انا في بيت يدتي لا ادقين تلفوني قاعد يشحن في الدار الثاني..
انا في الدوانيه تلفوني مافيه بطاريه و الشحن بالشاليه .. بروح اقعد عند اهلي ادق عليج بعدين
احبج... متى اشوفج مو الا اجيسج بس اشوفج لاني ولهان على عيونج بس... يماا يا العياااااره
ما اكلم غيرج.. والله الباجي بس فرند..
هذي هديه من اختي.... لوول الا مضيع من منو هالهديه
.. خط ثاني.. امي... يا حنووووون الله على بر الوالدين
خط ثاني.. مكالمه خارجيه.. و اهوو كل ربعه بالكويت..
والله العظيم محد من ربعي يدري اني اكلمج.... ماجنه كل ربعه و جيرانهم يدروووون
انا في اجتماع.. كلش يعني واحد مهم..
ترى صوغتج طاح عليهاا زيت الطراد اللي كان وياهاا بالجنطه.. ااه يا الجعص
ما اقدر اكلمج بالجامعه ادقلج لماا اطلع.. اي طل..
انا بالدوانيه فشله اكلمج جدام الرياييل.. اي بلي لو صيده يديه جان كلمتهاا جدام ابوك بعد مو بس بالداوانيه
منو قصدج ..ترى ما اعرف بنات وايد... اي مسكين بس تعرف نص بنات الكويت
الووو ترى يقطع ما اسمع.. شوي ولا الجهاز مغلق.. هذي طرده ذربه هههههه
ترى بتزوجج و امي تدري عنه... .. الله يا الصاروووووووووخ
لا تلفين و ادورين ترى احب الصراحه.. انا ستريت صيري مثلي.. .. اسم الله عليك يا الجذاب.. قال ستريت قال..
انا ما اجذب مره جذبت و انقرصت عقبهااا تبت ... يا بعد جبدي..
انا حبيت و انقرصت منهاااا... تقصد انا قرصت مو انقرصت..
ترى ماشلت التلفون عشان قاعد اللعب كوره مع الربع... عشتواا رونالدوو مع الويه
سوري حياتي..ترى ناسي تلفوني بالسياره.. اي ماجنه مثل المميه بدينكم ليل نهار..
لا ادقين علي بالليل ترى نايم عند امي.. لووووول فاقد حناان هذا..
ترى الحرف الموجود يم اسمي على الكي جين .. حرف اختي... شهالمحبه...
انا احب قعدت الشياب.. يعني شوفيني ترى شقردي و خوش ولد وعاجل
انا رايح ستار بكس عشان قهوتهم تييب الراس.. ياربي والله عذر قول عشان القز ليش مستحي
رفيجي صايرته سالفه كبيره اكلمه و بعدين ادق عليج... يتهرب من السالفه
انا حياتي صعبه تقدرين تعيشين معاي؟؟... يبيي ينحشهاا بعد ما مل منهااا..
لازم اسك التلفون لانه وراي قعده الصبح عندي شغل ... يعني معناته خلص دورهاا اللي بعدوووووو
انا سيارتي سبشل اوردر من الوكاله.. و للحين ماشفناا شي..
طالع مع ربعي ما اقدر اسولف وياج... .. خوش حبيبه..
انا حاط عيني عليج من زمان.. يماا يا الشلخ
انا وايد ارتحتلج..كل اسراري عندج... No Comment
لا تزعلون.... هم البنات بعد جذبهم يشيب الراس.. بس طبعا هالحجي مايشمل الكل.. في شباب محترمين و النعم فيهم.. و في شباب الله يستر عليهم...
تقبلوووووووو تحياتي: الشـــــــــوق *r
العرض العادي
