اشهـــد ان الحـظ جـــابه لي هديـّه=في زمــانٍ خـانـتــــه كل الهـــدايا
وأشهــد ان الســـالفـه ماهي بديـّه=غصـب عني ســـاقني رب البرايا
بالبـدايــــه منّــه افكـــــاري خليّـه=ولا دريت الا وهـو وســط الحنايا
كنـت اســولف لا عليـــه ولاعليـّه=ماحسبـت حســاب ذنب ولاخطايا
ماحسبـت حسـاب لاروحــه وجيـّه=كان عنـدي يشبـــه لكـل الصبــايا
ليـن ماقلبــي توجـــه لـــه شــويـّه=وابتـديت أحـس في وصلــه معايا
وابتديت اشتــــاق لعيــون الشقيـّه=لعنبــو هالشــــوق سـوابي سوايا
انتظـر.. وأرجي.. واقول الاجوديـّه=وش بلاهــا؟! ولعبـت فـيّ النـوايا
نوب اقول ظـروف وحظـوظٍ رديـّه=ونوب اقول ان الثـرى ماهو ثرايا
ونوب اقــول الحـب بعيـون بدويـّه=يختلـف مثل اختـــلافـات السجـايا
ونوب اقول الســـالفه ماهي خليـّه=غصـب عنهــا ماتعمّـد في شقــايا
وقمـت اجيب اعـذار وافكـارٍ غبيـّه=بس يبقـــى للأمـــل فينــي بقـــايا
واكتشفـت اللــي يشـــــابـه للمنيـّه=جعــــل تفـــداهـا حيــاتي والمنايا
اكتشفـت انـــه مجــــوّد بالوصـيـّه=آآآه من قلـبٍ غـدت فيـه الوصـايا
آآآه من قلـــــبٍ تولّـــــــع بآدمــيـّه=فجــرت في داخــله مثل الشظــايا
يا خفــوقي.. قالـوا الخيـــره خفـيّه=لاتنـــدم جعلهـــــا ضمـن الخـفـايا
يا خفـوقي كل راعـــي لــه رعـيــّه=وأنا راعي وانت من ضمن الرعايا
يا خفوقي.. تدري ان عندي حميـّه=ياخفـــوقي.. إنس.. معسـول الثنايا
لا تصــدق بالزمن يعطــي عطـيــّه=لاتصــدق.. ما نبي حتــى العطـــايا
اشهــد ان السـالفه صـارت قضيـّه=وأشهــــد اني كارهن كل القضــايا
وأشهــد ان الوقت ما يهدي هديـّه=في زمــــانٍ خـــانتـــه كل الهــدايا
لكل من مررر من هناااا
العرض العادي
