ياناس بعض الناس رزه ومرتز
لمين نصحته ماسمع والنصيحه
سوى لها موال ونشره وموجز
قام ونشرها لين صارت فضيحه
مسكين حاله كاشخٍ راكبٍ بنز
من بعد كلوين ونص جاك(ريحه)؟
ان شفت شكله تحسب انه ولد عز
وهو ضايعٍ مابين نور ومديحه
مافالح الاياكل اللحم والرز
وش يشبعه كل يوم ياكل ذبيحه
ماهمه إلايلبس الجنز ويهز
ويرقص مع الدقات الين الصبيحه
ان جيت كلمته؟بسوعه تنرفز
وجاك وتفلسف لك بكلمه فصيـحه
ياليت فاهم للاسف شخص مهتز
عنده انفصام وهم طباعه شحيحـه
مافاد فيه الهرج واللمـز
ماعنده احساس ولا تـستـميـحه؟؟
لا تعتذره له دام قد قال لك طز
طنشه ولا تعطيه وجه ونـصـيحه
##ماذاتفعلون لمن كانت هذه اخلاقه كيف تتعاملوووون معه##
؟؟؟؟؟؟؟؟؟؟؟؟؟؟
العرض الشجري
