أظبط نفسك لا يحوشك الونش

[المازنِي]

السلام عليكم ورحمة الله وبركاتة

مرحبا اعضاء منتدنا الغالي
في يوم الاربعاء هذا اللي فات
حصل موقف أحب أ ذكره لكم وأن شالله يعجبكم ويكون خفيف عليكم ...



المهم هذا اليوم كان عندي موعد مهم جدأ .. ولايروح بالكم بعيد . تراني انسان مسالم
قمت الصبح تعرفون لازم من زيارة منتدنا نتفقد الاحوال ..
موضوع هيك او هيك تعرفون الباقي يا ما فقعت قلوبكم بالحذف
وبعد طلعت من المنتدى سكرت الكمبيوتر
وقمت تحممت وظبطت أموري على سنقة عشره
ولبست الملابس السنعه ... ملابس العيد
وتعطرت باللي في الدولاب ..




والحرمه تحوس حوس حولي وأيش عندك اليوم غريبه ..
وأيش هوله هذا التزين والترزز ذا كله ..
تعرفون الحريم الحاسه السادسه اشتغلت عاد وبدت الاسئله اللي ما بتنتهي .
واؤم التصريف كله مافاد ...
المهم مالكم ومال الطويله ...
نزلت من البيت وركبت السياره ..
وطلعت على طريق المدينه وفكري مشغول وأيش اقول للرجال اللي انا رايح له ..



وشوي والاالجوال يدق واناظره الاهو خويي بالشغل .. واعطيه طناش
قلت يمكن يقول جيب فطور معك... عزوبي ياحليله واوقات أقول ياحظه
وهي مره اللي جبت الفطور فيها من مطعم الباهر واققلقني بعدها
وشوي يدق مره ثانيه .. وهم بعد طنشت ..
والثالثه عاد استحيت ورديت ..
وهو بس فتحت الجوال الا وصوته يسمعه اللي معي بالشارع
ابوفارس تكفي الحقني ..
وتكفي مثل مايقول سط سط سلطان القصيم تكفي تهز البعارين ..
ياخوك المرور مسكني ويبي يودني التوقيف ..
أخوكم سلمت تعرفون صاحب نخوه وفزعه وهي دقايق وانا عنده
ونوقع في هذا العسكري البليه الي مايندف ولاينبلع ياطويل العمر ياقصير العمر
ولا فاد فيه ...



المهم وقت الله الله لازم من الوسائط استعنى بصديق
وماقصر الرجال انهى الموضوع
واطلق سراحه واعطاه الحريه ...
وندور سيارة الرجال ونسئل العسكري قال سحبها الونش وروحو للحجز
ونروح نبي نطلع السياره قالوا لازم تدفع الرسوم حقت السطحه{الونش}
المهم راح علينا الموعد وخربت الشخصيه وراح يومنا مع المرور
وعدنا هونا من الروحه للرجال وتعذرت منه ورحنا داومنا..
المهم في العمل كان حديثنا حول ماحدث لخوينا اليوم
وقصص من هنا ومن هناك من الزملاء ..
والتي تحمل الادانه للنظام المروري القائم عندنا



وخرجنا بالأستفسارات والتوصيات التي أتمنى ان تشاركونا فيها ..!!


عمليه سحب سيارة المخالف وما هو السبب لسحبهاطالما المخالف ممسوك والسياره في مكان امن وماهي الجدوى من ذلك؟؟
اذا حدث للسيارة تلفيات بسبب السحب بالونش أو السطحه من المسؤل؟ ؟ ؟
الي من تعود هذه الشركات والتي تسحب دم المواطن عن طريق سحب السيارات ؟؟
متى نتعلم من دول الجوار ومن نظامها المروري الذي لا يحدث فيه أهانه للمواطن ومحاولة استغلاله؟؟




وهنااترك المجال لكم للتعرف اكثر

حول قضيه سحب سيارات المخالفين من قبل جهات غيرحكوميه

وهل السياره هي المخالف ام صاحبها ولماذا لا يتم التعامل مع الشاب أو السائق لوحده

مع صاحب العائله بسحب الرخصه أو بتبليغه بمراجعة المرور ..

ودمتم في خير