أنتفاضة سولافه ...

[جنون قلم]

أنتفاضة سولافه






يرتقي الوقت بسواليفة معنا ونرد نعتب علية بلا سوالف


ما كأن الوقت منا و لا كأنا مع الوقت




وتسجد ألاوراق من حولنا و تتساقط ذيك السوالف


كل سالفة منها تمتحنا لا تمتحن معنا مشاعرنا لا تقليد من

نوع خايف


يا زمان الصمت يا كثر ذيك السوالف



بحرها الجنون و شواطيها رجفة حسايف

أن حكينا غيب فينا و أن شكينا ماحد شايف





بعثريني يا أنتفاضة سولافه


دمعتين و رسالة



أشرحي لهم معنى و اسجني مشاعرهم بمعنى



اسكني الوجدان وانحري بيدينك ذيك الطرايف



ما يحن القلب و لا تنسكن مشاعر



دام أنتِ مثل طفل خايف




يا سوالف يا سوالف مدي النظر فيني


لا انتفاضه بعيني ولا أنا حجارة تنتظر لها كف خايف



يا سوالف


الشعور بلد والحكاية بنت والحب سوالف عمر



تدرين يا سوالف


كنت أظن الحب بلد وكنت أظن الحكاية عمر الولد


واثري يا سوالف


لا شعور ولا حب ولا حكاية



تدرين يا سوالف


أن الفجر البعيد عطر أماني العمر


و أن شموخ المعاني مجرد سالفة من سجايا



تدرين يا سوالف



وش معنى أنك تحب !!! وش معنى أنك تكرة !!



كلمتين



هذي في ألاول .... وذيك في الاخير




تدرين بعد ياسوالف



أن جنون الكبرياء ضحكتين في عمر الرحيل


وان بقايا سهاد رحلتين من عمر ضحكة



تدرين يا سوالف بعد


ولا ما تدرين أن أنتفاضة سولافة




دمعتين حانت وكفوف ومنديل




تستجير للوقت وتقول له الى متى وعلى وين





بدر المطيري


12

11

1429