خالد وسارة

[بحــ الحب ــور]

السلام عليكم ...

قصه بمنتهى الروعه عباره عن اجزاء والقصه منقوله ..

اتمنى ان تنال اعجابكم وانا رهن انامل اما ان اكمل او اتوقف ...

اتمنى ان لا يكون احد قد قرأها قبل هذه المره ..

اترككم مع القـصه ...

الجــــــــــــــزء الاول:

كانت ساره دلوعه والكل يحبها وكانت تتمتع باجمل الصفات من جمال واخلاق طيبه وذكاء واما جمالها فخلو على صوب لانها صدق كانت قمر ..كل اللي يشوفها يتخبل على جمالها .. وهي عمرها 19 سنه يعني في اول سنه جامعه وعندها صديقه روح بالروح وياها وهي رريم لان ساره كانت وحيده فعشان جذي تعتبر ريم اختها وصديقتها وكل شي ..

والقصه تبتدي ::


ام ساره : حبيبتي سارونه وينج ساره

ساره : هلا امي انا بغرفتي
طلعت ساره من غرفتها عشان تشوف امها شو تريدها
ام ساره: وينج ساره من متى اناديج حبيبتي
ساره : امي كنت اكلم ريم صديقتي .
ام ساره : وتضحك والله اني اغار من هالريم . كل وقتج وياها
وضحكت ساره وحضنت امها وقالت : محد مثلج يا حلى واروع ام بالعالم ..
ام ساره : يالله خلي عنج هالكلام : تقول حبيبتي سارونه لاتنسين عزيمه خالتج لنجاح بنته انوره من الثانويه
ساره : اكيد امي مو ناسيه افا وانا اقدر انسى نجاح نوره .
وراحت ساره واتلبست ولبست احلى ما عندها واتمكيجت بمكياج خفيف وبسيط
ام ساره : دخلت على ساره تشوفها خلصت ولا
وشافت ام ساره ساره بجمالها وكشختها وقالت لها : ماشاء الله عليج يا بنتي طالعه مثل القمر اقري على عمرج يا بنتي اخاف يحسدونج
ساره وهي مبتسمه : على شنو يحسدوني امي
ام ساره : سارونه بلا حركات تعرفين انج حلوه والكل يمدح فيج من صغرج :
ساره " اكيد لاني طالعه على امي حبيبة عمري

صدقها الام لان ساره مو بس حلوه بل فاااااتنه.. شعرها البني على العسلي وعيونها العسليات الحلوات الوساع اللي كانها عيون الغزال وجسمها كان صدق متناسق كانها عارضه أزياء .

ام ساره: يالله خلي عنج هالكلام ويالله نروح تاخرنا السايق في السياره من زمان
وراحو كلهم العزيمه
وكانت ساره احلاهم
ويت ساره وسلمت على بنت خالتها نوره وباركتلها على نجاحها
نوره : زين جيتي شنو هالتاخير كله ؟
ساره : بعد تعرفيني يوم اختار بدله ولبس شلون ما اتاخر
نوره : بس ماشاء عليج طالعه قمر .. غطيتي علي ..
وضحكت ساره
وقالتلها ساره: محد يغطي على رقه وحلاة بنت خالتي نوره
وجيتهم من وراهم هند اللي هي بعد بنت خالتها يعني اخت نوره وهند اكبر عن ساره بسنتين وهند تغار من ساروه لانها احلاهم ولان الكل يحبها ويحترمها
دخلت هند وقالت لها مو من خاطرها " هلا ساره
ساره: هلا ببنت خالتي هند شاخبارج واخبار الدوام
هند : اكيد تمام
وراحت عنها هند
ساره وهي مستغربه : شفيها هند ليش متضايقه؟
نوره : لا حبيبتي هند ما فيها شي بس تعرفين كيف تفكر وهي تعرفينها من صغرها تغار منج
ساره : ليش تغار ..؟ هند حلوه وزينه
نوره : بعد تعرفين البنات وغيرتهم
المهم خلصت الحفله والاغلبيه راحو البيت الا ساره وامها
وكانو يتكلمون ويضحكون وفجاه دخل ولد خالتها خالد
خالد كان اكبر اخوانه وكان طيب وخلوق ووسيم وكل البنات متخبلين عليه ويترجون نظره منه بس هو قلبه مو ملك أحــد غير (ســــاره ).
بعد ومن صغره كان متيم في ساره مب بس متيم بل يموت فيها : ودخل وفجاه شاف ساره .. وكان يشوفها بنظرات وحب ويقول في خاطره : ساره هني واخيرا وينج يا نبض قلبي وينج عني
والكل لاحظ نظراته
ونوره قالت : الناس يسلمون يا خالد
ام خالد : وين وصلت يا خالد
هند اختهم : هه هه هه اكيد عيونه على حبيبته ساره .
وكانت هند تشوف ساره بنظرات كلها غيره

