سلامي على هل المله = وكل الهلا "بوشوش" بشوشه
تحيةٍ الود لهله كله = اشواق والله ماهي مغشوشه
شاق دامي شعره وشله = وجيتكم اليوم بمنقوشه
على صفحة الود منهمله = همايل من نفس منعوشه
ماني محشش جوي بس فله = والله يستر زلة الطوشه
"كيبوردي" ورجعت له خله = هو القلم وزراره جيوشه
وضعيتي يوم اشرب الدله = كني " فاهن " كثرت قروشه
حاكم وكل صعب يحتله = في حكمه ما خاف الي يحوشه
وكل بنعيم عاش في ظله = عادل وجوره لو لقا دوشه
اهدوا هدى الله راعي الزله = يوم ٍ ان ترك اجنان معروشه
خلي خلاني ونسى الخله = عسى دروبه بورد مفروشه
ببقى على ذكراه ما مله = وابقى اتحرى جيت طروشه
الله معه ودمعي ما اهله = بلقى اليداوي نفس مرعوشه
الله معه والنفس معتله = هذا جزا طبوعي المربوشه
الله معه وقلبه يدله = وليه روحي فيه مبلوشه
يوم شاف النفس مبتلشه = قال الوداع .. فلاحد يحوشه
ابراهيم بن محمد
15 / 5 / 008
العرض الشجري
