أحلا منتديات منتديات الود!

[هجير الشتاء]

السلام عليكم والرحمه ‘‘‘

أسعد الله أيامكم [ يا أحلا شباب وصبايا ] بعد أكثر من شهر من المحاولات اليائسه للدخول في منتديات الود
أسأل وللمعلوميه [ إنه موضوعي ماله داعي ] ولكن راح أسأل سؤال سطحي ولكن بدون خوف هالمره ؟

هل vip الموجودين لدينا بصيانة المنتدى [ أي كلام لهالدرجه ] معقوله !

أكثر من شهر وأنا أحاول مرات ومرات بالدخول ومافي أمل ؟ مادري لوكان نفس المشكله عند الكثير من الأعضاء .‘ ولكن الشي اللي واثق فيه أنه الجهاز اللي عندي من أفضل الأجهزه
والإتصال وسرعة الإتصال سليمه ؟

راح اسأل الأعضاء الحلوين أسئله..برضه حلوه..

هل نفس المشكله التي مالها داعي عندكم مثل ماهي عندي ؟
هل فيذا الشهر الي طاف شاركت بمنتديات ثانيه او هل فكرت تشارك بمنتديات آخرى؟
ما هو سر انسداحك بمنتديات الود [ تميز المنتدى أو مكانتك بالمنتدى أو معرفة الأعضاء]
[ مافي مشكله فيك تكتب سبب آخر ماهو موجود أعلاه ]

السؤال الأخير :

كلمه تود بمنتديات الود أن تذبها في وجه الإداره [ الغيداء]

ملاحظه : بما انه المدعي صاحبكم كالواجد من أبناء الود المخلصين فأتمنى أن تربؤا في اللي جواته عن مواطن الشكه والريبه ؟
منتديات عامه ـ ما عندي غير الود مشارك فيها ـ ممكن مشارك بمنتديات رياضيه مثل منتديات الزعيم ‘‘ وفكرت ليش ما فكرت انه اكون عضو من أحد الاعضاء في شبكة إتحاد الطلبه ـ الغير مغتربين ـ ولكن للأسف مافي منتديات من هيك نوع أو هكذا نوع ..

وكل شهر إنشاء الله والصيانه بأحلا بااور


الي حاب يدعي لي يقول [ اللهم اهدي ولاة الأمر ] وبس ..

[سلطان القصيم]

هجير الشتاء كتبت ووفيت

بصراحهـ وبكل امانهـ انا مشترك في منتديات اخرى ولي مشاركات فيها

بس مثل الود ماحصلت ...!!!!!!

حالتي مثل حالتكـ مر علي شهر تقريباً أو أكثر منتدى الود في حالهـ يرثى لها والى متى ؟؟؟؟

صار له يومين يفتح معي واتمنى مايرجع لتعليقهـ وانشالله يرجع مثل أول وأحسن ...

مع تمنياتي للإدارهـ بالتوفيق والمشرفين والاعضاء


سلطان القصيم

[%فزولها%]

ياهلا بهجير وسع صدرك خيوووو.والحمدلله على السلامه وفاقدينك انت مواضيع المميزه مثل حضورك>

من ناحيت المنتدى رح اجاوب عليك>..




هل نفس المشكله التي مالها داعي عندكم مثل ماهي عندي ؟
نعم نفسها ..ولاتشيل هم
هل فيذا الشهر الي طاف شاركت بمنتديات ثانيه او هل فكرت تشارك بمنتديات آخرى؟
نعم شاركت وماعطلت نفسي >>
ما هو سر انسداحك بمنتديات الود [ تميز المنتدى أو مكانتك بالمنتدى أو معرفة الأعضاء]
معرفة الاعضاء ومنتدى حبيته واهم شي ارتحت له كثير
[ مافي مشكله فيك تكتب سبب آخر ماهو موجود أعلاه ]

ابد كله على بعضه حلوه>>

كلمه تود بمنتديات الود أن تذبها في وجه الإداره [ الغيداء]

وفيه احلى من كلمه الى قلتها خيوو>>>ان شاء الله واتمنى من القلب ان يكون الود والى فيها باحسن حال ...وتمنياتي لهم بتوفيق يارب ..

