يابيت يابيت الكرم والمواجيب
للحين شامخ بين طول العمارات
تدري وش اللي مبعد"ن" عنك العيب
واللي رفع قدرك بجنب الطويلات
راعيك بانـي طوفتك طيب من طيب
والساس من عز ومهابه ومروات
ديوانك مشرع لعكف الأشانيب
مدهلك ياقاطع ديارن بعيدات
اليا لفاهـ الضيف يبشر بترحيب
جته السمينه من يدينن كريمات
عند الجماعه افتخر والاجانيب
اني ربيت في بيت راع الصعيبات
حلال عسرات الامور النواشيب
ماكنها عنده نشيبه وعسرات
الله يهونها على العود ويطيب
ويغفر له الله ويرحمه بكل مافات
يابوي لافترت عظامك من الشيب
اخذ من عظامي اعظامـ"ن"بديلات
يوم انها حر وشموس ولواهيب
يصير ظلك فوق راسي مظلات
ويوم انها بردن يسل العراقيب
دفاني بشتك واحتضني من الذات
تعطي ولا ترجي وراها مكاسيب
الا من الله رب عرش السماوات
يمناك لامدت تمد مدها غيب
كنك تقول الطيب ياناس بسكات
علمتني ان الكرم والعذاريب
ماتجتمع لو يرجع الحي لا مات
وانا ولدك اللي قضبت المقاضيب
في طاعتك ملزوم في كل الاوقات
دامك بوسط البيت تامر وانا اجيب
ماعذربت بيتك طوال العمارات
صوتك وصوت امي كبار المكاسيب
لا يابعد صوتي وبعد كل الاصوات
من متذوقـتي للشاعر: ثامرشبيب
يابوي لآفترت عظامك من الشيب اخذ من عظامي عظامـ"ن"بديلات
العرض الشجري
