السلام عليكم ورحمة الله وبركاته
كيف الحال يالطيبين ...؟؟؟
ان شاء الله انكم بخير
وعيدكم مبـــارك مقدما
أبي أقولكم سالفة أصدمتني بصراحهـ ...
قبل أمس توفى ولد جيراننا هي وأبوه بحادث .... الله يرحمهم ..... كانوا رايحين لمزرعتهم وهي خارج حائــل .... وأبوه كان معه رواتب عمال المزرعه يبي يسلمهم ..... وحاطهن بجيبه ...
المهم قدر الله وصار عليهم هالحادث قبل مايوصلون للمزرعه ..... وتوفوا رحمة الله عليهم على طول .....
الزبــده .... ولا ودي أطول عليكم ....
تتوقعون الفلوس موجودهـ ولا طارت ...؟؟؟
الا طاااارت وتبخرت ....
اللي أتصل على الأسعاف وبلغ عن الحادث .... وبطريقة سرق الفلوس .....
عاد يقولون انهم هنود اللي أسرقوها ...
الله أعلم من الفاعل .....
عاد هنوود ولا سعوديين .... هذي عمله يسوونها ؟؟؟
الواحد قدامه ناس ميتين .... والحادث كان شنيع .... رحمه الله عليهم ..... المفروض يتأثر من هالموقف ..... مو يسررررق فلوس ...!!!!
لا وبعد برمضان ....!!!!
يعني بالله اللي صار مايقهر .....
لهالدرجة الأنسان باع ضميرهـ ودينه علشان دنياهـ ....
صحيح هالفلوس يمكن تفيده بحياته ..... بس الظاهر نسى وتناسى العقاب بالأخرهـ ....
ونعنبو حيه ما تأثر من هالموقف ....... الواحد لو شاف قطوه بالشارع ميته تأثر ... شلون آدمي ....!!!!!
لاحول ولاقوة الا بالله ....
أبي أسالكم ....
تتوقعون ........ هالموقف تكرر كثير ......؟؟؟
العرض الشجري
