استقبلوها لتواصل
يافكري بنظم لك جديدي وغنه
...................مادام ذيبي ياقصيدي عوالك
دن المسج وانحاز فكري لدنه
.......................وانا اتمشى حول حي الزمالك
فديت منهو صانعه جاد فنه
.............................اكبر دليل انه مع الناس سالك
دن المسج واجاوب الدن ونه
................................ابا اتمالك ماقويت اتمالك
اضبط الفنجال وازود بنه
...........................سرى علي اليل لا لي ولالك
حسيت بأن النار في وسط جنه
..........................شلون مدري لا تكرر سؤالك
في ماضي الايام وعلومهنه
..............................وانا اتمنى بس ساعة وصالك
انشد عيونك يوم قلبي رمنه
.............................ياما علشانك وطيت المهالك
أحكم بحكمك والعب الصن صنه
.............................واقول روح والتياسير فالك
مبطي على دربك اهد الاعننه
............................خيلي تعارك عند شطك وجالك
اخلفت سلم الوقت فرضن وسنه
...............................مدري جهاله ولا غرك جمالك
جاك الطغى واعوذ بالله منه
..............................فجئه ولا ادري وش دهاك وجرالك
ذلحين زولي مبطي الشوف منه؟
.................................وينك؟ وانا رجواي فية ضلالك
اشره على وقتي ويومي لانه
................................عقب الفقر والقل مرهي ريالك
اتقول هرجك واضحن فيه كنه
..................................ابا البداوه روح طرد جمالك
ابكي الدراهم يوم جاتك ياهنه
...............................ياويه ياوقتن قديمن مضالك
بنت ابدوي دار البداوه مغنه
..............................ايطرد الذيدان مضمي وهالك
بلغ قليبك اخلف الوقت ضنه
................................تنذر يميني ماتجّود شمالك
اشوم عن حب ٍ بدى فيه منه
.................................لعاد ابي مرك وعايف زلالك
من صد عني وقت صديت عنه
..................................ياحاسب الحسبه خطا ماطرالك
خلك على دربك كذا مستعنه
................................ياما بدالي وانت ياما بدالك
سلامة قلوبكم (حقــان العجمي)
العرض الشجري
