هذي القصيده وليدة اليوم واعذرونا لو صار فيها خلل بس حبيت تكونو اول من يطلع عليها
الصبح فرحه والحزن يسكن الليل=تنهش ضواري الهم وسط الظليمه
والقلب مايقوى على الحط والشيل=يكفيه وجعا من زمانه مقيــــــــــــــــــمه
والصمت نعمه عن عقول المهابيل=والصد عن بعض الاوادم غنيمه
والشعر مايرضى عن الجزل تبديل=مثل الجسد ينهيه موتت صميمه
وانا الادب لاكثرت القال والقيل=ماقبل عليه الهينه والظليمه
اشكل ابياتي على كل تشكيل=بيني وبين الشعر عشره حميمه
ذللتبه صعب المواقيف تذليل=وسريتبه جوف الليالي العتيمه
ورقيت به فوق السحب والمخاييل=ولمع لغيري كانه براق غيمه
اوفيه مقداره وازيد المكاييل=اكرم سباله لان هجوسه كريمه
احل به عقده تكود الحلاحيل=عنده على العسره صدوق العزيمه
اسج واسلى به واخلي البهاذيل=ويهل فيني مثل ودان ديمه
اغرتني الشهره بضمه وتقبيل=واقفيت عنها مثل راعي الجريمه
من يوم تقييم الشعر بالمواويل=صديت من باب الوفاوالحشيمه
ابقا كبيرن في عيون الرجاجيل=ويبقى لخيل الفكر قدرن وقيمه
مدام فالعليا لذكري مداهيل=يكفني اعجاب العقول الحكيمه
جرتني الفكره بليا تعاليل=وجريت من طاروق شعري قديمه
ماهي سوالف اه ياعين ياليل=الا البيوت الوافيات السليمـــــــــــــــــــه
اني خليد يازمان الغرابيل=يوم الكفو ماله معا الناس شيمه
العرض الشجري
