اليكم هذه القصيدة المختارة متمنياً أن تحوز على رضاكم ....
لا تلوم القلب يا صاحبي .... لا مشى ذيك الدروب
ولا تلوم الحال ..... ان عيّت تطاوعني الحلول
مو بكيفي .. خطوتي من صوتها ونسمات الهبوب
لا قالت ( احمد ) .. قلت لبّيه يا لوجه الفضول
البّي طلبها ....... واسابق الخطوة شمال وجنوب
اداري زعلها .... وانادي فرحها وقت الزعول
محتاجة لمثلي ...... يجيب الصعب لعين محبوب
وأنا محتاجٍ لها ........ وقت حزني عند الذبول
فيها حنان ها الدنيا ......... وفيها جمال الغروب
فيها السوالف تقول ( احبك ) ..... لو ما تقول
تذبح عيون الناس بالقوّة ......... وتأسر قلوب
وأن جت تبي تمشي .......... خذت كل العقول
يكفيني ...... ان ضاقت بي الدنيا من كل صوب
رحت اسكن داخل عيونها ........ أنا والكحول
ويكفيني .... الدمع لا طاح وغدا وجهي شحوب
تقتل همومي بقلبي الين ما يصبح الهم مقتول
هذيك لو قلبي معذب .......... قلت: لا ما أتوب
من حبها ........ لو سرت بين عاقل ومهبول
هذيك لو تطلب عيوني ....... وتعطيني الذنوب
قلت : الله يصونك ....... ويلعن عين العذول
فدتك العين وراعيها .. وروحه .. وقطعة الثوب
تعالي ...... عسى قلبي يشيلك عرضٍ وطول
سهل أنك تعيش الوقت .... تائه ... ومغصوب
وصعب أنك تغامر ... وتعشق انسان مجهول
سمّها رحلة محبة ...... أو سمّها رحلة هروب
والاّ سمّها رحلة فقيرٍ ......... يطلب الحول
لا تلوم القلب يا صاحبي .. وترمي عليّ العيوب
القلب يعشق .... وما جاء عليه سار محمول
ولــــــــــــكــــــــــم تــــحــــيـــاتــــــي ......
أخوكم : صــمــ الجــروح ـــــــت .......
العرض الشجري