والله يوفقك ويسهل امرك خيوووو

مودتي

[المحتار-]

اهلا هجير الشتاء


اهلا فيك بعد هالغيبة الطويلة .. كم افتقدناك يالمشاكس

الحقيقة انا لي مشاركات في منتديات اخرى لكن علي استحياء

تستتطيع القول بأنها مشاركات علي استحياء لمجاملة الغير بسبب دعوة صديق او ماشابه
*_^
( ركز لي علي وماشابه )

ومشلكة التعليق كلنا عانينا منها واتوقع انها شغلة خارجه عن السيطرة
واتوقع ان المنتدي يهاجم من شرذمة لااختراقه

بسبب العدوات او الاحقاد افرزتها بعض النقاشات في المنتدي

واريد ان اطرح وجهة نظر للادارة لمستها من خبرتي القصيرة بالانترنت

قسم الفن ... هذا اعتبره لعنة المنتديات وبسببه يوجد بعض الشباب المتحمسين
بالدين يقومون بمحاولة تعطيل المنتدي الذي يضم هذه الاقسام
زعما منهم انه امر بالمعروف ونهيا عن المنكر هذا سبب
وهو اصلا قسم عقيم جداا كالخنجر في خاصرة المنتدي

ولايوجد عن كلمة اذبها في وجه لادارة لانهم احرص مني ومنك علي استمرار المنتدي

يعطيك العافية يامشاكس

[خطير.]

هجير الشتاء

بصراحه طرح رائع وأسلوب في التعبير شى جنان


بالنسبه للود


أحببته واحس براحه لهذا المنتدى


واعتبره متميز في كل شى


كيف مدري فيه شى يخلينا نتعلق فيه



اتمنى من الاداره البحث عن اشياء مشوقه وجديده للأعضاء



وكل ناجح مستهدف


ومثل ما بقولة المحتار القسم الفني مال امه داعي اذا كان سبب


لا ستهداف منتدانا

[ROPY]

يـ(ع)ـطيكـــ الـ(ع)ـــافيهــ (ع) هالــطرح !!


*•~-.¸¸,.-~*وسلمت اناملكـ*•~-.¸¸,.-~*


معكـ حق واشكرلك حرصك ع هالشيء .. وان شاء الله تنحل هالسالفهـ !


دامـ ()تواجدكــ() وبأنتظار ()جديدكـ() !!

/
\


رووبـــــــــي

[بنتـ الشمال]

زمجرة حرفك في حضورك الشاهق
مثيره للفكير في الود
ومايملك قلبي من محبة له
لا يوازيها سوى محبتي له
فقد وجدت الود عند اهل الود
منتدى لا ينقصه الا حضورك وحضورمنهم امثالك ممن افتقدانهم

لك احترامي

[هيثم التميمي]

[align=right]هلا بيك هلا ......
هجير أنت هنا ... توقعت أنك مهاجر ...
الصراحة ولا يوجد لدي غير الصراحة الإدارة الفنية في الود فاشلة فاشلة
والفشل في الود فنياً فشل غير طبيعي حيث تعدى جميع مراحل الفشل وأصبح مضرب مثل داخل الشبكة العنكبوتية بالتعليق ...

اقتباس : وفكرت ليش ما فكرت انه اكون عضو من أحد الاعضاء في شبكة إتحاد الطلبه ـ الغير مغتربين ـ ولكن للأسف مافي منتديات من هيك نوع أو هكذا نوع

فكرة جميلة ولو فكرت في افتتاح موقع مماثل لحققت نجاح كبير خاصة وأنك تملك قدرات عظيمة ...

تحياتي لك [/CENTER]

[( ســــارب )]

[align=left]بعد التحيه ..

( تنشد عن الحال , حالي كيف ما شفته 00 وانا احسب انك يا ابو ’ مونيكا ’ تدري به )


وللاعضاء اللي ما يعرفون ابو مونيكا ؟؟ هو لقب اخونا هجير - في الاوساط الشلليه ؟

بغيت ابشرك واشوف المنتدى قبلك يا ابو مونيكا بس لقيتك كاتب موضوع ..

