القلب يعشق كل جميل 0000 من يبي يغاازل 00؟ تعالو شوفوا الغزل على اصوله000
كنت في احد اسواق الرياض الكبيره 000 المتميزه بمحلاتها التي تحتوي على الماركات العالميه 00 سواء من الملابس اوحتى المقتنيات الخاصه من اكسسوارات وذهب واشباهها
0000 وفي احد الممرات ( الزقاق ) على لهجة اهل الغربيه 00 سرقتني نظراتي مني 00 وصارت تتجول بي من فترينه الى الثانيه خلف هذيك الفساتين اللي تهبل العقل000 ولسان حالي يقول لي يا بنت 000 رددي ياااا قلب لاتحزن 000
وطلعت من الزقاق اللي كنت فيه الى ( سيب ) ثاني 00 عاد انتوا دوروا من اللي يقول سيب في مملكتنا الغاااااليه ؟؟؟
المهم 000 وانا ماشيه شفت هذيك البهرجه من الانوار اللي طالعه من محل فخم بفخامة 000 سلطان بروناي 000 محل ساعات ولله العزة من قبل ومن بعد 000
(( ياشينك ياخاطري 00 وين الموضوع الغزلي)) 00 طيب طيب شوي شوي 00 هذا انا جايتكم بالكلام 00
قلت يابنت ادخلي ولاعليك وسوي انك بنت نعمه 000 دخلت المحل ومعاي كيس فيه 00 فشااار يمكن قضيت على نص الكيس 000 (( من حقي بنت نعمه ))
وفجأأأأأأأه00000
شفت هذيك البنت اللي بصرااااحه باين عليها من إيااااهم000 اش لبس واش ريحه وشي الله يعوشنا بس 00 اقولها في نفسي
طبعا البنت واقفه قدام الفترينه اللي سقفها كله قزاااز ماكنه موجود من نظافته ماشااااء الله 000 وقامت تتكلم بكلمات بصرااااحه انا ماقدرت اصدق اللي قاعده اسمعه منها 00
وكانت تقول 000(( مساء الخير 00هاه كيفك 00 وحشتك؟ 00 والله ؟ ياقلبي 00 المهم انا هنا الليله عشانك ونفسي مااطلع الا وكلك بيدي وتحت عيني واكلمك بنبضات قلبي عشان ما ازعجك 00 مكانك مو هنا 00 لا لا مو على الارض ولا حتى في المجره 00 مكانك في قلب من حبك 0000000 00)) واخذت البنت تسترسل في كلامها 00 وانا قاعده اناظر في البائع اللي مافيه الا هو في المحل 00 شاب عادي جدا بل اقل من عادي 00وينتمي الى دولة عربيه مجاوره 00 يمتاز اهلها بكبر خدودهم وفهلوتهم الزايده 00
المهم 00 تجرأت واتخذت قرار في نفسي إني اكلمها واقول لها عيب يا اخت اللي تسوينه00 استحي مالقيتي عاد الا هالمـ 000
وقربت منها وقلت لها السلام عليكم وردت علي وتوني ابلع في ريقي وتوني بنطق اول حرف 0000
ناظرت فيني وقالت 000 بالله عليك شفتي اجمل من هالسااااعه 00 يا اخت ؟ 00 قلت لهاااا 00 انتي كل الكلام والخواطر اللي قلتيها في الساعه والا في المصـــ000
قالت اي مصـــرـــ000؟
قلت عامل المحل 000
قالت والله كل اللي سمعتيه من كلا م كان في الساعه وبصراحه ما دريت عن نفسي الا بعد ما مر المصري من قدامي حسيت انه يعتقد اني اكلمه هالشين 00 ولو عندي قيمتها كان شريتها 000 قلت وكم قيمتها 000 ؟ قالت 00
ثلطعش الف ريال000 قلت لها يا اختي00 قالت هلا00 قلت 00 نفسك في فشار مملح 000؟؟؟ ضحكنا وطلعنا من المحل وكل وحده مشت (بداعوس) غير وتفرقنا والساعه مكانها وكل اللي استفدته اني سمعت احلى كلام في الغزل 0000
اختكم الخاطـــــر
العرض الشجري
