخر حصه: منيره شوفي المحطه هذي ازين منيره: ووووششوووو ما اسمع حصه: اقووووووووووووول اليوم حررر منيره: وشو نطللع للبر والناس يضحكون عليهم لأن اصواتهم كانت واصله للكابتين المضيفه بدت تدور بالقهوه تضيف ركاب الدرجه الاولى هيله: الله يكرم النعمه وع وش ذا القهوه ووووووووووع المضيفه: شو فيا منا حلوه هيله: وخري وخري بس انا اوريك القهوه الصح وطلعت من شنطتها الصغيره >>> لاحظوا انها صغيره غلايه صغيره وقالت: وين المطبخ؟؟ ودخلت العمه وصلحت القهوه وبدت هي تصب للركاب والجميع يشيد بمهاراتها في تصليح القهوه وعينتها كارول: سفيرة الكليجا الحسنه هبطت الطياره في مطار بيروت الدولي حصه: هاااااااااو هيله منهي ذي اللي متعنقطه بيدك هيله: هذي صديقتي اللولي تعرفت عليها بالدرجه الاولى منيره: مشاء الله وش موديك الدرجه الاولى هيله: اوووووف لا تحتكين يالله انزلي وانتي ساكته ونزلوا البنات ومعهم كارول كارول: لأ مابيصير هيك تروحوا من غير ما ديفكون عندي هيله: معليش خليها مره ثانيه رقمك وعندي اذا بغينا دقينا كارول: اوكي حبيبتي بس مابدي ياكي تنسي انو انا بدي منك تـنكـين كليجا >>>>>> خربت الحرمه ههههههههههههه حصه ومنيره: هههههههههههههههههههههه الله يا انتي ماقصرتي مع الحرمه وصلوا للاوتيل وكل وحده اخذت لها سرير وناموووووا كل وحده تحلم ببكره وش بتسوي ووين بتروح وفي اول صباح بيروتي قامت حصه كالعاده وصحت الاميرتين الصغيرتين ودقت هيله على الريسبشن هيله: الوووووووو لوسمحت نبي فطور الله لايهينك هو: ايه من عيوني مادام شو مابدك أولي هيله: لا مهوب من عيونك من المطبخ هههههههههاااااااي ((حصه تناظر هيله بنص عين))) هو: ههههه والله دمك عسل هيله: ادري..... المهم نبي فطور هو: شوبدك تفطري مادام هيله: وش عندكم هو: عنا American breakfast Italian breakfast Eastern breakfast انتي اختاري مابادلك ونحنا نضمن لك الجوده والطعم الحلو هيله: والله مدري وش تقول ير نبي ان تسان عندك فول وخبز حار وشاهي هو: باردون هيله: هههههههه لاحرون حتى انت الله يرجك هو: سوري مس هيله بس انا ما بأدر افهم شو أصدك هيله: مس.. مس ولامغرفه قول مسك جني عطنا احد يتكلم عربي هو: يييي انا عم بحكي عربي بس انتي اللي عم تحي برتغالي هيله: برتغالي يلون جلدك قل امين هو: سوري مس ازا بدك انزلي واختاري لك فطور عنا بوفيه مفتوح هيله: ومتى يصك خخخخخخخخ هو: طراااااااااااخ >>>> طبعا بعد ما رفعت ضغطه المسكين منيره: هاااااه وش صار على الفطور هيله: يقول انزلوا تحت واختاروا اللي تبون حصه: زين بعد عشان ناكل اللي نبي ونزلت السيندريلا هيله واخواتها للوبي تحت هيله بعد ان فغرت فاها: شوفي الاكل اذا قالوا اكل اجل حنا فول وخبز حار لا وبصحون بلاستك بعد حصه: اييييييييييه هذا العز يالله بس خلونا نفطر وناخذلنا طاوله منيره: وه بس كلن يناظر لومخليتنا نشيل عباياتنا كان احسن حصه: اقوووول انـثبري من زين وجيهكم اللحين عشان تكشفون هيله: اقول اووووص ابختار انا هذيك الطاوله تهبل على الشارع ناكل ونقزقز هع هع هع وراحت مناير اخذت لها فطور محترم ونعوم وهيله بيدها صحنين ماخلت شي محطت منه منيره: هيه انتي وش هذا بتاكلين كل ذا هيله: لا موب لازم اكله كله يختي دافعين فيه فلوس لو احطه بالزباله ماخليتهم يتهنون به منيره: الحصي وش بلاك وراه ماخذتي فطور حصه: لا ما ابي شي بي مر بتسبدي مدري وش انا ماكله هيله: هههههههههه لا والله حنـيتي للكراث بعد الفطور هيله: وعمـــــــــى الحين عجوز قاضيه وجهها لاعبن به الزمن بلنـتيات ومفحطن به لين قال بس لابستن برمودا وبودي حصه: ايه تتشبب منيره: لااااا وشوفي هاللي متعلق بيدها هذولا الرجال تقولين شنطه هيله: اييييييييييييه هذا الوفاء والاخلاص والتضحيه من اجل الوطن منيره: أي وطن انتي هيله: المرأه وطن المرأه دوله المرأه عالم حصه: ههههههههههههه وينك يازار قباني تجي تشوف هلووو وش تقول هيله: على طاري نزار انتي عارفه انه كتب نص قصائده فيني منيره: ان شاء الله هيله: انا كنت ملهمته بس هو عجز يلقاني هع هع هع حصه: قوموا نطلع نتمشى طفشت منيره: لا انا ما ودي بروح اكمل نومتي حصه وهيله يتمشون حصه: سبحان الله ما كأنهم عرب ناس مختلفين تماما هيله: هاااااااااه ايه يمكن حصه: وش اللي يمكن وش فيك انتي هيله: مافيني شي بس تشوفين اللي اشوفه حصه: وششششوو هيله: شوووووفي شعور شقراء وعيون زرقاء وتأبريني وتسلملي عويناتك وجسم وطول ورزه ووووووووووووووه بس حصه: من تقصدين انتي هيله: تعالي ناخذ آيس كريم من هنا ونجلس على ذيك الطاوله وانا اعلمك يتبعــــــ

