قلبي يعزيني

[وفاء الحب]

[poet font="Simplified Arabic,5,limegreen,bold,normal" bkcolor="transparent" bkimage="backgrounds/22.gif" border="none,4,gray" type=0 line=200% align=center use=ex length=0 char="" num="0,black" filter=""]

ياهم ليتـك يـوم قفيـت ماجيـت=
ليتك علـى وجهـك مقفـي ليالـي
رجعت يوم اقفيت وشفيك مابطيـت=
في غيبتك مرتـاح بالحيـل سالـي
عزالله انك جيـت يومـك ترديـت=
خليتني اشكي على النـاس حالـي
ياما من اسبابك عن النـاس قفيـت=
عزلت نفسي عن عمـام وخوالـي
وياما من اسبابك على الخد هليـت=
دمع العيون اللي على الخـد سالـي
وياما بكيـت الليـل كلـه وبكيـت=
من هو جنوب البيـت وإلا شمالـي
وياما من الضيقات للجيـب شقيـت=
وامشي وانا كني من العقـل خالـي
وياما من الضيقه عن البيت صديـت=
وازبن على المشراف واجلس الحالي
واقول في نفسي انا ويش سويـت=
وشفي زماني يا عرب مـاصفالـي
مامر يوم فـي حياتـي تهنيـت=
طعم الفرح سعره على القلب غالـي
وياما وياما فـي حياتـي تمنيـت=
يرجع لي اللي في حياتـي مظالـي
قلبي يعزيني وانـا اليـوم عزيـت=
فكر عجز يلقى جـواب السؤالـي

[/poet]

اخوكم/
ابو عبدالله
وفاء الحب