السلام عليكم ورحمة الله وبركاته ..
اتمنى ان تصل الى ذائقتكم ..
ليته يذكّرني بأخطائي عليه وسيّتي
الصاحب اللي ماقدرت ادمح خطاه وسيّته !
يومه بغاني عون .. عاونته بتلقائيّتي
ويومي بغيته عون .. كافأني بعدوانيّته !
مابيه يجبر لي مصابي يوم يبكي ميّتي
ابيه يعرف يوم يبكي ميّتي انّي ميّته !
والكلمه اللي اثرّت فيني وفي نفسيّتي
هي نفسها اللي اكشفت كذبه علي ونيّته !
مابي يعاملني باحساني وطيبة نيّتي
ابيه يحشمني ولايفرض علي شخصيّته !
أهْوَن علي آموت بس لاتُجرح انسانيّتي
انسان .. والزم ماعلى الانسان انسانيّته !
وياعدّوي طعنتي من صاحبي وش حيّتي
ايه انبسط ياعم ذا ساري وذي ماريّته !
يوم القهر ياللي تعرفون القهر ماريّتي
خلوني ابكي عشرته .. ان كان هذي حيّته !
في عز ماني كنت محتاجه تثاقل جيّتي
وفـ عـز مايحتاجني .. كنت آتحرى جيّته !
والله ماكان العشم يابعد حيّي وميّتي
طعنتني .. لين المشاعر من طعونك ميّته !
صح الله لسانك .. وماقصرت في مرثيّتي
وصح الله لساني .. على شي ٍ نويت ابيّته !
العرض العادي