[نســ ليل ــايم]

	(بعد ماجلسوا) هيله: شووووفي هذاك اللي واقف على الكشك اللي يبيع ورد وه ياربيه شو مهضوم بالحيل مره حصه: اللي لابس تيشؤت احمر هيله: احمر موووووووووووووووووووووولع زي قلبي اللي محترق حصه: هاااااااو هاااااااااو وش ذا الهرج هيله: اوووص انا خلاص مش حقدر اعيش من غيره حصه: استغفر الله العظيم هيه انتي وش جاك وجع اصحي وش ذا الخرابيط هيله: اوووووص صه صه ولا كلمه وقامت هيله للرجال وحصه تلحقها الشاب: ورد لاحلى ورد جوري لاحلى صبيه جمال الدنيا كلو بالورد اشتري ورد ياورد هيله: اموووووووووووت على الورد قسم بالله احبه الشاب: هههههههه مرحبا بدك ورد هيله: لا بدي ياك الشاب: شووووووووو هيله: ههههههههههههههههههههههه امزح وراك خايف الشاب: بدك ورده >>>>>يصرف هيله(بعد مالقطت انفاسها) يؤيؤيؤ لا لا خلاص مابي شي رواحت تركض ودموعها 4 * 4 على خدودها حصه: هلووووووو تعالي هيله: لا لا وش اسوي بعمري عشان يحبني ودخلت هيله لاوتيل الا والناس مجتمعه وحالتهم حاله وصراخ وكأن فيه احد طايح بالارض هيله: وش فيكم وش صار وتدفدف هالعالم لين دخلت بينهم هيله: منااااااااااااااااااااااااااااااااير اختي وش فيك واد من الموجودين: مافيا شي ماتخافي اتصلنا بحكيم وهو جاي بالطريق هيله: وش حكيم وش نبي فيه يجي يغني على اختي آه ياألبي >>>>> حتى في اللحظات الصعبه تنكت خخخخخخخخخ مناااااااااااااااااير قومي تكفيييييييييييييييين ياربيه وش سويتوا فيها واحد من الموجودين يا اختي مافيا شي انا بعتئد انو خيتك عندا انخفاظ بالضغط هيله: وااااااااااااااااااااااااااااااااااااي >>>>> تصيح حصه: يابنت الحلال خلاص ان شاء الله خير وشوله تصيحين هيله: واااااااااااااااااااااااااااي بالك ماتدرين قووووووووومي منااااااااااااااااااااير حصه: وششششششششو اللي ما اعرفه هيله: منااااااااير قوووووومي تكفين عشان اكسر راسك وانظف بوجهك ارض المطعم يابنت اللذين مالقيتي تدوخين الا وانتي تشربين العصير واااااااااااااااااااااااااااااااي حصه: وش تقولين انتي هيله: واااااااااااااااااي لابسه بلوزتي حصه: احسب الصياح على اختك منير هيله: اكبر همي عاد انا شيليها بس خلينا نرقيها فوووووق الدكتور: ماتخافوا مافيا شي مجرد انخفاض بالسكر هيله: ايه يادكتور انا ماخذه الحلا من خواتي هع هع هع الدكتور: ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ حصه: شكرا دكتور وراحت كل وحده ترتاح بسريرها هيله: تتسحب لباب الغرفه هيله: اشششششششش اسمع شف راعي الورد اللي تحت روح لعندو وأديه دي الورأه >>>>>> يقالها بتتكلم لبناني السيرفنت: يامودموزيل بس شو بدي إلوو هيله: لاتقول له شي عطه الورقه وهو بدو يفهم اوكي السيرفنت: اوكي بياع الورد: شو هيدي السيرفنت: مابعرف هي الورأه من مودموزيل ساكنه عنا بالاوتيل آلتلي وصلها إلك بياع الورد: اوكي ثانكس فتح الورقه وعرف انها من هيله اللي كانت كاتبه بسم الله العظيم وعلى بركته استعين >>>>>>>>> بتقص شريط الافتتاح خخخخخخخ اما بعد\عرفت ان اسمك جوزيف لاتقولي كيف عرفت وبس بصراحه ياجوجو انا حبيتك من اول نظره حسيت انك مكعت قلبي مكع >>> وش دعوه بيفهم وانا مادري وش اسوي انت وش رايك شوبدك يانا نساوي عاد الحب وحبيتك يعني لاتون ولا تتشكا الحب مانه فكا ياخي عساني اتحرول ان تساني ما احبك عساي للحوله اللي اشوف الواحد سبعه ان تساني ماغرقت ببحر حبك وه ياخي والله اني احبك تصدق صرت اشوفك بكل مكان حتى احيانا اشوفك بوجه اختي الحصي مدري شلون وه بس ياجعل يومي قبل يومك ياشيخ عساي تحت التريله ان تساني اتسذب عليك اهديك هالابيات الحب عذاااب ياورد من علمك تجرح وشكرا >>>> خطاب لمدير مدرسه حبيبتك غصب عنك هلوووووووووو بداخل الاوتيل حصه: انتي وش فيك هيله الوووووو من صحيتي وانتي موب صاحيه هيله: هاااااااااااااااااه مافيني شي منيره: وه بس لايكون وقعتي في شباك الحب هيله: شبكوك مع الغنم قولي امين حصه: اييييييييييييييييييييه هذا وهي ماتدري عن راعي الورد هيله: من تقصدين جوزيف منيره: وشو وشو ......