أنا شعوري بالهوى فاق الإحساس
مدري شعوري كيف أقدر أوصفه
فكري يشاغلني وأنا بين هالناس
فاظت مشاعر دمع عيني تذرفه
حبيب روحي زاد حسنه عن الناس
يا زين ثغره مثل العسل لو ترشفه
صوته نغم والقد مايل ومياس
فديت عينه بحر عينه فلسفه
قلبه رهيف وما عرف لوعة الياس
لو أوصفه طول العمر ما أنصفه
عذروب خلي أنه أنسان حساس
يا زين عذروبه وما ألطفـــه
سور الجفا والصد حواليه حراس
وأنا بسبب هجره دمعي أنزفه
كيف أوصله وشلون دلوني يا ناس
مسكين قلبي كيف أقدر أسعفه
زادتني الدنيا قهر وشاب هالراس
وفاظت مشاعر دمع عيني تذرفه
وخانتني العبره وأنا أنسان حساس
ومدري شعوري كيف أقدر أوصفه
العرض العادي
