سافرت !=ليه اتركتني؟
سافرت ليه اتركتني؟ ليه خلتني وحيد؟=ليه ماتاخذ حياتي والعمر كله هديــّــه؟
وش اسوي في حياتي دام انا خلي بعيد=دام ماخذني تراني مابقى من شي ليــّــه
ياجليد اشكي تراني مامعي قلب ٍ حديد=الضمير إليا شكيته قام يشكيني عليــّــه
ليتني من صلب والا مثلك اليومه جليد=مير اظنك والشعور إسم ٍ تخالف مع سميــّــه
القصيدة راس مالي ما معايه من رصيد=مرسلك مرسول تكفى لاتضيـّـع فالوصيــّــه
علـِـمه وشلون حالي كيف زوّدت النهيد=كيف لا مني ذكرته هلت الدمعه الشقيـّـه
قمت اهل الدمع ليت الدمعه لاهلت تفيد=كان اهل الدمع وابكي دون ما تمسح يديــًــه
رحلته طارت وراحت ياعسى عمره سعيد=راحت الرحله وطارت ياجليد إب - هالعِشيـّـه
كلمتني وإنشدتني ناوي تناساني اكيد=كيف ابا انساها وانا اللي صرت هالليل الضحيــّــه
كني اللي ذابحينه من وريده للوريد= كني اللي مات جاته عقب رحلته المنيــّــه
اه ياكيف الليالي لقبلت بيام عيد=يوم كل ٍ مهتني لا راح والا في مجيــّــه
كيف ابا اقضي وقتي إلا انشد واكتب قصيد=اكتب ابياتي واسمّي بالإسم هاك البنيــّــه
راحت وليت القوافي تــِــرْسـَــل وياصل بريد=كان ابا اكتب فالقوافي ارجعي يابنت هيــّــه
ماقويت اصبر ولاني صابر ٍ اكثر وازيد=ارجعي يابعد عمري مابقى من صبر فيــّــه
العرض الشجري