وشو جوزيف ذا هيله: ماعليك حصه: هذا بياع ورد بياااااااااااااااااااااااااااااع هيله: ما اسمح لك تقولين بياع هذا اسمه بزنس مان منيره: هههههههههههههههههههههههههه ياحليلك يا هلوووو والله بدا قلبك يحس هيله: وجع بلا وجع انا وش ناقصه عنكم فيه كلي انوثه ماتشوفونها طافحه من كثرها >>>>>>> وااااااااااااااااااااااااااااضح حصه: ههههههه ايه طيب منيره: هلوووووووو وش شكله حلو هيله: حلو وبس الا شق يشق القلب >>>>> قالت ايش قالت انوثه خخخخخخخخخ حصه: اقووووووووول اها بس وش ذا الخرابيط هيله: خرااااااااااااااااااااابيط اصلا انا قررت حصه ومناير: وووووشششششششششششششووو هيله: قررت يصير جوزيف ابو عيالي وانا اصير ام غابريل مناير: وش غابريل ذا .........غابريل ولا دريل خخخخخخخخخخ هيله: عساك بالدريل اللي يخرم اذانك قولي امين هذا اسم ابوه الله يرحمه مناير: والله يا انتي جايبه برنت كامل عنه اتوقع تلقين لك وظيفه بالمباحث خخخخخخخخخخ حصه: مانتيب صاحيه اقول اوص بس لا احد يسمعك هيله: ماعلي من احد والمثل يقول اللي مايعرف الصقر يلحسه كله منيره: ايه خلي البنت على راحتها وتستانس وتتزوج لو من لبناني وش فيها يعني من يحصله حصه: اللي يسمعك انتي وياها يقول خلاص الولد خاق مع هيله واثقين انتم انه يبيها منيره: طيب خلونا ننزل ونفطر ونطلع نتمشى ودي اشوفه هيله: هيه انتي وش اللي تشوفينه اعقلي هذا قدامي اجل من وراي وش بتسوين مناير: وه تخليلي ياررررررب عاللي يغارون حصه: استغفر الله العظيم الظاهر جايه دقتكم من زمان مالفعتكم قومي بس انتي وياها بدلوا ملابسكم خلوننا ننزل تحت باللوبي هيله: الحمدالله انا بطلع اسبقكم الوعد عند البوفيه اللي بآخر الشارع تشاااااااااااو حصه: وييييييييييييييييييييين مناير: اتركيها(وهي تغمز لهيله) هيله: وه ياملغك حصه: لا امشي كلنا نطلع سوا هيله: سوا ولا عام هع هع هع مناير: هلووو اثقلي عاد هيله: هاه ايه صح بعد ذلك بدأ الثلاثي المرح يتمشى في الشارع المحاذي للفندق وعندما مرت هلووو من جو كان جو(اختصار جوزيف) يقزقزها ويبتسم وهيله قد احمرت وجنتيها من الخجل وهي تبتسم تلك الابتسامه الساحره التي لم يرها جو لوجود الغطاء الذي يخفي جمالها مرت هيله من جوزيف وجدعت عليه قطعت قماش ملفوفه وبما انها طافحه انوثه على قولتها ماعرفت تحط القطعه على العربه بل فلقت جو مع خشته هيله: اوووووه اسفه قققققسم بالله ماقصدت ايه والله تعورت جوزيف: لأ لأ مافيي شي ماتخافي على ألب متل العسل هيله (ابتسمت وطست) اما حصه ومناير تشقلبوا من الضـحــــــــــــــــــــك هيله: ضحكتوا من الهبال ان شاء الله وش تضحكون عليه حصه: لا ابد بس تقل جوزيف بغى ينعمي مناير: ينعمي؟؟؟؟ الا قولي بغى يفقد الذاكره مسيكين ارتج رويسه هيله: نسيت قصدي ما انتبهت قصدي يوووووووووووووووووووووووووووه امشوا بس وفي اثناء الدوران بالاسواق (ملاحظه نسيت اقولها ترى اللي مايعرف يبرمج نفسه اوتوماتيك على الفصحى والعاميه يبي يتدهور هووون هع هع هع) وفي احد المحلات مناير: هيييييييييييي حصه: وشووووووووووووو وش فيك وجع روعتيني مناير: ناظري ............ عايشه هيله: ايه مابعد مت هع هع هع مناير: لاااااااا هذي عايشه هيله: وانتي حاظره عزاها قبل البارح مناير: يووووووووووووووه هذي صديقتي عايشه يادبشه حصه: عايشه ماغيرها مناير: ايه ايه هي وش جابها هنا هماها بتروح للارجنتين هيله: هذي اللي دايم تهاوشين معها مناير: ايه هذي هي شايفه روحها علينا تقل مافي غيرها بالدنيا هيله: جاااااااااااك الموت ياتارك الصلاة اتركيها علي والله يا انا غاثـتـني هالبنت الحين اوريك وش اسوي بها صديقة عايشه: شوشو....شوفي التيير هيدا كتييييييي حلوو هيله: هع هع هع هع هع شوشو عايشه ومسميه روحها شوشو عايشه(بعد ماسمعت صوت هلوو): عفوا.......من انتي؟ هيله: ماعليك ......... يازلية الحياء وكاشفه وين العبايه وجع عايشه: أي عبايه هذا التطور حبيبتي تحسبيني زيك هيله: عمر التطور ماصار باللبس يالفارغه الفاغره عايشه: من انتي وفي هذه الاثناء يدخل شاب كله ملح وقبله اشقراني واتكيت ويااااااااااااااااي الشاب: شو.........