وساره استحت واحمرت ونزلت راسها .
خالد بعد استحى ودعى على هند في خاطره
خالد " السلام عليكم شلونج بنت خالتي ساره
ساره : الله يعافيك خالد انت شاخبارك .
ام ساره : بس ساره ونحن وين رحنا
ضحكو كلهم على خالد لان ما كان يشوف الا ساره
وخالد أبد ما كان يتكلم لانه بس يبي يشوف حبيبته ساره .
وقالها وهو يشوفها من فوقها لين تحتها .
خالد : ماشاء الله عليج يا بنت خالتي طالعه اليوم ملاك .
ساره وجها محمر : عيونك الاحلى بس عاد لا تبالغ
خالد : وربي ما ابالغ المجنون اذا شاف جمالج راح يصحى

نوره : عيل خلا نودي ساره مستشفى المجانين عشان كلهم يصحون ويصيرون زينين .
وهني الكل تم يضحك
بس خالد كان تفكيره كله في ساره .
ام ساره " يالله عن اذنكم بنروح البيت الوقت تاخر
ام خالد : وين تو الناس بعدنا ما شبعنا منكم
ام ساره : الود ودنا نتم لين الفجر بس ما يصير
ساره : اكيد القعده وياكم ما تنمل يا خالتي
كلهم وقفو وراحو يسلمون علشان يطلعون وبعد ما وصلت ساره عند خالد
. وهي منزله راسها : مع السلامه يا ولد خالتي
خالد وعيونه على ساره : مع السلامه يا القمر اووووه قصدي يا بنت خالتي
وعلى طول ساره طلعت لانها صدق استحت وما تعرف كيف ترد على كلمات خالد العذبه .
وبعد ما وصلت ساره البيت
كانت تفكر في ولد خالتها خالد ونظراته وكلماته الساحره .
اما خالد فكان هاليوم احلى يوم عنده وفرحان لان شاف حبيبته ساره


كانت تفكر في ولد خالتها خالد ونظراته وكلماته الساحره .
اما خالد فكان هاليوم احلى يوم عنده وفرحان لان شاف حبيبته ساره لان من هو صغير يحبها ..
وراح عند امه باخرالليل

وتم يدق الباب على غرفه امه
خالد : يمه يمه افتحي الباب
ام خالد: مستغربه : خالد شنوفيك وين يعورك شنو فيهم خواتك ..؟
خالد : باسم الله عليج امي ما فينا شي
ام خالد : عيل ليش ياي هالوقت تعرف ساعه كم
خالد هي الساعه 2 ونص شو يعني .. المهم امي الله يخليج ابي اقولج شي
ام خالد فتحت الباب وهي مستغربه من خالد وتشوفه بنظرات غريبه
ام خالد : قول اللي عندك يا خالد شو فيك ؟
خالد امي تعرفين اني احب ساره بنت خالتي من صغري ويا هالوقت اللي تخطبينها لي امي اخاف احد ياخذها مني واذا احد خذاها بموت يا امي تعرفين شو يعني بموووووووت .
ام خالد وهي تضحك على خالد . باسم الله عليك من الموت يا خالد
الله ياخذ بليسك يا خالد مخرعني هالوقت علشان هالسالفه .. لا تخاف ساره ان شاء الله ما بتكون الا لك
خالد: ابيج تكلمين امها باجر اوكي
ام خالد : خلاص حبيبي تم بس انت روح نام الحين

وفي اليوم الثاني قامت ساره وراحت عند امها
ساره : صباح الخير يا أحلى واغلى ام بالعالم
ام ساره وهي مبتسمه : صباح النور يا احلى ساره او قمر على قولت خالد وتمت الام تضحك ..

