دموع التَّماســــ ـ ـ ـ ــيح

الشاعر علي الحزمي · 22-09-2005, 11:31 AM

كل شي تغيّـر فـي حياتـك ودنيـاك=حتّى الدراسه صار فيها (طحاطيـح)
قصر المحبّه ما هو دونـك ولـولاك=بسِّك خساسه خلِّـي عنـك التلاميـح
وانا عطيتك قلـب عاشـق ويفـداك=الكون وناسـه كنّهـا لـك مصابيـح
ولك في ضلوعي فرش دافي ويهنـاك=وطبع الشراسـه تتركيهـم مذابيـح
ونسيت طرفي يوم ساهـر ويرعـاك=مثل الحراسـه ماعـرف بالتباريـح
ونظم القصايد يـوم سعـدي ولقيـاك=يرويك كاسه يـوم اعـزف تواشيـح
عمري رهنته منهو في الشوق يسواك=ومثل السياسه صار صوتك تصاريـح
كل شي تغيّر حتى حلمـك ونجـواك=ضيع مقاسـه يـوم بـاع المفاتيـح
قلِّي بربك وش جنـت فيـه يمنـاك؟=غير التّعاسه وصار حلمك كما ريـح
ويوم ان دمعك تنهمر وسـط عينـاك=تلقى الوناسه في ...دموع التماسيـح