اوووووووووووووول مشاركة لي في هذا المنبر المبارك اتمنى ان تحوز على اقل القدر من اعجابكم واتمنى من الاعضاء المشاركة والنقد وشكراً
================================================== ===
قلت انا وان قلت جبت القاف والقاف امهبوووول=لا زهمته جا ملبي عارف اني ماعذره
اركدي ؟ ثم اركدي ؟ ثم اسمعيني وش باقوووول=كلمة ٍ من واحد ٍ اخر رجاه المغفره
جيت ابا فكر بتفكير ٍ كما صوت الطبوووول=عالي ٍ صوته وكل ٍ حر يقرا دفتره
ان عجبك الهرج فانتي رجة ٍ عرض ٍ بطول=وافهمي حبي كما شعري وشعري هستره
وان زعلتي لا عقلك الله يالطرف الخجول=عن وصال الغير يكفي لو تمدين إشعره
فيك شي ٍ حيل معجبني الى حد الذهول=كبريائك صدقيني كود احاول واعبره
لا فقدتك اذب قلبي شوق والعزة تحول= دون دمع ٍ حاولت عين ٍ تودك تنثره
ما باقول اني هويتك لو بعد تسعين حول=جازفي بـ بحر المودة واعذب الحب اخطره
مقصدي فيك اتغزل ,, وبالغلا مالك قبول=كيف ابا ( احبك ) وانا رجال ماحب المره
المره نقض الجروح النازفة ,, نهب العقول=واجتياح ٍ للمعزة وانكسار المقدرة
قالت انت اقسى !! وادهى !! من تتار ومن مغول=واضح ٍ منك كلام الصهينة والهتلره
لا تظن الحب ذبح,,موت ,, وإذلال ,, وذبول=المودّة شغف قلب ٍ مع حبيب ٍ قدره
والوفا تاج الكرامة وارتفاع ٍ عن نزول=ان سقيته من عفافك عاش واعطاك اثمره
قلت انا رجل ٍ عزيز ونسل ماضين الفعول=واحمد الي ما صخرني للعذارى واشكره
لو وقفتي عام كامل يمكن الوقفة تطول=ما فهمتي هو كلامي فلسفة او دندره
ان مدحت امدح جماد ولا هجيت اهجى الخيول=ولا عشقت ابهى المناظر لو عجبني منظره
ميلة الغصن الغضيض ادهى من افعال الفحول=وابتسامة سحر لاطفها من الشعر اشقره
وانعكاس الكون كله غفوة الرمش الكسول=واندهاشة عين يعجبها من الخد احمره
اتسلى عن خظار الوقت في وصف المحول=واتحطم من ربيع العمر واحيا باصفره
ان بكيت ابكي سعادة ولا تبسمت امعلول=واهتني لاعاش موتي والحياة امبعثره
ابك انا لا ما تبعت السهل وابغضت السهول=واتمنى الصعب دامه صعب وان لان احقره
ما رحمت اهل القلوب العاشقة واهل الفظول=واتجاهل من تولع به خفوقي واقهره
ان عشقتيني فانا لك كاره ٍ . حاقد , عذول=وان كرهتيني باشوفك عشق ماحب اخسره
وادري انك ما فهمتي شي وافكارك تجول=ولا عرفتي هو شعوري حب!! والا مصخره
قالت اتصدق ؟؟ !!! ابامشي عنك والعقل امغسول=قلت هذا الي ابي والعفوثم المعذره
العرض الشجري
