حسبي الله ونعم الوكيل ( بدون أي إعتراض )
المهم السالفة اللي صارت أن فيه زيادة مقررة بأسعار البنزين يعني اللي معه سيارة كابرس - مثلي - يبيعها ويدوّر غيرها ( يمدحون التويوتا يقولون شي )
بس اللي يقهرك أنك لو تلاحظ الزيادات اللي تصير عندنا تلقاها شاملة لكل شي .. إلا في شيٍ واحد ما صارت له أي زيادة من أكثر من عشرين عام - على كلام الشيبان - اللي هو (( الرواتب)) اللي تمثّل الأساس الإقتصادي لكل أسرة في هالمجتمع ..
طيّب على كذا ومع أستمرار الزيادة في أسعار متطلبات الحياة وما يقابلها من توقّف في مستوى الرواتب بعد سنتين أو ثلاث الواحد ما يمديه يسوّي شي بالراتب اللي يستلمه .
يعني إذا أشترى له ثوب ما يمديه على الشماغ ، وإذا يبي يفلل سيارته بنزين نام هذاك اليوم بدون عشاء ويصبح بدون فطور والغدا يسهّلها الله...
ولكن إذا بغينا نشوف الأمر هذا من الناحية الجديّة والواقعية ما نقدر نقول إلا الله يستر من يومٍ يجينا ما نلقى من حاجيّاتنا اللي تقدر نشتريه بكامل الراتب ...
آخر الكلام : ( العلاقة بين دخل المواطن وتكلفة المعيشة هي علاقة طردية ستصل إلى نقطة الصفر مالم تطرأ أي زيادة على الرواتب ..))
*صورة بدون تحيّة للذين يخططون للزيادات ويتجاهلون حقيقة ما سنصل إليه إذا أستمر الوضع على ماهو عليه
..
حبّيت أفضفض لكم .. والله يستر بستره ..
[MARQ=RIGHT]أخوكم / ليــــل الّتجافــــــــي
[/MARQ]
العرض الشجري
