السكة المخبوره
--------------------------------------------------------------------------------
يا عين هلّي دمعتك مشكوره
منتي ابد في هالمسا معذوره
ياعين لا تبكين غير الغالي
غالي وحالي بغيبته مدمور ه
هبّ الشعر منّا ومنّا ومنّا
وصارت حروفي ساحره مسحوره
لي صاحب ٍ قرر يشد رحاله
قرر يخلّي نبرتي مكسوره
اسكّنه بين القوافي فكره
فكره بدونه معدمه محظوره
ياعين هاتي معْ دموعك ونّه
وسط الحشا متمركزه مقهوره
فكّي محابسها وخلي روحي
ترحل معه للسكه المخبوره
دار ٍ ورا الغيم البعيد احماها
يا جعلها في حظرته ممطوره
يا جعلها تسقي ضلوعه منها
لين اتغدي نفسه بها مسروره
هو صاحبي واغلى من اية صاحب
بين الحنايا امشيدات ٍ دوره
أهواه من بد الخلايق جدّا
واهوى حكاه وبسمته وحضوره
واهوى دموعه لا غدت تتمشى
من فوق خدّه كنّها مغدوره
أصير له ربعه وكل اصحابه
واصير من دون المتاعب سوره
اشيله بقلبي واخبّي راسه
من فوق صدري واحتضن ميسوره
واعلمه بنّ الأمل ما يخذل
من يؤمن برب ٍ كفانا جوره
وان الحياة ايضاً طعمها حالي
لامن تركنا همومها مقبوره
وان الفرح لا بد يوم ويلفي
وان الشفا مقبل وقرّب دوره
يا عينه ادخل بالله ان ترتاحي
دمعك حرام انه يسبب ثوره
للشاعر
محمد بن حزام
العرض الشجري
