بسم الله الرحمن الرحيم
قبل عدة سنوات كنت في الصف الثاني ثانوي وكانت ايام امتحانات شهريه(نصفيه) وكان علينا اختبار كيمياء. المعروف عن هذه الماده انها ماده طويله وصعبه وممله فقررنا انا وثلاثه من اصدقائي ان نغيب ولا نحضر الامتحان. وفعلا غبنا ولم نحضر الامتحان وحضرنا في اليوم التالي سالنا المعلم:ليه غبتم؟ جاوبنا: بنشر علينا كفر يا استاذ, رد قائلا: قولو الصدق, وضلينا على الكذب (والله والي رفع سبع انه بنشر علينا كفر) قال المعلم: اكيد هذا العذر, وحنا مصرين ايه والله , قال لنا: اوكي اليوم الاثنين ماراح اختبركم الثلاثاء راح اختبركم السبت الجاي ونص الي معكم محذف, طرنا من الفرح (ماقصرت جزاك الله خير الله يسلمك) وطبعا نشرنا الخبر لباقي طلاب الفصل , الطلاب تضايقو وفعلا معهم الحق هذا ظلم , راحو للمعلم وقالو له:يا استاذ هذا ظلم , قال: تركوهم ماعليكم . من الفرحه ما ذاكرنا الا الجمعه وجاء يوم السبت................
دخلنا المدرسه وبدت حصة الكيمياء نادانا المعلم باسمائنا ووقفنا وقال لنا: كل واحد يجلس بزاويه ويعطي وجهه للجدار وفعلا نفذنا اللي قال , ووزع ورقه الامتحان الا طلعت المصيبه ما فيها الا سؤال واحد اللي هو:
س/ماهو الكفر الي بنشر عليكم؟
حنا ما عرفنا وش نكتب خصوصا انا مو متفقين من قبل والاستاذ يراقبنا , كل واحد كتب كفر من عنده وسلمنا الاجابات وطلعت الاجابات مختلفه واصدر علينا حكم وهو الحرمان من درجة الامتحان وقال لنا : والله لو انكم قايلين لي السبب الصحيح كان عدته لكم باسئله ما في اسهل منها مهما كان السبب.
العرض الشجري