* نفس المشكله طبعا *

* يا كثرها مغير منسدح على المنتديات *

* وسر انسداحي ,, فيذا ,, عشان عنونك الحلوه *

* والكلمه اللي حاب اوجهها للإدراه ( حطوني بالصيانه وإلا بخترق الموقع تراني هكرز وفي رواية اخرى ,, لعبوني وإلا بخرب ,,) *


عن اذنكم .. بروح اصلي الجمعه ..[/CENTER]

[هجير الشتاء]

تقبل الله منا ومنكم ‘‘‘


سلطان القصيم :

اهلين فيك ‘ أتوقع مالك عضوية مميزه مثل مالك بالود شاكر لمرورك

فزولها :


يابنت الناس مافي احد من التماسيح قالك [ إنه ردودك يمين بالله فيها نكهه روماانسيه فضيعه]
عسى الله لا يحرمنا من هيك ردود ...بس اعجبني

اقتباس نعم شاركت وماعطلت نفسي >>

أهم شي ‘‘‘ شاكر لمرورك


المحتار:

اقتباس تستتطيع القول بأنها مشاركات علي استحياء لمجاملة الغير بسبب دعوة صديق او ماشابه

يا خوفي تكون قطة وجه فاشله وانا اخوك خصوصا إنه الشيبان منذ مبطي يقولون [ من طلع من داره قل مقداره ] هيا وين تلقاها شخص مثلي يحبك في الله بعنف يا محتار !
وفيك تركز لي على [ بعنف ] بس لحظه ..

اقتباس قسم الفن ... هذا اعتبره لعنة المنتديات وبسببه يوجد بعض الشباب المتحمسين بالدين يقومون بمحاولة تعطيل المنتدي الذي يضم هذه الاقسام زعما منهم انه امر بالمعروف ونهيا عن المنكر هذا سبب

أي شباب متحمسين يا رجل [ الله واكبر يا منتدى الود اللي فيه من الذنوب ما ظهر منها وما بطن ]
إلا قل [ عواطليه شاهدوا قاعده هشه واقعدوا لها ]

مرورك تشكر عليه يا الغالي ‘‘‘


خطير:

اهلا وسهلا يا خطير [ ما ادري ليش بديت احس انه لك يد خفيه وراء ما حصل بالمنتدى ! ]
انا ما اتوقع ولو لواحد من الألف قبل انه اتكلم عن قسم الفن انه الأشخاص فعلوا ما فعلوه
من ناحية درء مفاسد !

تشكر على مرورك وشاكر على إطرائك .



روبي :

وكم تمنت عيني أن ترى شئيا جديدا !!

تشكرين يا روبي



بنت الشمال :

يالله ..الله لنا إنشاء الله هيك بيوم من الأيام نحس بأهميتنا من الناحية اللوجستيه ما راح اقول يا بنت الشمال إلا [ الله يخليك للود ويخلي الود لك ] تشكرين على مرورك أوي ‘‘




هيثم التميمي:

اقتباس هجير أنت هنا ... توقعت أنك مهاجر ...

وين تبغاني اهاجر ! والمدى ظالم وكافر ..والعيون اللي لقتنا ...ما تبي مره تناظر !

والله ِ ما تعمل حاجه يا هيثم هدي اعصابك ! دائما الفشل طريق النجاح ‘

رغم اللي صار ورغم انه صار لي اكثر من شهرين حاب اغير النك نيم تبعي وما عندك احد
ولكن...... ولكنها [ قسمة ٌ غير ضيزى ]

كل لحظه يا هيثم وانت الحب ‘‘‘ شاكر لمرورك





سماوي :

اقتباس بعد التحيه .. ( تنشد عن الحال , حالي كيف ما شفته 00 وانا احسب انك يا ابو ’ مونيكا ’ تدري به ) وللاعضاء اللي ما يعرفون ابو مونيكا ؟؟ هو لقب اخونا هجير - في الاوساط الشلليه ؟ بغيت ابشرك واشوف المنتدى قبلك يا ابو مونيكا بس لقيتك كاتب موضوع .. * نفس المشكله طبعا * * يا كثرها مغير منسدح على المنتديات * * وسر انسداحي ,, فيذا ,, عشان عنونك الحلوه * * والكلمه اللي حاب اوجهها للإدراه ( حطوني بالصيانه وإلا بخترق الموقع تراني هكرز وفي رواية اخرى ,, لعبوني وإلا بخرب ,,) * عن اذنكم .. بروح اصلي الجمعه ..

اعجبتني جدا [ بروح اصلي جمعه ] بالمره طالعه طهر [ يالله جبت ما قبلها يا يوليوس التسع طعش ]

تعود لا طيح الكلفه لهالدرجه [ تسلم يا قلبي عيونك أحلا ‘‘ فيك تعدي علينا مب شينه ]









لكم جمعيكم ..‘‘ تحية عطرة




كامل تقديري وإحترامي للإداره المبجله [ عتب محب ليس إلا ..]