تجارب مجربة ومضمونة .. كده

[ريــ العود ـانة]

هلاااااااااا والله باهل المنتدى الحلوين

شلونكم ؟؟ عساكم طيبين .. كل عام وانتم بخير بمناسبة عيد الاضحى المبارك

<<<<< تأخري يومين كمان ..

المهم..
انا عندي لكم تجارب مضمووووووونه وتجنن ..

وتفضلوا..

التجربة الاولى ..
يقولك اذا صرت ذاك اليوم متهاوش انت وولد الجيران وقالك بعد ما فكوكم الناس
والله لاكسر قزازة سيارتك اوريك هين
وقلتله اذا في امك خير اكسرها انا في الملحق والملحق جنب الشارع وخلني اسمع صوت قزاز والله لاكسر راسك....
المهم ... انت في الملحق تدور شر ودك تسمع صوت قزاز متكسر ....
المهم جاء الفجر ولا سمعت صوت وقلت اكيد انه نسى الموضوع يوم طلعت تصلي
لقيت القزازه مكسوره ...عمى .... (متشعره)
وقلت في نفسك وشلون شلخ القزازه بدون صوت ابن الذين انت عارف ان هو بس ما مسكته متلبس
.........................................
وشلون تثبت التهمه ....
اسمع معي
انا بخق واعلم وشلون سواها ولد جيرانكم هو رايح للبنشر الي حولكم وقعد يجمع بواجي ( بواجي سيارات / بلوف ) منطله في البنشر ..
بعدين كسرها
وفصل الحديد حق البوجي عن الابيض الي فوق ..
ودق الجزء الابيض من البوجي بمطرقه لين صار مثل الرمل حبيبات صغيرة ..
بعدين جاء قبل الصلاه بربع ساعه ونثره على قزاز سيارتك (((وتشعرت)) كل القزازه صارت كنها منقلبه ست قلبات على الزفت ...
هذا هو السر يقولك ان الماده هذي تاثر على الزجاج من مجرد الملامسه ...
وهي خطه خبيثه لحد يسويها انا قلتها عشان اعلمكم بس واذا في احد منكم لقافه وودة يجرب ترى تنفع على اي قزازه مهوب لازم قزازه سياره الله يجزاك خير هاه ....

=============================

التجربة الثانية

تجربه تخاف منها الجن(( واقعية))

[COLOR=firebrick][ALIGN=CENTER][SIZE=2]يقولك اذا صرت بالبر وانت تعبان وودك توقف تريح وش تسوي
توقف ياطويل العمر وتسدح الفراش اوالدوشق وتعطيها نومه...
بس يوم جت الساعه وحده الليل ..

سمعت صوت

عمى وش ذا

صار واقف جنبك ...نقول مثلا ..حمار يتتن
ولا نقول ....................عنز تقرا جريده
وولا نقول.............. ولا نقول ضب يفرش سنونه


بعد اي منظر من هالمناظر


تدوخ ويغمى عليك
لكن قدر الله وما اغمي عليك وش تسوي
اول شي هذولي اكيد انهم جن موذي
في هالحاله اول ما تسوي تذكر الله .....
وتقوي قلبك
ثم تبدا في (((الاذان))) .. نعم الاذان الللللللللللللله اكبر الللللللللللله اكبر
وبصوت مرتفع ...ليه
اول شي
* ذكر الله يطرد الجن
*الاذان فيه جمل تحتوي على كلمات يكرهها الشيطان وتطردة
*الصوت العالي بالاذان يعطيك القوه من الناحيه النفسيه ... وتزول الرهبه وبسرعه
لان كلما علا صوتك انت الاقوى الجني الموذي كنه بزر انا نفخت عليه اندقم واذا عطيته وجه وسكت له غربلك ...
وهذي مجربه من بعض الزملاء في حالات مشابهه
لكن المشكله ان طلعلك مارد وقعت تنافت وتنافخ عليه عليه
ولسك بذاك الكف ولا دخل فيك ووقف في جرانك من زود اللعانه ...

====================

التجربة الثالثة..

