هذه محاوله شعريه بسيطه من اخوكم
الشقاوي
ارجو تقبلها
حبيت غيري لجل انا اموت مقهور
حبيت غيرك لجل ارد اعتباري
وحده بوحده يا اريش العين معذور
والبادي اظلم لا تهل العباري
توك شكيت الهجر والصد والجور
توك تعذب من لواهيب ناري
حبيت من خده يشعشع كما النور
مجفاه لو تجفا يميني يساري
الجادل اللي كنه الدر منثور
داوى جروح الحزن قبل انتحاري
والحمد لله اقولها اليوم مسرور
وابشرك جرحي من العام باري
ماهوب انا اللي يقبل الذل مغدور
حاولت تجرحني وانا اخذت ثاري
العرض الشجري
