جيت أسلم لا بقلبي لا طموح و لا تمني
الوكاد إني عنيت مودع تراب الكويت
و يشهد الله يوم جيتك يا طويل العمر كني
زاير الشعب السعودي في محله بيت بيت
قبل أشوفك من وصوفك غير فكرك ما فتني
و بوجودك مثل جودك لا سمعت و لا رأيت
جيت أباطوي لك مسافات الدروب اللي طوني
ما عنيت إلا لوجهك بس كني ما عنيت
خطوتين من الكويت لي بحر جده و جمعني
مع سموك يا سمو المجد يا فيصل و جيت
و القصيد إن ما رهنته تحت كفينك رهني
لأن لو للطيب مبدأ فأنت أول من بديت
أنخلق لله وجودي و انخلق لرضاك فني
لو تحب أكتب كتبت و لو تحب أمحي محيت
وش بغيت آمر تمنى لايغرك صغر سني
شايف نجوم الثريا جبتها لك لو بغيت
لو باعيش أعطي كفوفك مثل ما كفوفك عطني
لا تحسب أني بوفي لو عطيت و لو عطيت
أشهدني ما وفيت و لو وفيت أنا اشهد اني
قلت عن نفسي مقصر و اشهد اني ما وفيت
لأنك أغلى من عروقي و الوريد اللي سكني
و اعتزازك تاج يبقى فوق راسي ما حييت
لأختلف فيك شخص لازم أخلف فيه ضني
و أن رويت الماي باروى مثل ما أضمى لا ضميت
و أن زعلت أزعل و أبارضى لارضى قلبك لأني
واجب أزعل لازعلت وواجب أرضى لا رضيت
انت مثل البحر تعطي و العطى ثقل و تأني
بس هو يعطي و ياخذ و أنت ما عمرك خذيت
محتفظ بأسمى صفاتك و متبنيها تبني
و أمتداد الملك خالد معدن و صوره و صيت
كن الارض تقول يوم أقدام خلق الله وطني
بعد رسله و الصحابه أنت خير اللي وطيت
يا طويل العمر لولا المستحى لتمل مني
و قالوا (إن لم تستح من شي فافعل ما اشتهيت)
و الا أنا لولا الملامه و النصيب اللي حضني
كان ما اسري من محلك لين أشوفك سريت
لو ينال المرء بأدراك المطالب بالتمني
كان أجل هموم قلبي تنتهي لو قلت ليت
مغترب جيت متعني لك و لاني بمتعني
وقتها كني رحلت من الكويت الى الكويت
بس والله يوم جيتك ياطويل العمر كني
زاير الشعب السعودي في محله بيت بيت
العرض الشجري