شوشو ماعجبك شي عايشه: هاااااااااااااه معليش نادييل اطلع الحين بعد شوي اجي نادييل: شاديه حبيبي شوبكي عايشه: خلاص نيدووو اطلع بليز هيله: نيدووو ولا سيريلاك هع هع هع هع هع هع هع هع هع نادييل: شاديه المودموزيل هاي عاملتكconfusion هيله: هع هع شاديه تسان قلتيله ام كلثوم ألبق لك عايشه: نيدوو اطلع لوسمحت نادييل: اوكي ماتزعلي حالك هيله: اقول نيدوو لاتنسى شيك على مدتك قبل لا تنتهي هع هع هع هع عايشه: من انتي الحين ووش تبين مني هيله: من هو هذا عايشه: ماعليك هيله: لاااااه اطلع واقوله ان اسمك عيوش منتب ورده الجزائريه عايشه: لاتكفين لاتخربين علي هيله: طيب اسكت يا ام الشباب بس بشرط عايشه: امري تدللي وش تبين بس هيله: ابيك تدفعين حساب اللب بنشتريه من المحل هذا عايشه: هيء هيء هيء طيب لاتكثرون تراه غالي مناير: ههههههههههههههههههههههههههههه الله يحلل ابليس عندك هيله: هع هع هع هع وش رايك عاد حصه: لاتاخذون كثير حرام البنت ماراح تتحمل هيله: ولايهمك ولاتنسين ان قلبي طيب وحنون من عنوني يالحصي اذا ماصفيت بضاعة المحل ما اصير الهلي حبيبة جوجو وهم بالطريق راجعين للاوتيل حصه: اسمعوا يابنات الله يوفقكم خلونا من المشاكل اووووب ناقصين هيله: وانتي وش جاك من المشاكل اشتريتي اللي تبينه لا وببلاش بعد حصه: حتى ولو خلاص يكفي خلونا نستانس بس من دون هواش مناير: خلاااااااااااااااااااااااااااااااااص قلبتوا راسي خلونا نروح للبحر اليوم وش رايكم حصه: وشوله نروح لاتفكرين انك بتسبحين والله لو تخيـسين ماخليتك تسبحين بالبح انتي وياها مناير: اووووووووووووووووه لاتقعدين تعقدين اصلا وشلون بسبح وانا علي عباتي هيله: عادي طبي وانتي عليك العبايه وش فيها تحديني اطب مناير: لا لا لا تكفين مجنونه تسوينها اعرفك حصه: خلاص نروح بس نتقهوى وننبسط ونرجع هيله: خلاص انا علي القهوه وانتي عليك الحلى مناير: وانا حصه وهيله: انتي تشيلين الاغراض مناير: يوه رجع الاضطهاد اووف ومع اخر كلمه طلعت من مناير كانوا مارين من شلة شباب سمعوها واحد منهم: وقلبوووووووووووو والله شوفوا هذي مضطهده نجي نحررك حصه: اول شي حرر نفسك من اللقافه هو: ياااااااااااااااااااااااااي نبرة سعوديات لاحقينا حتى حنا مناير: مالحقكم احد انتم اللي وين مانروح نلقاكم مرتزين بكل مكان تدهــروووووون هو: اقول احترمي نفسك واذكري الله علينا قبل يجيك شي ماشفتيه ((هيله واقفه وساكته)) مناير: وش بتسوي يعني بتمد يك يالله جرب وشوف وش بيصيرلك حصه: والله لا ألأم عليك خلق الله فشلتونا بكل مكان أي وحده تمر تتحرشوف فيها تقل ماعمركم شفتم بنات هو: ايه ماعمرنا شفنا بنات مانشوف الا اكياس زباله تمشي مناير: منهم اكياس الزباله ياحقير حصه: لاتنسى انك تتكلم عن امك واختك وخالتك وعمتك مناير: ايه باين اشوفكم ما تلاحقونا تقل مهبل بعدين يازباله انتم ماشفتوا وش تحت هالزبايل على قولتك والله انكم ماتدرون عندنا نانسي واليسا وباسكال وهيفاء وربي عندنا واحلى بعد بس انتم ما تطيحون الا بالشينات هو: اقول لا يكثر بس وانتي(يقصد منيره) ان ماسحبتي كلمتك ترى بتندمين مناير: لا مانيب ساحبتها وش بتسوي يعني يالله جرب حظك معي وتشوف وش يجيك هو: وش فيه اللي معكم ساكته ولا طرما هااااااااااااااااااع هاااااااااااااااااااااع هيله: اقول اقصر الشر وكل تبن هو : هيه هيه احترمي نفسك هيله: انت اللي بديت هو: اقول طسي بلا تنك هيله: تـنكه تفتح راسك قل امين هو: الظاهر انتي يبيلك كفخه يالخايسه هيله: اقول الدحمي اقصر الشر يا ثور لا اكب عفشك هو ((مصرووووووووووووووووووع)): نععععععععععععععععععععععععععععععععععععععععععععم من انتي هيله: خلني ساكته احسن لك يالله ضف وجهك انت والسلنتح اللي معك قبل لا اعلم امك لا وقايلها انك رايح لمكه تعتمر المسكينه مصدقتك تشوف ان ماقلت لاهلك والله لأخلي ابوك يلعبXO بالعقال على ظهرك هو: ***************>>>>> مشفـر يقالي خخخخخخخخخخخخخخ هيله: ههههههههههههههههههههههههه تكفون شوفوا وجهه كيف صار لما وصلوا الاوتيل وبدلو ملابسهم وكل وحده انجطلت على سريرها منيره: اقول هلوو من وين تعرفين الدحمي ذا حصه: ايه صح نسيت اسألك منهو ذا هيله: هع هع هع هع هع هع هع هع هع هذا ولد ام دحيم جارتنا اعرفه من ايام الصرقعه بالشوارع منيره: عاد انتي مايحتاج ماكنتي 24ساعه مع عيال الحاره هيله: اييييييييييييييييييييييييه عهد مضى زمان لا تذكريني حصه: هههههههههااااي حنيتي لايام الخوالي هيله: لا لأيام عمااني هع هع هع حصه: هيله نسيت اسألك وشو اللي جدعتيه على جوزيف هيله: ولا شي منيره: وش دعوووووووووووه تخبين علينا يالله عاد قولي هيله: كتبت له رساله وعطيته قطعة كليجا بس حصه ومنيره: ههههههه الله يرجك كليجا عاد وش بعد طيب مو معقوله بس هذا اللي عطيتيه لانه كان ثقيل هيله: بس ماعطيته شي حصه: طيب وش كتبتي له هيله: كتبت له دبر عمرك ماعاد فيني صبر بقى اسبوع ونرجع للسعوديه مانيب رايحه الا رجلي على رجلك >>>>> واثقه يابعد الدنيا يتبعـــ