تجربه لحقين البر اذا ودهم يسوون ذهان ( الكتابة بدون قلم )؟

يقولك هذولي شلة كانو طالعين للبر ورايحين من شقراء الين روضه جراب حول مدينة الزلفي مشوار 250 كيلو
المهم جلسو وهيصو ..
كانو ناوين يجلسون يوم واحد الي هو يوم الاربعاء بس
لكن جازلهم الجو وودهم يجلسون خميس وجمعه ...
بس المشكله ما تزهبو ليومين زيادة لازم تجيبون زيادهة مونة اغراض من اقرب ديره الي هي الزلفي ...
عادي جدا ...
ارسلو واحد من الشباب يجيب الاغراض من مدينة الزلفي
وقال لهم يالله وش اجيب ...
الي قال رز والي قال دجاج وملح بصل والي قال بيض
شاهي ,غاز, خبز ,جبن, صلصه, مفتاح صلصه (( على فكره ترى فيه صلصه في كريتين صغير بس لازم صلصه علب مزاجهم كذا حقين البر ))
المهم خوينا ضيع الطبخه ونسى المقاضي
قال ياشباب تراني ابضيع من كثر الطلبات ..
قال واحد ياثور اكتبها طيب
يوم دورو قلم مع الشباب
مافيه أحد منهم معة قلم...... محمد معك قلم .....لا
سليمان معك قلم .......... خلصت المدرسه ياخوي
ناصر معك....... اذكر اني قد شفته بس ناسي شكل القلم الا هو وش يسوابه

افا وش السواه ..... ...... لا مشكلة

ناصر قم جب صابونه اليد الي في السياره
وهات كرتون المناديل
قطع كرتون المناديل
وبدا يكتب بالصابونه على الورق بدل القلم
وكتب كل شي ...
قال واحد من الشباب لوي داري ان كان ما اشتري قلامه اروح للمدرسه بصابون...
يوم خلص قام واحد منهم وقال بالله ورني الورقه ..
يوم خذ الورقه يدور شي يقراه ما لقى ...
قال هيييه وين الي كتبته تخف بنا انت وكشرتك ...
قال خوينا لا تستعجل انا اوريك الحين كل شي .... قال يالله

قاله طيب هات مويه عشان اشرب قال .... اشتغل عند ابوك انا قم انت
قال اسمع ما ودك تشوف باقي التجربه رح جب مويه ..
رح جب مويه ...قال طيب خل نشوف اخرها ...
يوم جت المويه لخوينا شرب نص الكاس ...



وباقي الكاس كبه على الورقه وثواني والله يوم طلعت الكتابه وبدت تبين لما جتها المويه
رز
دجاج
جبن
خبز
بيض
الى اخره

ونجحت خطه الصابون


واخيرا شباب انا اسف على الاطاله واسمحولي على القصور والبيوت والفلل والشقق واتمنى انكم استفدتوا
وتحياتي لكم

سوووري الوان الموضوع في الصوب والتنسيق في وادي .. مو مشكله أبي انام ..

المهم بردت حرتي في النت ونشرته ..

على فكرة ترى الموضوع منقوووووووووووووووووول..

ريــ العود ــانة*t

[دبه تسوي رجيم]

هههههههههههههههههههههههههههههههههه

الله يعطيك العافيه اختي ريانه على هذا الموضوع الحلو

[ريــ العود ـانة]

هلا اختي/ دبة تسوي رجيم

اشكرك على مرورك .. وعلى فكرة ترى نكك يجنن ويهبل وعاجبني..


ريــ العود ــانة

[ميــ قمر14ــشو]

ههههههههههههههههاااااااااااي


والله تجارب رووووووووووووعة
بس اقول حقيقية ولا تأليف
يعني لو اكتب بالصابون ينفع ؟؟؟؟ :D


ثااااانكس ريانة العود عالموضوع الحلو ,,,

[زود الـغلا]

ريــ العود ـانة

التجربه الاولى / طيب يقولون ان الكرولكس اذا صبيته على بويه((بدي)) ((بالعربي السياره من برى )) خخخخخخخخ يقولون يطير اللون ويتقشر البويه هع هع هع

<<<<<<<<< نذل

التجربه الثاني

مسطلحات اعجبتني
الدوشق / هذا جلست جدتي تشرحه لي نصف ساعه طفشته اقول وش معناه وليش سموه كذا

اخر شي قالت اقول ترى بشق ثوبي ياوليدي غثيتني يامال البلا الي يبلاك <<< دعوه جدتي
خخخخخخخخخخخخخخخخخخخخ

ااتجربه الثالثه

طيب اذا معهم ليمون ينفع لان الكتابه بالليمون تسمي الكتابه السحريه كانت تستخدم في رسايل الحروووووب <<<<<< يعني عطيتنا معلومه جديده انت وجهك

ريانه مشكوووووووووووره

تحياتي
زود الغلا

[الـــalwedــود]

مشكووووووووووووووره على الموضوع اختي ريانه ..............

ولك اطيب تحياتي....
*c