بسم الله الرحمن الرحيم
السلام عليكم ورحمه الله وبركاته
لولا الحزن والدموع لما عرفنا طعم الإبتسامه والفرح
يقول الشاعر :
الدمع ماهو عيب رح علم اللي يقول عمره مابكى في حياته
الدمع مايقطع صلاة المصلي والضحك مثل ابليس يقطع صلاته
الصياح وماأدراك مالصياح
مافيه بنت ماتصيح صح
بس بنت عن بنت تفرق
يعني فيه بنت تصيح على أدناة الدون~~>يعني على أتفه الأسباب
لو تقولين لها وش فيك ؟! صاحت
وفيه بنت ماشاء الله عليها قوويه لو وشو ماتصيح
بالنسبه لي أؤمن ايمان تام بأهمية الصياح في حياة أي انسان
لأنه علاج نفسي حلو وغير كذا له فوائد للعين
يغسلها ويجعلها نظره مشرقه ~~>لا يكثر بس
تصدقون من أول كنت استحي أصيح قدام أحد
ومستحيل دمعتي تبان لأي انسان
وتشوفوني بس أبلع العبره وأحسها توقف في نص حلقي ~~>مشكلة صراحه
وأكتم على نفسي وعلى أعصابي الين أروح لغرفتي
وأصيح وأصيح وأصيح لمن أطلع اللي بقلبي
وإذا كان صياحي بصوت أدخل راسي بالوساده
وأصيح بصوت وأصارخ الين يطيح اللي بخاطري
صراحه الصياح شئ جميل جداً ~~> سلامات
يكفي إنك بعد ماتخلصين تحسين روح الحياه عادت إليك من جديد
بس بالفترهـ الأخيرهـ وتحديدآ من شهر رجب اللي فات
وأنا مهوب تــوت الأولانيه
صايرهـ أصيح على اتفه التواافه
وماأقدر أتحكم بمشااعري فوضى فظيييييعه حاصله
وصار ماعندي مشكلة أصيح عند خلق الله يعني ما أستحي مثل أول
وما أحسب حساب أحد بإختصار ما أعرف أكتم مشاعري
ماأدري بصراحة وش المشكلة ؟!
هل قلبي صار رهيف مايتحمل وتسذا
أو المشكلة في مجرى الدموع عندي يخلي الدمعة تزلق بسرعة
بس والله أول ما أصيح وأطلع اللي بخاطري
أرجع انسانه مرووقه آخر ترويقه وارتاح نفسيآ
تصدقون أنا متفائله إن هالحاله مؤقته
لأن مصير الطبع يرجع لمكانه الأصلي
وعلى فكره الشي الوحيد اللي ماأقدر أمسك دموعي عنده
هو رفعة الصوت وخاصه من الرجال
انجرح بشكل لايوصف
وعلى طول واحد اثنين ثلاثه وتنزل الدمووووووع
وغير كذا النفسيه اللي تجي البنت كل شهر
يالله ياهي تأثر بشكل مو طبييييييييييعي
وسببب مهم مره للصياح عندي
ماأحبها مرررررره
أصير انسانه غيييييييير
ياكرهي لحالتي هذي والله العظيم مدري وش اللي غيرني ~~>برى
تصدقون إذا جتني الغلقه
أتمنى أفضي الشوارع من الرجال
وأطلع أمشي بالهواء الطلق
بدون نقاب وعبايه
وأمشي أمشي أمشي وأنا كاشفه
وشعري يهفهف بالهواء الطلق
وأتنفس بعمق وأشوف الحياة وتشوفني
ختامآ
أحب أقولكم إن الصياح نعمه من الله
الله يجعلنا مانصيح إلا من خشيته
و ترى غالبية البنات حساسات
وحتى اللي يبين عليها إنها قوية ظاهريآ
لابد ماتجيها لحظات انكسار وحزن
وتصير مرهفة لأبعد درجة
ايه وشسمه قبل ماأنسى
عندي لكم اسئله أبيكم تجاوبون عليها
1) هل أنت من النوع اللي يصيح على طول
وإلا ماتصحين إلا على الشديد القوي ؟!
2) وش أكثر شي تحسينه يصيحك ويجيب لك الصياح ؟!
3) هل تصحين قدام العالم
ووشو المكان اللي إذا صحتي تحبين تروحين له ؟!
العرض الشجري