[نســ ليل ــايم]

	وبداخل احد المقاهي دخل جوزيف ومعه حرمه وقاعد يسولف معها جو: انا مابعرف شو بدي ساوي معا هي مسكينه مفكري اني ممكن حبا الحرمه: ماتشغل بالك تأبرني انا بروح واتفاهم معا جو: أي الله يوفأك خالتوو بتعرفي انو هي عطيتني هديي ساعه بتقول انا ساعة أما وانو ما عندا غيرا هديي وهي اغلى شي عندا بدي منك تفهميا وضعي انا مابدي اجرحا ومابدي اخدعا وبدي ياكي تخبريا بكل إشي خالته: ولايهمك حبيبي ياعيون خالتووو انتا ماتتدايأ خلاص خدلي معا date هون وانا بنهي الموضوع جو: يسلمو خالتوووو ما ألتيلي كيف سفرتك للسعوديي توفأتي فيا خالته: أي الحمدالله كتير فرحت حتى بالطياره تعرفت على صبايا من هونيك كتير مهضومين وهني جايين هون جو: اهااا ...cool... طيب شو رأيك تتغدي عنا سونيا بتعمل سباغيتي كتير حلو خالته: أي وليه لا خلاص بدي اتغدى عنكن كيفو لسمير شو عامل يخزي العين البيبي هيدا بموت فيه مابعرف شو عامل فيي كتيرررررررر أشتأتلوو(((مشتاقتله))) جو: هو كمان مشتألك ((مشتاقلك لغير الناطقين باللبنانيه خخخخ )) في الاوتيل حصه: يالله هلوو ميمي يالله قومو هيله وين اللي بتصلح القهوه قووومي يالله يابنات خلونا نطلع للبحر يالله يمدينا نستانس قبل لاتغرب الشمس هيله: ايه خلاص ذليتي امنا عشان القهوه مناير: طيب قمت خلاص حصه: ايه يالله انا اللي سويت القهوه والحلى والباقي عليكم بسرعه بدلوا وغسلوا وصلوا عشان نطلع وراحت البنوتات العسولات للبحر حصه: مناير افرشي الفرشه هنا خلاص لاتقربون للمويه اكثر من كذا هيله: الا خلينا نقرب يالله جيبيها هنا حصه: هيـله لا تعاندين هيله: خلاص وه افرشوه باللي تبون ان شاء تفرشونه فوق كبوت السياره ذي مناير : الحصي صبيلها قهوه بليز هيله: آه بس يامحلى الفنجال مع سيحة البال في فرشه مافيها نفس ثقيله الله الله هع هع هع حصه: ههههههههههههههههههههه مناير: الله يفشلك اقصري صوتك وجع هيله: يابنت الحلال خلينا نستانس بديره ماتعرفها خذ رحتك بها هع هع وجت كوره طايره وصبخت مناير مع علباها مناير: وججججججع ماتشوفون عمى يعميكم هيله(ألتفتت عليهم): يامال الساحق الماحق والمرض المتلاحق اللي يسحقك ويمحقك وين ماتطس يلحقك منيره وحصه: ؟؟؟؟؟؟؟؟؟؟؟؟؟ هيله: خير بعد انتم وش فيكم حصه: وش قلتي انتي مناير : وش ذا الطلاسم اللي قلتيها هيله: ماعليكم هذي من بركات جدتي شما حصه: من متى صارت لك جده اسمها شما هيله: جدتي شما هذي جدة سليطين ولد ام محمد اللي بآخر العاير اعتبرها جدتي من الرضاع حصه: والله انك قاضيه ومنتهيه كل الناس اهلك هيله: الشعب السعودي كله اهلي هع هع هع مناير: بنات بنات وصلتني رساله بلوتوث هيله واحد يحسبه جوالك هيله: وراه يحسبه جوالي مناير : يقول بالرساله(اموت بالساحق الماحق خخخخخ) هيله: وش نكه مناير: نكه(كيف نعيش بلا ددسن) هيله: هاتي اوريك وش ابرسل له حصه : اقول اعقلوا بلا هبال هيله: اصبري عندي مسج اذا شغله بيطلع صوت عالي وبعرف منهو هع هع هع مناير : هاه وش صار ارسلتي هيله: ايه ارسلتها دوري مكانه مناير: هههههههههاااااااي شوفيه ذاك هيله: ايه والله اخس يالشويب حصه: هههههههههههه طلع شايب يالله العقل والدين هيله: الحمد الله والشكر ارسلت له رساله مناير : وش قلتي هيله: قلت استح على دمك ياشايب عراره قبل لا اعلم ذا المسكينه اللي معك حصه: حتى الشيبان ماسلموا من ذا البلوتوث مناير : تدري انهم يرسلون اكثر مننا وهماللي يستهبلون هيله: اجل اباخذ شايب يوسع صدري هع هع هع مناير: وجوزيف هيله: لا هين ذاك عين السيح حصه: اجل بتاخذين 2 هيله: لا بس واحد بخليه بكراسي الاحتياط شوفي بس هاللي متسدحات على البحر مانيب قايله عساهم يتسدحون بمستشفى مناير: ماعليكم منهم منتي متحاسبه عنهم اقول بس خلونا نقوم نغطس رجولنا المويه شكلها يشهي هيله: روحوا انتم انا بتقعد لهالشايب والله لاخليه يقوم من الرشه ويروح لبيتهم حصه: يالله انا وياك ياميمي نروح وراحت حصه ومنيره يلعبون بالمويه وقعدت هيله تتقهوى وتحبرش بهالجوال وفي تلك الحزه جت هيله ضربه من وراها وألتفتت بتحنش على بالها البزران اللي قبل شوي هيله: يامااال الوجع اللي.......ج ج ج جوووووزيف جو: هاي هلوو هيله: يماااه يمااه جو....وشو ذا...وش يبي....ياربييه وش اسوي يمااااااه وفتحت الورقه عزيزتي هلووو بتمنى انك ماتتدايئي من المسج بس حبيت إلك انو في ست عم تـنـتزرك في مطعم(هيفين)اللي بآخر الشارع بدا تحكي معك شوي الساعه 9 ونص المسا بكره باي هيله: يماه وش اسوي هاه اكيد انها امه تبي تخطبني ياربييه يابعد حيي ياجو وه بس وش اسوي وصلنا ان هلوووو اخذت الرساله من جوزيف وشافتها البنت احتارت وش تسوي هيله: ياربيه وش اسوي اقول لخواتي لا صعبه اتركه لا اصعب وه ياربيه وش اسوي حصه: تعالي هلووو المويه تجنن هيله: لا لا لا مابي ابي اتقهوى مناير: حصـــــه تعالي عندي لكم سالفه مهمه جدا حصه: اوص خلاص صجيـتينا روحي للفرشه وانا بلحقكم مناير: هلوووو عندي فكره رهيبه تكفين ساعديني وافزعي معي قبل تجي الحصي هيله: وش عندك ياهدرانه والله ماوراك الا الدجه ادري بس هاتي وش عندك مناير: اسمعي انا شفت فلم فيه 3 بنات خوات زينا عايشين في بيت واحد المهم اتفقوا انهم يبعدون عن بعض لمدة 3شهور وكل وحده تشوف نفسها وبعد الشهور يجتمعون وتشوف كل وحده وش سوت الثانيه بهالشهور هيله: طيب.........