وقفتي طالت سنين والحلم عيّا ماعبر= عيّا يتحقق حلمي البائس على جال السراب
رحلتي كانت أنين وفرحتي لمحة بصر= منتهي كلي عذاب .. زهرتي ذبلت شباب
لجل أبتدي جيت ابتدي باحتياطي والحذر = بالرغم عن رغم القدر انهاني جرحي والصواب
كيف الهوا ياوقت فيك عاده يهز غصن الشجر = وكيف المطر باقي يزور الأرض وتسيل الشعاب
مااستحيا ليلك الدايم شمس ولاغابه قمر = وشلون وشلون البراءه تحامل فيك العذاب
حبيبتي غبتي وانا كلمتي تكفي صبر = تكفي انا ما اطيق بعدك ولا اقوى غياب
من حبكم جرحي قديم والدمع في عيني ظهر = جرحي سؤال مالقيت بواقعك له من جواب
واقعك كله خيال وواقعي نوح وسهر = فيك مافاد العطا والوفاا ودا ماجاب
مانلتقي ضدين حنا عناد قاوا قدر = القدر يقول حب .. وطبعك قال له كذاب
ياللاسف ماتفهمين الحب ولاعندك نظر = تمشين مالك اتجاه بين خوف وارتياب
وجهتك ماهي بصوبي وانا ناوي سفر = برحل عن دروب الشقى والسبب ماله اسباب
واحد حارب كثير ماانتصر ولا عمره خسر = وش يصير لو واصل حروبه او عنها اذا تاب
وأدري قلبي مايتوب وادري ان قلبك حجر = وادري اني لو اغيب اغيب وياخذني الغياب
واشوف كفك يصفق الكف واحساسك قهر = ويذوب قلبك كما الشمع اذا احترق ذاب
ثم تنادي في ابتعادي ولا يجيبك بشر = من عيونك يمسح الدمعه ويسمع له عتاب
غادر اوطانك مايلتفت ولا يرد البصر = وان التفت قصده وداع اللي نوى عنك الذهاب
ظميان وحلمه حلم لو كان له رافد نهر = يرتوي لهثة طريق يروي مسافتها سراب
ومهما حبك بالضمير متأصل مهما كبر = اقدر انساك وغلاك ودمعك الذي ينساب
جيت ابتدي لجل انتهي بأول خطوات الصغر = حسبتك ورود وزهر لقيتك جمر ليتك تراب
انسان طالت وقفته يازمان كم انتظر = كم خنته وكم هو صبر يحتسبها احتساب
مدري متى تطوي معي مسافتي ويصفى الكدر = ومدري انا بالذات ليه رحلتي رحلة اياب
العرض الشجري
