معاناة طالبة في السنة الأخيرة من المرحلة الإعدادية
قعده من الصبح وعوار رأس
ما تيي الساعة خمس
إلا الوالدة واقفة على السرير
تصارخ قومي يا فلانة ويا علانه
ما نقوم إلا بطلعة الروح
والوالد فوق رأسنا غضبان
والكشة منفوشة كأنها شمس العرب
والعين من النوم محمرة
000000
نطلع من البيت
نمشي والرأس من النوم منفوخ
مشيتنا كأنها مشيت واحد سكران
في المحطة
تلقى بنات ماهمهم
غير الضحك والوناسة
نظل ننتظر ذاك الباص المقرود
ساعة على مايي
ويأخذنا للمدرسة المنحوسة
000000
في المدرسة
تلقى كل معلمة شايفة روحها
تتمشى قدام البنات متبخترة
تآمر على ذيك وتصرخ في ويه الثانية
يرن الجرس
تلاقي الجميع واقف في ذاك الصف
ماله مزاج يسوي أي حركة
وقدامهم معلمة متفرغة
كل شوية وقالت لهم
سوى هذي الحركة ويا ويلها الي ما تسويها
000000
ندخل الصف.....
وتي المعلمة والفوضى قايمة
تزفنا وكأن عبيد عندها
تطلع تفتر مني مناك
لعلى وعسى تحصل لها بنت تزفها
ترجع الصف .....
تعصب على ذيك البنية المسكينة
تقول لها شيلتج مخالفة
تلتفت لثانية تقول لها:
صندلج ممنوع وكعبه عالي
ويا ويلج لو شفتج لابسته مرة ثانية
والله وكيلكم لو شافت بنية
حاط لها كحل
تأخذها وتكتبها تعهد
كأنها مسوية غلطة كبيرة
أخخ يا عالم والله حالة
لاعت جبدنا من كثر القوانين
قوانين مالها معنى ....
تخلي الواحد يكره المدرسة غصبن عنه
000000
تدخل الصف...
تطالع في وجه البنات مستغربة
تلاقي كل وحدها عيونها من النوم مسكرة
تقول في نفسها ..
توه الفوضى عندهم قايمة
شلي حصل شلي جرى
وخلاهم كذا
تقول : هلو غيرز هو آر يو؟
هلو تيشر فاين ثانكيو
تسألنا وات هبند
نو بادي انسر شي
تناظر في البنات وبعدها
تقول للأولى :رايت ذا ديت
وللثانية : رايت ذا تايتل
والله حالة ...
حتى العنوان والتاريخ
خلو البنات يكتبونهم
مو ناقص غير أنها
تقعد على الكرسي
وتخلينا نشرح الدرس
تبتدي ذاك الشرح
ويا زينه من شرح
ساعة تكتب على ذيك السبورة
وساعة دور للبنات
تسأل ذيك للبنية الفقيرة
واتس ذا ميننغ اوف مودايفينغ آدفيرفز؟
تلاقي البنت واقف قدامها
ما تدري شتجاوب وشنو تقول
والباقي ماهمهم غير
أنهم يضحكون ويتمصخرون
على ذيك البنية المسكينة
تخلص الحصة..
والمعلمة بعدها في الصف
متعلقة فينا من زينا وشطرتنا
اللي يشوفنا يقول عنا
بلابل في الإنكلينزي
وحنا يدوب حافظين لنا كم كلمة
تتطلع التيشر من الصف
والكل ما يدري عن شنو كان الدرس
000000
المعلمة واقفة على الباب
كأنها سكورتي معينينها علينا
تسلم وتقول ها خلصتونا
سوالف و الله بعدكم
شرايكم أقعد وأقول
الدرس من صفحة كذا إلى كذا مشروح
وأخليكم تكملون سوالف وضحك
ها شقلتوا؟؟؟
قلت في خاطري ياريت والله
تفكينا من ذاك القانون
لاعت جبدي من كثرة شرحة
وأنا للحين ماني فاهمته
تبتدي تشرح وبعدها
تسأل بتجربون والله نحل على اللوح
بتجربون ؟؟ هاكم مسألة وحلوها
وياويل أي بنت شاطرة
تغلط في حلها
بعدها تسأل فهمتون ؟؟
واللي عندها سؤال تسأل
مسكينة ذيك البنية
توقف تسألها ذاك السؤال
تحصل لها زفة وكلام يهز البدن
وين كنتي يوم أشرح الدرس..