والزبده مناير: انا اقول ك بس انتي ركزي معي الحين كم باقي لنا هنا ونرجع للسعوديه هيله: اسبوع تقريبا مناير: حلوووو خلال الاسبوع هذا نفترق وبدل مانصير كلنا بغرفه وحده نصير كل وحده بغرفه ومانشوف بعض وكل وحده تسوي اللي تبي وبعد اسبوع نلتقي ونشوف كل وحده وش سوت ونرجع للسعوديه وش رايك هيله: اقول طسي فيذاك وش تبين انتي ايه عشان تستهبلين على كيفك لا ياختي انتي مراهقه ويبي لك رقابه مناير: لا والله وش قالوا لك ماتربيت انا بعدين مانيب راعيه خرابيط وحب مثل بعض الناس >>> وهنا جات على الوتر الحساس بتاع هيله <<<ينعن ام اللغه هههههههههه هيله(بينها وبين نفسها): والله انها فكره على الاقل اقابل هالحرمه واشوف وش سالفتها من دون ما احرج نفسي مع البنات هيله: اسمعي انا مادري انتي فكري وقولي للحصي وشوفي وش تقول حصه: وشو وشو سمعت طاري اسمي وش تقولون حشيتوا فيني ترى ما اسامحكم ليوم الدين هيله: هيه انتي اعصابك من زينك انتي وخشتك عشان نحش فيك وجع كليتينا بقشورنا حصه: انا من زيني طيب مشكوره هيله: امزح يالمملوحه مناير: حصه ابقولك شي حصه: ايه ادري قلتي لي ان عندك موضوع وشو هاتي يافتاة مناير: انتي الحصي اختي الكبيره وقدوتي بالدنيا وانتي امي ابوي اختي وخوالي وعماني واهلي كلهم وانا ماقدر استغني عنكم تقاطعها حصه: خلصينل تراك لجيتي مخي اكيد عندك شي كايد مناير: اسمعي انا اقولك وقالت لها السالفه حصه: نعم نعم نعم نعم وش قلتي حبيبتي ماسمعت لا والله يالحلوه هذا اللي تبينه ماعاد الا هي لا حبيبتي الا هالخرابيط اللي تقولين يالله هناك هيله انتي وش رايك انتي قولي شي حنا متفقين اننا ناخذ رأي الاغلبيه وعندنا ديموقراطيه نمشي عليها هيله: انا اقول خلينا نجرب وش ورانا كلنا متربيات ونعرف حدودنا وماراح نخربط ولانروح من هنا ولا من هنا حصه: لا اجل كذا اتفقتوا علي هيله: انتي خلينا نجرب وكل وحده تاخذ مصروفها وتصرفه على كيفها والوعد اخر الاسبوع مناير: تكفين الحصي لاتخربين السفره علينا متى عمرنا سافرنا كذا تكفين الله يخليك حصه: خلاص امري لله بس عندي شرط هيله ومنيره: وشوووووو حصه: كل وحده مسؤوله عن مصروفها مو تجون تقولون لي ضاعت فلوسي ولا محتاجه زياده ولا انسرقت ولا ولا ولا مناير: لو يقطعوني اربا اربا ماقلت شي هيله: اخسس يا اربا حلوه من وين جبتيها مناير: هههههههه مدري هي طلعت من الحماس وكل وحده من الثلاثي المرح اخذت لها غرفه بالاوتيل وبدت تشوف وش وراها وش تتمنى ووش بتسوي € غرفة مـنـاير € مناير: آلـــــوو لوسمحت ممكن ترسل لي السيرفنت ابغاه يجيب لي المنيو حق المطعم اللي تحت هو: ايه تكرم عينك مودموزيل بس بعتـئـيد انو فيه منيو للمطعم عندك شوفيا عالشافونيرا اللي جنب الـTV مناير: اهااااا ماعليش اسفه ما انتبهت لها خلاص باي يوووووووه منه دقيت اتميلح وفشلني € غرفة الحــصـي € طووووط طوووووط الخصي غير موجوده في الخدمه مؤقتا (طالعه برا) € غرفة الــهــلي € هيله: ياربيه وش بقول للحرمه لا وش ابلبس لا وشلون بتكلم معاها لا وشلون ابطلع ياربيه معقوله تطلع امه طيب معقوله تبي تخطبني طيب اذا تبي تخطبني تجيني للاوتيل وشوله انا اروحلها طيب لو تبي تخطبني وش بقول بوافق طيب وش بقول لخواتي اخاف خالي عبيد يذبحني لو درى طيب وشلون وين بحط العرس هنا ولا بالسعوديه ودي اعزم صديقاتي ومازالت الهلي تفكر حتى جاءت الساعه التاسعه مساء دخلت الهلي للمطعم وكانت تدور حرمه جالسه لوحدها هيله: ايه هذي هي مرحبا انتي ام جو هي: باردون هيله: حتى انتي باردون وش عندكم انتم وهالبرد..... لاياختي حارون هي: عفوا انتي بدك ياني هيله: لا ابي جو وش ابي بياني خليه لك هي: شو بدك ماعم بفهم عليكي هيله: انتي من تنتظرين هنا هي: ماعم بنـتزر حدا انا جايي لوحدي هون هيله: اها اجل غلطانه يابعدي تشااااو.....يا باردون هيله: وين طست خالتي لو سمحت في طاوله محجوزه بأسم جوزيف هو: أي خيتو الطاوله رأم 7 هيله: شكرا... يازين السنع وراي ماسألت من قبل بدال ما اهرج هالباردون والحرون وجلست على الطاوله تنتظر خالها تجي وماهي الا هنيهاااات >>>> متعوب عليها ترى خخخخخخخ الا وتجي الخاله وتسلم عليها من وراها الخاله: هااااي انتي اللي إلك موعد معي انا خالـــــ.............هلوووو هيله: كاروووول اهلين وش اخبارك وشلونك يامحاسن الاصداف مدري القواقع ورب صدفة خير من الف ميل يبدأ بخطوه هههههههههه كارول: هلووووو انتي اللي............ هيله: انا اللي وشو وش فيك تقل شايفه جني كارول: هلو انتي بتعرفي حدا بإسم جوزيف هيله وهي مستحيه: أي اعرفه ليش وش عرفك كارول: لا مو معئول هيله: وش السالفه وش فيك كارول: عدي لا إلَك (جلست كارول خالة جو تقص لهلو القصه كلها وقالت لها ان جوزيف متزوج بنتها وعنده ولد وانه مافكر فيها بس انه رحمها وخاف تتعلق فيه اكثر) ((وصف الحدث)) هلو مسكينه انصدمت صدمه ماقبلها ولا بعدها مانطقت بحرف واحد وكارول تواسيها وقالت انه يقول عنها مهضومه وحبوبه وطيبه ورجعت لها الساعه حقت امها هيله: حصل خير اصلا انا كنت حاسه وما زعلت والوضع عادي كارول: بتمنى انك ماتزعلي مني حبيبة ألبي وماتهكلي هم بكره الله بيعوضك وبتتجوزي سيد سيده كمان هيله: ههههههههه لا عادي ماصار شي عن اذنك انا بطلع وراي مشورا مهم سلميلي على جو وزوجته مع السلامه كارول: انتزري هلو بدي احكي معك انتزري وراحت المسكينه وهي تترنح في مشيتها من هول الصدمه اللي صعقتها قبل لحظات وكأن قصرها الذي بنته في قلبها قد تحطم بأكمله وانهار على حبها الوحيد وقتله قبل ان يرى النور >>>>>>قايله لكم اللي مايقدر يبرمج نفسه عامي\فصحى بيتدهور هنا خخخخخخخ بعد اسبوع وبالتحديد قبل الذهاب الى المطار للعوده الى منفوحه قصدي الى بيتهم اجتمعوا البنات بغرفة الحصي وبداء السلام بالقبلات والاحضان وكل وحده بدت تقول وش صار لها الحصي: اسمعوا يابنات انا بقولكم بإختصار انا تعرفت على وحده لبنانيه تشتغل طباخه هي وزوجها بمطعم حلو وراقي بعد ماعلمتها بعض الاكلات الشعبيه عرضت على اني اسكن بشقه قريبه منهم واشتغل معهم ولي نسبة من ارباح المطعم وانا بصراحه فكرت ولقيت انها فرصه ماتتعوض الراتب اللي باخذه هنا يعادل ضعفين الراتب بالبنك هناك مناير: هاااااااااااااا تجلسين هنا يامحاسن الاصداف على قولة هلولتنا اجل انا رحت بجوله على جامعاتهم ولقيت عندهم تخصص الانجليزي حلو وسهل نوعا ما مافي تعقيد زي جامعاتنا فأنا قررت اكمل دراستي هنا وبشوف مستقبلي بالجامعه هيله: ..................... (ساكته) حصه: هلو وانتي وش سويتي وين رحتي وش شفتي وش فيك مناير: هلو وش صار على جوزيفتك ماشفتيه وش فيك ساكته تكلمي هيله: خلصتوا قررتوا خلاص اجلسوا الله يوفقكم انا برجع للسعوديه بعد شوي حصه: هيله وش صار لك طيب ضيعتي فلوسك تكلمي مناير: لا يمكن سوت شي وندمت عليه هيله: وجع موب انا اللي اسوي كذا يالتعبانه انا مافيني شي ابرجع وبس مناير: طيب لاتنافخين بالطقاق طسي هيله: مانفخت ياقليلة الادب مناير: انا قليلة الادب ليش انا االلي كنت الاحق رجال واحبه ووووووو هيله: اوص خلاص انا تعبت انتم ماتحسون انتم ماتفكرون الا بمصلحتكم مابي شي منكم حصه: خلاص انتي وياها كل واحد يسوي اللي يريحه وتزاعلوا الخوات وظفت هيله شناطها وراحت تلحق على موعد الطياره والحصي ومناير راحت كل وحده لغرفتها في صالة المغادرون هيله جالسه تنتظر يعلنون عن موعد صعود الطائره وهي تمسح دموعها اللي ماوقفت من اول ما طلعت من الاوتيل هيله: الله لا يعيدها من سفره الله لا يعيدها بسفره وحده انقلب حالنا كذا؟ خواتي راحوا ومادروا عني وكل وحده همها مصلحتها وب وانا الغبيه حسبت اني اقدر احب وحبيت وتوهقت وانجرح قلبي وماظني بيلتـئم جرحه ياربي سامحني انا غلطت استغفر الله العظيم ياربي ابي خواتي من لي بالدنيا غيرهم يارب انا ضعيفه مالي بالدنيا الا هم من اجلس عنده خالي عبيد من زين ذا الخال اللي عمري ماشفته الا بالعيد وزين اذا جاء بعد ياربي وش اسوي بعمري وشلون بعيش وحيده لا وظيفه ولا طلعه ولا دخله ولا احد يتكلم معي شلووون بعيش شلووون (الرجاء من الركاب المسافرين على الرحله رقم346المتجهه الى الرياض التوجه للبوابه رقم 73 وشكرا) (وجلست الهلي على المقعد وربطت الحزام عشان مايبلشونها وكملت صياحها) هي: لوسمحتي اختي ممكن تبادليني بالمقعد هلوو: لأ هي: حتى لو قلت يامحلا الفنجال مع سيحة البال في طياره مافيها مقعد ثقيل هيله: هييييييييي مناير وش جابك شلون غيرتي رايك مناير: وانا اقدر استغني عنكم ولا استغني عنكم حصه: وفلوس الدنيا كلها ماتغنيني عنكم هيله: الحصصصصصصصصصصصي بعد صياح وخمخمه وبوسات وحالتهم حاله مناير: هلووو فقدتينا هيله: امممم يعني......عادي عندي......يمكن ضاق صدري شوي..... بس مو مره حصه: ايه صح ما كأننا جالسين وراك بصالة الانتظار هههههههههههههههههههههههههههههههههههههههههه هيله: هااااااااه....ايه كنت ادري عشان كذا استهبلت هليكم >>>>>لاخر لحظه تتلكع مناير: ايه هين اهم شي لما قلتي من بسولف معه مت من الضحك ههههههههههههههه هيله: ههههههه الله يرجكم تصدقون اكتشفت اني احبكم حصه ومناير: ههههههههههههه ورجعوا الاخوات الكريمات للسعوديه ويقولون ان الحصي تقلدت منصب كبير وصارت مديرة البنك وان الهلي تزوجت وصار عندها درزن بزارين وان مناير صارت معيده بالجامعه THE END

