[poet font="Simplified Arabic,4,white,normal,normal" bkcolor="teal" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
هول الغياب وحيرة الشوق والليـل
قصة عذاب"ن"طال فيهـا الجدالـي
وكلن على ليـلاه غنـى مواويـل
يجر صوته مـن نسيـج الخيالـي
يبني على الأوهام من دون تفصيـل
ويجهل سبب صمت"ن"أعيشه لحالي
ياوردتـي والله مايعشـق بخـيـل
ولاغاض من حبك شتات أرتحالـي
لك في خفوقي حبٍ أعظم من السيل
صرحه بوسط القلب شامخ وعالـي
حبك عظيم"ن"ماهو بزيـف تمثيـل
نبضات قلب وروح ماهـو خيالـي
لايتوهك عني هـل القـال والقيـل
اللي لهم بالزيف صـوت ومجالـي
عامين حيره كافيـه لهـدة الحيـل
شرق وجنوب وغرب وأيضا شمالي
أربع جهات الأرض يافتنة الجيـل
ببحورهـا وسهولهـا والجبـالـي
حيره ونار أشواق وشمعه وقنديـل
وطيف"ن"يسامرني طـوال الليالـي
حيرة عذاب"ن"شفت منها الغرابيـل
جاوز حدود الصبر فيها أحتمالـي
وكثر العتاب وكثرة الحط والشيـل
مع درب مظلم شلت همي لحالـي
متى على الله يزين ليـل التعاليـل
ونعوض اللي فات ويـروق بالـي
هول العذاب وحيرة العشق والليـل
واقع حقيقـة حلـم غالـي لغالـي
[/poet]
العرض المتطور
