قديمه بعض الشي .. ارجو لها القبووول ،،
يفداك ما ضاع من عمري وضيّعته = وافديك انا بالقصيد اللي على بالي
اللي مضى .. وقت مات .. خلاص ودّعته = ماهوب محسوب .. قبل اعرفك يا الغالي
لا صرت شي بحياتي ما توقّعته = باحسب حسابك .. واجيب الشعر من تالي
تدري .. كلامي عشانك يوم جمّعته = ضاع وبديت اجمعه وآرتب اقوالي
مره كتبته قصيد .. وجيت سمّعته = واختل وزنه .. وقمت ابكي على حالي !
إلا انت وحدك .. ملاك الشعر ما طعته = حتى عصاني عليك وما تهيّالي
الله يا حبك اللّي ما تصنّعته = يبيح لي فيك واسكن قلبك الخالي
يكفيك .. قدح الخيال .. اللّي تولّعته = من نظرتك واستفاق الشعر بهبالي
مثل أوّل اكتب .. وكلّه شعر وابدعته = لكنّي آحس فيك ابداع متعالي
اكيد .. " هاك القصيد " لعمر ضيّعته = واكيد .. " هذا القصيد " لعمري التالي !
العرض الشجري
