السلام عليكم
يقولكم سلمكم الله انه كان فيه اثنين متجاورين وكل واحد له مزرعه
ويوم من الايام لاحظ الجار ان جاره الثاني مزرعته بدت اطلع من
هالانعام والخيور والارزاق وعنده من انواع الحيوانات, وبدا هالرجال
يشوف هالانعام اللي بمزرعة خويه ويوم من الايام عطاه عين , ويبدا هالمفعول
الا كله ايام وتروح مزرعة خويه وتنعدم راحت عليه هالخيور وهالانعام
وخوينا الاول درا (عرف) ان جاره هو اللي عطاه العين وزعل واخذ بخاطره
وقال والله لارده له وبدا خوينا يسئل عن واحد نحوت ومعروف بالعين وبدا
يسئل لين وصل عند واحد معرووف بالعين لدرجة انه اذا يبي ينحت او يعطي
عين ياخذ فلوس .. المهم خوينا قال ابرد الثأر لجاري واتفق مع النحوت على مبلغ ,
على انه يروح معه لمزرعة خويه ويعطيه عين(ينحته) , وخوينا هذا
قال للنحوت ان مزرعتي جنب المزرعه حقت جاري , فقال النحوت اجل على
كذا ابغطي عيوني علشان اخاف اذا شفت مزرعتك اخاف تطيح عيني به وانحته
بس ابيك تعلمن اذا وصلنا لمزرعة جارك تقولي افك الغطاء عن عيوني علشان
اعطيه هاك العين اللي تحوس مزرعته,, المهم مشا خوينا والنحوت ( طبعا النحوت
مغطي عيونه ) مشو لحد ماوصلوا مزرعة جار خوينا , فقال خوينا هاذي مزرعة
جاري ,, قال النـــحوت ايه وصلنا هاللحين يالله فك, فك الغطا عن عيون الــــــحر
(عيون الصقر) , والله يوم فك الغطا خوينا ويقول يالله هاذي هي المزرعه عليك
به , قال النحوت ماشوف شي فك الغطا , الا شوي ويتبين ان هالنــــــــحوت ناحت
نفسه (يوم قال غط عيون الحر يقصد عيونه)
ياشباب هاذي سالفه سمعته بمجلس يقال انه حقيقيه والبعض يقول انه من الخيال
العرض الشجري