ليش ما تنتبهين للشرح
أنا ما يهمني منج انتي ماتنتبهين
للشرح كل تسرحين خلج
ضايعة أحسن لج
وإذا كان الدرس عن الجبر
وسألتها بنت عن قانون سابق
قالت لها : يو والله فشيلة
هذا القانون أنتو ما خذينه
اللعام وأول اللعام ماتعرفينه
أنا مالي دخل أنا بس أذكركم به اللحين
000000
في حصة الدين
تلاقي وحدة على الكرسي
ماكو لون ما حطنه بذاك الويه
اللي يشوفها يقول عنها رسمه متحركة
تقرأ الآية وبعدها تشرح
تسأل كم سؤال
تقوم بنات على كيف كيفها
كم مرة تقومني بذيك الحصة
تسألني عدة أسئلة
كل سؤال إجابته مثل ويه
بنات ...بسرعة فتحوا الكتاب
على الصفحة كذا
حلو الأسئلة في الدفتر
بسرعة أبي اشوفهم ألحين في الدفتر
كل وحدة بخاطره تقول :
متى يرن الجرس
والله يوعانه وأبي آكل
000000
آخيرا ..
يت الفسحة
كل وحدة رفست ذاك الكرسي
وطلعت تركض كأنها غزال الريم
تلاقي رفيجاتها بذيك الساحة
كل وحدة ضحكتها لوين واصلة
تسأل نفسها ليش يضحكون .؟؟
تقول لهم والدمعة من عينها
تسيل بأحلى تمثيل
شفيكم واقفين يالله
مشوا بطني يألمني من الجوع
تآكل بسرعة وشراهة
اللي يشوفها يقول عنها
من سنة ما كلت
منظرها بذيك الصورة
يضحك وكأنها وحدة من مجاعة أفريقيا
وما أسرع ما تقوم تراكض
وتلعب بذيك الساحة
ساعة تركض ساعة تطيح
ومن الفشيلة تم تضحك على روحها
كأنها طفل توه يتخطى
تيي لها ذيك المعلمة المغترة
تصرخ في ويه
هي انتي ياللي فاكرة روحج
ياهل تعالي شيلي هذا
000000
الصحة الرابعة..
تتمنى كل وحده منا بخاطره
أن الجرس ما رن
أفففففف ... إجتماعيات
تاريخ + جغرافيا =عوار رأس
واحنا ما كان نقصان إلا هذا
الكتاب من أوله لنهايته كل حفظ
ويحليلها من دروس بس
مرة عن هتلر ومرة عن مسوليني
ومرة عن فرنسا وأوروبا
ولازم ندرس عن أمريكا المسكينة
ما يصير ما نعرف عنها شي
وبالأخيرة عن البحرين
قلنا ما عليه بندرس عن البحرين
وطنا و مجبورين نعرف عنه كل شي
بس يعني لازم ندرس عن أمريكا
وإسرائيل ذاك الهرير؟؟
والله حرام يا عالم
ذبحتون بذيك الدروس
بس عاد أرحمون
000000
بنات ... خلاص
ألحين علوم مب أي مادة يا حلوين
علوم و أحنا بذيك الحصة نايمن
تيي لك وحدة مغترة
تحكي كل شوي باللغة ولهجة
مرة مصري ومرة لبناني
ومرة إنكلينزي وكل ساعة
قالت أني فلانة يافلتانه
واللي ما تعرفني تسأل عني
واللي مب عاجبنها الدرس
تطلع بره وألف طقاق يطقها
كل شوي وقالت (( معرفش ايه ))
وكل ما تعيدها قلت بخاطري
بسج عاد كملي الدرس
وبسج غرور بنفسج
والله عرفنا انج تجدين كل الغات واللهجات
بسج عاد ترى أحنا بعد
نعرف نتكلم مثلج وأكثر بعد
وكل وحدة فينا تطالع
ذيك الساعة وتقول متى يطق الجرس
000000
الحصة الأخيرة ..