[أسيرة السآمر..~]

لي
عوده
بعد
قراتها

تحياتي

[الشاكـــي]

موعدنا السنه الجايه لمن اخلصها كلها

ش ك ر ا

<<<<<<<<<< فحمان بيروح يشرب مويه

[سعودي$اصيل]

ههههههههههههههههههههههههههههه
ههههههههههههههههه
الله يرجك ابليــسك بمووووووت من الضحك


يعطيكي العافيه

[.. الحصان ..]

ههههههههههههه يخرب بيتك نسايم لييييييييييييل ... شنو هذا شكلي باخذ الالماسي هنا ومااوصل لنهاية السالفة ... عطيها لطاش ماطاش تصلح مسلسل في رمضان .

[أسيرة السآمر..~]

ههههههههههههههه
والله فطست من الضحك
ههههههههههههههههههههههههه

رهيبه من جد


تحياتي

[نســ ليل ــايم]

هلابكم حبايب قلبي

انا عارفه ان القصه طويله
وطاحت ايديني وانا اكتبها

بس جتني على الجوال
ولما قريتها كنت بموت الا شوي من الضحك والله الى الان لين قريتها غفلت من الضحك
فيها مصطلحات خرااااااااااااااااااااااافيه

وعشان كذا حبيت اشاركم فيها