تجربة قد لاترتقي لسماء هذا القسم
لكن أردتها هنا فكتبتها
آخِ ــــر كتاباتيْ
إكذبي والكذب معدنك الأصيلْ=دامْ ماللصِدق بجذورك أصلْ
بحب قلبك / في حنانٍ كان سيل=بالرسايل / وكل حرفٍ لي غزلْ
ببحر شوقٍ حط فيكي /ثم يشيلْ=قولي كلّه كان فعل مُفتعَلْ
عمر حبل الكذب ماشفته طويل=وكل مايبنى على باطل بِطَلْ
مـاصدقتي يعني إلا بالرحيلْ=إرحلي ماعاد لك فيني محَلْ
لاتحسبيني أبصرخ بالعويلْ=صاحبك حسّاس 00 لكنّه جبلْ
ماشكالك يوم من حمل ثقيلْ=ولاتمايل يومك بضلة تضل
لو بيبكي يوم من مر الرحيلْ؟=كان باكي قلبه اللي لك رحل
من ضلوعه وذاق من فرقاه ويلْ=وماترجّاكي فؤاده / مـاسألْ
ورحتي أنتي تاركه قلبه قتيلْ00!=مابكى حيٍ بيبكي مِنْقتِلْ ؟
هل تظنّي رائد ببعدك عليلْ=وهل قليبك يوم هو منعل عَلْ
الصحيح إن مالك بقلبي مثيلْ=بس هذا ماعنى إنك مَثَلْ
سلسبيلٍ منك يوم أصبح سبيلْ=وكل من مرّك رشف منّك عسَلْ
وش يفرّق تمر بالشارع نخيلْ=كل جايع مر من تحته أكلْ
عن تمر بأغلى ثمن منه القليل=فرق واضح وكلها تمر ونخَلْ
تحسبيني همّني كثر الحصيل=إعلمي همّي قليل ماحصَلْ
عاشقك بالعز ماني لك ذليلْ=عاشقك برضاك ولا بالزعلْ
بس ماني (عبد) عشقي ياخليلْ=ولاني من فسّر غرامي بالقُبَلْ
ومايعيب الجود موجودِ قليلْ=إيه جِدتْ وزِدتْ من موجود قَلْ
يوم مثلك في قليلة لي بخيلْ=يوم مثلك في فراقة لي بَطَلْ
لك بقلبي ياغناتي كل ميلْ=بس ممشي ميل في ذل الوصلْ
ودام تصغير الفعل يطلع فعيلْ=وإسم نجم سهيل ماهو من سَهَلْ
خلي فعلي رايد ولي به دليل=وإسمي أحبك مدامة مايدلْ
رائد النايف
7/4/9
العرض الشجري