عربي والكل من الخوف ساكت
تبدي الحصة بزف كم بنية
وتشرح ذاك الدرس
تكتب على ذيك السبورة
وتسأل شنو اسم الفاعل والمفعول
ويا ويل أي بنية تجاوب خطأ
بس والله الحصة حلوة
كل ساعة ومدحت في كم بنية
تعطينا كم تدريب نحله
وتقعد تصحح ذيك الأوراق
مرة تمدح هذه ومرة تزف ذيك
تصحح وهي تقول
إذا سألتهم فاهمين
قالوا أييي بس في الأوراق
ما كوا ولا إجابة صح
غير إجوبة الشطار
كل ما زفت بنت بذيك
الحصة على علامتها
قالوا البنات والله حرام تسو شدي
قلت بخاطري والله من حقها
من حقها تعصب عليها
هي تشرح وتعب روحها
وآخرتها هاذي درجاتهم
000000
آخيرا ...
يت الهددددددده
لميت أغراضي و حملت ذاك الفايل
ومن على الدرج طرت من كثر الفرح
عند الباب تلاقي كم وحدة
متكلحة و وبطرف ذاك المريول
كاتب أسمها خايفة على
روحها ضيع والله يخطفونها
ركبت ذاك الباص
وروحي لأصحابي طايرة
ظلينا نتكلم عن هذا وذاك
وبالنهاية توقفنا عن الهدرة
000000
آخيرااااااا
وصلت البيت
تغديت و بعدها نمت
ما همني ولا شي
صحيت وتذكرت ذاك الهم
فتحت الشنطة وطلعت
ذيك الكتب
ساعة أفتح ذاك الكتاب
وأحل فيه كم مسألة
وساعة أنقل من هذا
كم كلمة
وساعة أحفظ كم سطر
اللي يدخل ذيك الحزة
يقول قطوة وحولها صغرها
يا عالم أنا مليت من
كثر النقل والتفكير
حتى القلم من كثر الكتابة
خلص والبنسل من كثر التبرات صار
حجمه مثل النملة
ما عدت أشوفه
إيدي من كثر ما كتبت
تورمت وتمنيت أنها تنكسر
يا جماعة ارحمون
هاذي مو حالة
احلف لكم احنا بشر
ارحمووون عاد
000000
مسكين ذاك الجهاز ما يتسكر
بعد المغرب شغال وأنا عليه
وبيدي ذاك الكوفي وفي بحر النت أتجول
ساعة أتنقل بين المنتديات
وساعة على المسنجر مع أصحابي
ضحك وعغرة ونقرة على هذا
وذاك وتخطيط لأفكار شريرة
احنا دايما متنقلين في ذيك الشبكة
كل موقع وكل ساحة احنا فيه مشتركين
حتى الشات من ما سلم
بكل غرفة منه لنا لمسة وكلمة
وبآخر الليل هذا الجهاز يتسكر
وذاك المشروع ما تم
حطيت راسي ورحت في سابع نومه
حتى العشاء عفته من تذكرت
أنه بكرة في مدرسة
م ن ق و ل
سلالالالالالالالالالالالالالالالالالالالالالالالال الالام
السنوره
معاناة طالبة في السنة الأخيرة من المرحلة الإعدادية
العرض العادي