ساره وهي منحرجه : امايه عاد ليش تضحكين لا تعلقين على كلام خالد ولا هو جذب يوم قالي قمر
الام : هههههه لا يا بنتي ما اضحك على كلامه بس اضحك على حبه صدق عيال هالايام حبهم غير.
وتمت ساره تضحك على كلام امها .
وفجأه رن موبايل ساره :
ساره : الو
ريم صديقتها : هلا سارونه هلا بصديقه عمري
ساره : هلا وغلا بالغاليه
ريم : شاخبارج ؟؟ وينج البارحه ما عبرتينا ولا دقيتي علي تعرفيني ما اقدر على بعدج
ساره: كنا معزومين على نجاح نوره بنت خالتي .
ريم : هاااااااااا اشوف بعض الناس ما عبرونا لازم اكيد شافو الحبيب حبيب الألب.
ساره : بسج عاد لا تذكريني .ترى اخاف اسرح فيه
ريم : يا ويلي على الحب ..
ساره وهي مستحيه اونها : احم احم
ريم : سارونه حبيبتي تعالي اليوم بيتنا بنتغدى وبعدين بنروح سيتي سنتر علشان نتشرى اوكي
ساره : اوكي بس غريبه شو تبين تشرين وليش؟
ريم : يعني محد يروح السوق الا اذا شي مناسبه
ساره : لا بس مستغربه مو من عوايدج قولي ريم شنو عندج
ريم : امممممممممممممم الصراحه ابي اشتري اشياء حق اخوي اللي يسوى عندي كل شي اخوي فهـــــد
ساره : فهد ؟(وعلامه تعجب في وجها) ..
ساره : بس فهد مسافر حق الدراسه
ريم : حبيبتي فهد خلص الدراسه يا صباح الخير لا انتي داريه
ساره : وانا شنو عرفني في اخوج اصلا انا ما شفته ولا مره
ريم : يالله بسج سوالف تعالي بيتنا الحين سمعتي ألحيـــــــــــــــن .
ساره : زين باسم الله شنو فيج محرجه خلاص الحين بقول حق امي

ريم : انتظرج بسرعه لا تتأخرين
ساره : اوكي يالله باااااي
ريم : بااياااااات

انتظروا البقيه ..

.

[خربوشه]

يعطيك العفيه القصه مره حلوه ومشوقه

واتمنى انك ماتطول علينا بالتكمله

[مجرد قلم!]

قصه رائعه

لاتحرمنا من جديدك

[بحــ الحب ــور]

اشكركم اخواني المرور والله لا يحرمني منكم

[بحــ الحب ــور]

الجــزء الثـاني ..


ساره : يمه الحين بروح عند ريم يمكن ولا ؟
ام ساره : الحين افا يعني محد بيتغدى وياي
ساره : امي اسفه بس ريم تنتظرني
الام ونبرت حزن : تعرفين يا ساره انا ما ابي اخرب على طلعاتج بس مثل ما تعرفين اني مالي غيرج بحياتي . ابوج الله يرحمه توفى من خمس سنين يوم صارت فيه نوبه قلبيه لان كان فيه القلب وانا ما جيت غيرج وما عندي الا انتي واذا صار لج شي وبكت الام ..
ساره والدمعه بعيونها : يمه انا بكون عندج لاخر حياتي لا تبكين يا امي انا بكون وياج بس الله يخليج ما ابي اشوف دمعه بعيونج ترى دموعج غاليه
الام( وهي تمسح دموعها) : اسمحيلي يا بنتي ما كنت ابي اضايقج في هالوقت بس تذكرت ابوج ..
ساره : في حد ما يتذكر ابوي .. اصلا ابوي كان دوم يوصيني عليج يا يمه .. وانا ما راح اخليج
.وراحت ساره وحضنت امها
ام ساره : يالله يا بنتي روحي عند ريم تنتظرج البنت .
ساره : لا خلاص بقعد وياج
ام ساره : لا يا بنتي انا بروح عند خالتج فاطمه وانتي روحي عند ريم
ساره : اذا بتروحين بيت خالتي فاطمه خلاص يعني مطمنه عليج الحين اقدر اروح .
وراحت ساره اتلبست بسرعه وراحت بيت ريم صديقتها
اما ام ساره فراحت عند اختها فاطمه
ام ساره وهي داخله بيت اختها
ام ساره : السلام عليكم
فاطمه اختها وبناتها نوره وهند وخالد: وعليكم السلام يا هلا والله
(اما خالد عيونه على الباب وفي خاطره يقول وينها وينها حبيبة العمر) .

