سم الله الرحمن الرحيم
من آخر ماكتبت ،، اتمنى أن ترتقي لذائقتكم .
على نفس الخطى يمشي زماني= على نفس الخطى .. في وجه ثاني
يعيد الوقت.. والتاريخ نفسه = مع اللي.. في محابيله رماني
شبكني.. في غرامه غصب عني = وشبكته.. غصب في عذب المعاني
وجاني مندفع بالحب كله = وجيته مندفع شوق واماني
فتحت القلب له ماهو بشوري = وفتح قلبه بشوري .. ماعصاني
وهنااني على كسبي غرامه = وهنيته بـ بيته بالمحاني
ملكني وامتلكته بالمحبه = وشريته بالغلا .. يوم اشتراني
وعشنا الحب في حلوه ومره = وسبحنا .. في بحر ماله مواني
وخذينا عهد نبقى مانتغير = حبايب مايفرقنا الزماني
وعطيته عهد مااخونه بغيره = سوى طيفه .. اليامنه لفاني
وعطاني عهد في وصله وقربه = ولاخان العهد يومه عطاني
كسبني بالمشاعر واكتسبته = خذيته شوق وبشوقي خذاني
وكتبت احلا القصايد في غرامه = وغناها طرب بأحلا الاغاني
قريته عشق.. قبل اكتب شعوره = وسجل لي شعوري.. ثم قراني
وبنيت احلا المثايل.. من حديثه= نوادر.. في معانيها معاني
نويته حب .. يبقى ماحييته = ومثلي.. في بقى حبي نواني
وهبته.. مااملكته في رضايه = وهو.. مايملكه يرخص لشاني
ومر الوقت .. واحلا وقت.. عشته = معه .. لو هو على الفرقا حداني
تحداني.. على قطع المواصل= تحداني.. وبالفرقا كواني
وانا اللي.. ماتمنيت المفارق = ولكنه جبرني.. وابتلاااني
يعاندني.. وانا ماأبغى المعاند= ولا فكرت.. بعناده ثواني
تحداني .. وانا مبدآي واضح = اموت اريح ولااعيش بهواني
تحداني .. وليته ماتحدى = ياليته.. حط نفسه في مكاني
ياليته.. ماجبرني للموادع = ياليته للمجافى مادعاني
ياليته ماتحدى.. في فراقه = ياليته.. لو تحدى بشي ثاني
ياليته .. وش ياليته ؟؟ ماأنتهينا = خلصنا .. وانتهى وقت الأماني؟؟
خلصنا .. والغلا يفرض علينا = نتوادع في محبه وامتناني
فمان الله.. وآخر شي عندي = عساها .. له توافيق وتهاني
وانا.. يالله عساها لي خيره= وعساني ماتعثر.. في زماني
لو انك.. يازماني جيت راجع=على نفس الخطى.. في وجه ثاني
لكل من مررر من هنااااا
للحفظ اضغط الزر الايمن ثم أختر حفظ بإسم
اضغط هنا للحفظ
العرض الشجري