نوره : خالتي وين ساره ؟ليش ما جت وياج
ام ساره : ساره يا غناتي راحت عند ريم صديقتهاا
خالد وهو متضايق ويقول في خاطره ( هذا وقت تروحين هناك )
خالد : يعني خالتي هي بتروح وما برجع بعدين هني
ام ساره : ولا ما دري يا ولدي هي قالت بتروح ويا ريم وبعدين بيروحون يتشرون
هند وهي رافعه خشمها : بعد تروح السوق ويا صديقتها وبروحهم بعد
ام ساره : ما فيها شي يا بنتي هي ما راحت مكان غلط
ثانيا بنتي تروح ويا بنت محترمه وساره ما تطلع الا بشيلتها وعباتها.
خالد : ثانيا يا هند لا تدخلين
نوره : لازم يدافع عنها
وخالد يشوفها من طرف عينه : نوووووروووه بتسكتين عني ولا ؟
خالد صدق كان معصب علشان كلام هند ولان ماشاف ساره
نوره : لا لا الله يخليك ما فيه على حشرتك خلاص سكتنا.

أما ساره فهي كانت بيت ريم
ريم وهي معصبه : سارونه ليش تأخرتي ..
ساره : اسمحيلي يا ريماني بس امي كانت تبكي وماقدرت اروح عنها لين ما اواسيها .
ريم (وبوجها علامه تعجب): ":ليش ؟
ساره ونبره صوتها كلها حزن : تبكي على الوالد اللي راح .
ريم : الله يرحمه .اذا انتو جذي تقولون ومتضايقين هالكثر عيل انا شنو اقول .. وراحت ريم وجلست على الكرسي وهي ميته البكي .
ساره وهي خايفه على صديقتها : ريم ريم شنو فيج ليش كل هالدموع
(ريم وعيونها كلها حزن ودموع )
ريم : ابكي ابكي يا ساره لان ييتيييييمه تعرفين شو يعني يتيييمه على الاقل انتي عندج امج الله يخليها بس انا انا انا ؟ وتمت تبكي
ساره : انتي شنو يا ريم عندج عمتج الله يخليها اللي ما تقصر وياكم عندج اخوج فهد .
ريم: محد يا ساره يقدر يا خذ مكانه الوالدين انا فقدت امي يوم كان عمري ست سنين امي راااااحت بمرض السرطان وما حست بحنانها يا ساره وابوي من كثر ما هو متعلق بامي كان يسرع مثل المجانين وهو بعد مات بالحاددث وفقدتهم اثنينتهم بنفس اليوم .. ااااااااه يا ساره ما تعرفين كيف اتالم ما حسيت بحنانهم ..
ساره وعيونها تدمع على صديقتها : بس يا ريم عندج اخوج فهد الله يخليه لج.
ريم وتشوف ساره وعيونها محمره من الصياح : فهد .. ههههههههههههه شنو تنكتين فهد . فهد فهد؟؟
فهد يا ساره هو نص ميت .فهد يا ساره كان اكثر واحد متعلق في امي الله يرحمها كان يموت فيها ويوم فقدته صارت له مرض نفسي لانه كان محتاج لحنانها وبعد ما خلص الثانويه سافر وكمل دراسته بالخارج عشان شوي ينسى .فهد يا ساره اكثر واحد متعذب بس شنو اقول انا .. ما عندناا حد يا ساره ما عندنا حد ..وراحت حضنت ساره وهي تبكي
ساره وهي بعد تصيح : ريم انا وياج انا اختج وامي هي امج يا ريم .بس الله يخليج لا تبكين اطلبيهم الرحمه هذا قضاء الله وقدره .
مسحت ريم دموعها وقالت لساره : اسمحيلي يا ساره جبتج هني وزدت همومج.
سساره : افا عليج يا ريمان .. اذا ما تشتكيلي انا بتشتكين لمنو ؟. انا يا ريم وربي اعتبرج اختي وحبيبتي وصديقه عمري
مسكت ريم يد ساره وقالتلها : الله لا يحرمنا من بعض
ويالله نروح نتغدى تراني ميته يوووع .

واما في بنت فاطمه خالة ساره :
ام ساره : يالله اسمحولي بروح البيت .
فاطمه : تو الناس يا اختي
ام ساره : أي تو الناس الحين الساعه 8 بروح اكيد غناتي ساره في البيت .يالله من رخصتكم .
نوره : بحفظ الله يا خالتي وسلمي على ساره وااااااااايد
هند : (وهي تشوف اخوها من فوق لتحت ): وانت يا اخوي ما تبي تسلم على حبيبة القلب
خالد وهو منقهر : مالج خص .
ودخل غرفته لان كان منقهر واااايد لان ساره ما جبت اليوم .

والساعه 11 مساء:
ام ساره : ها ساره شنو ان شاء الله استانستي
ساره : اكيد يمه استانست واااايد
ام ساره : هي تذكرت بنات خالتج يسلمون عليج .
ساره :الله يسلمهم .. امممممممم اكيد الحين معصبين علي لاني ما رحتلهم
ام ساره : اكثر واااحد منقهر هو فارس الاحلام خالد.
وتمت الام تشوف ساره من طرف عينها وهي تبتسم
وساره (وهي منزله راسها) .. ها شنو أي أي أي أي خالد خالد
ام ساره وهي تضحك " شنو فيج قاعده تقولين حروف الهجاء
وتمو يضحكون .

ام خالد راحت عند ولدها تشوفه لان من راحت ام ساره وهو ما طلع من غرفته :
ام خالد : خالد خالد انت صاحي ولا نايم
خالد وهو منسدح على السرير: هلا يمه لا صاحي تفضلي
ام خالد : يا ولدي شنو فيك ليش متضايق ؟
خالد " ما تبيني اتضايق وانا قايلج تكلمين خالتي سعاد .
ام خالد وهي تستعبط : أي سعاد ؟
خالد : يمه الله يخليج لا تستعبطين يعني منو سعاد تراج ما عندج الا اخت وحده سعاد ..
ام خالد :: هااااااااااااه قول ام حبيبة عمري ام القمر ام قلبي ساره
خالد ويشوف امه وهو يضحك " هي ام حبيبتي ساره
ام خالد : شوف خالد انا كنت بكلمها اليوم بس شفت الوقت غير مناسب لان الكل قاعد ويانا بس اوعدك عن قريب راح اكلمها ولا تزعل يا خلودي .
خالد : اكيد يمه .. الله يخليج بسرعه كلميها
ام خالد : يالله عليك شنو كثر حناااااان قلت لك خلاص بكلمها يالله خلني اروح انام لاني تعبانه اليوم
خالد وهو في نفسه يقول (:ااااااااااااااااه يا يمه انا اللي تعبان من الحب)

وبعد هاليوم اتصلت ريم من الصبح حق ساره وساره في سابع نومه

ريم تتصل فيها
ريم : الو سارونه سارونه
ساره وهي معصبه لان مخربين نومها وبتعب تقول : الو منو ؟
ريم : منو يعني انا ريمان
ساره : الله يهديج يا ريم تتصلين صباح الله خير في هالوقت...

..

يتبع ..

البقـيه تحمـل الكـثير والكـثير ..